Bilangan 14:11 - Eipomek

¹¹ Atalak ara, Allah el si Yahweh arye, Musa biti nyabuk. “Dan talak arye, sik akilisal arye nati, ‘Elda talye nyaltakasulule,’ nyabuka malye yupu nyaninyak do? Tonda, narye ninye winipmanto kum pil weik, sik dam dolamseba elilamik bukni, yata talak arye, nati dib tenepnamniak do?” Allah arye nyabuka asibuk.

Bilangan 14:11 Referans Kwoze

Mazmur 106:24

Nirya daulamika ani, aminyan talak ara, pia teleb mutuku, Kanaan mutuku tam winiryuk biyik talak ara, sikce, ‘Kume, amutuku ara, nun lik,’ tenen, malye weik nyalamik. Deiyok ara, Allah arye, “Narye arepnamsin mutuku, Kanaan mutuku tam ara, pia teleb mutuku ati, amutuku noutam ara, teleb kipdeipsiniba, telebuk unamlume,” nyabuka, nyalin yupu deice nyapdeiamuk ning ara, sik Israel nang arye, diba kum tenelamika ati, “Amutuku ara, nun lik,” nyalamik.

Mazmur 78:32

Allah arye, ‘Anang ati, ikin ning arepnyopura, sik malye wininyak ning bikikirye, bataknamak,’ tenebuk bukni, Allah arye, imun weik un ning arebuk bukni, sik Israel nang ara, tuba-tuba pia malye weik winipnin balamikce, Allah ati yaninauk winilamik. Allah el mikip deice arye, weik ninye dopmankum pil ap, ninye kum winipmanto pil ap, dolamuk ning ara, diba kum tenelamik.

Mazmur 78:22

Allah arye yu weik ubuka ara, ani. Ara, sik Israel nang nirya arye, elti, diba kum tenelamike. Sikce, ‘Allah ara, nun patapsilye ning nirya, el mikip deice arye melibuka arepsutue,’ kum tenelamika ati, Allah arye sikti, yu weik ubuk. Tonda, sikce, ‘Kume, Allah arye dipkoprob lyepsutu do, kum do?’ tenen, teninauk ulamikce, diba kum tenelamika ati, Allah arye yu weik ubuk.

Ulangan 1:32

Bukni narye, ‘Batakasina kume, Allah arye anggun dam winyamsuke, winyamsuke,’ nyabuka, akunum nyamsise bukni, anggunce pia kum kekelulumce, anggun ni koproba Allah Yahweh el si erelamlum bukni, elti, pia moubuka diba kum tenelamlume.

Ibrani 3:8

Minop talak anggun apu yapu ara, lik ubukba, Allah nati, ‘Nun like,’ tenyamnikce bataknike. Sik winilamik touk kum wininamlulume. Atalak ara, anggun apu yapu arye, Mesir mutuku batakuka, ninye una kum ap, mok pia kum celamuk ak ap abalamikba, sikti, asin ning atonun winilelamse. Asilamse talak noutamak arye, sikce nati lik ubukba, ‘Allah ara, nun like,’ tenebuka bataklamnike.

Yohanes 12:37

Ura, Yesus arye ninye kum winipmanto ning, pil aning-aning nirya dolamukbuk, sik Yahudi yala deiyok nang ton elilamik bukni, sikce Yesus ati pia diba kum tenebik.

Bilangan 14:27

“Sik Israel kili sal arye nati, ‘Se, Allah arye ikin ning arenmasile. Aning ara nun like,’ nyabuka, nati malye yupu nyanyak nang ara, akunum kekepse. Dan talak ton, sik Israel kili sal malye unyak nang arye, nati malye yupu nyanamniak do? Sikce malye yupu nyaninyak yupu ara, akunum kekenune.

Bilangan 14:23

Ati ara, sik anang ara tonoknye babye, Kanaan mutuku ton, kum eipnamake. Ara, narye sik apu yapu ati, ‘Kanaan mutuku, pia teleb mutuku arepnamsine,’ nyabuka, nyalin yupu deice arye nyapdeiamse mutuku ara, wini talak unyak wisi nang ara, binuka pia kum eipnamake. Ati, yata kili sal do nirya arye, nati, ‘Allah elda, talinye binya’ tenen, nati yaniltalamnik Israel kili sal nirya ara, Kanaan mutuku pia kum eipnamake. Sik asukumuk dipnamaka ati nyapne.

Ibrani 3:18

Tonda, Allah arye, “Na mikip arye nyapsine, Aning ara, na ap dikdik sena ati, kintineipsise mutuku ara, pia kum dolonamake,” nyalilamuk ning ara, ‘Yata ninye ati, ayupu nyabuk do?’ tenena kume. Ara, el yupu ati, diba tenena kum arye, yaniltalmik ninye ati nyabuke. Yuk ninye ati kume. Allah el yupu yaniltalamikce, kekebuka kum dobolbalamik ninye ati, yu ubukba batakuke.

Ibrani 3:16

Ura, ayupu ton nyapnusine. Arup nyapmasin yupu noutamak ara, kum kekelamikce, ‘Allah nun like,’ tenebuka Allah ati, bataklamik ninye ara, ‘Yata ninye do?’ tenena kume. Sikda, Mesir mutuku noutamak arye batakuka, Musa menekuka balamukba, el urasin tam balamik ninye, Israel yala ninye nirya ati nyapsine. Mesir mutuku arye batakuka, Musa menekuka balamukba, el amenyan tam balamik talak noutamak ara, abalamik ninye ara, Allah ati lik ubukba, elti, yanilamik.

Keluaran 16:28

Dipdeyikbuk, kum eibikba, Allah el si Yahweh arye Musa biti nyabuk. “Ura, ‘Tek sum aning elbana kume,’ akunum nyapsise bukni, yata talak karin ton, narye ‘Aning ara wininamlulume, aning ara kum wininamlulume,’ nyabuka deresinye yupu nirya ati, anggunce kekebuka talye kanye bobuka unamlum do?

Yohanes 15:24

Na yasirye, sik kan-kan noutamak, yuk nang pia kum winilamik ning, ninye winipmanto kum ning, pil kum doptinyopura, kum elilamtingtoura, sik malye winin ning sik nong deiceuk tuba kum uptue. Bukni, wini talak akunuma. Narye ninye kum winipmanto ning, winipman kum pil weik arye domsiba, sik elilamik bukni, na ap, na Ni Koprop Allah ap ati, ‘Nun lik,’ tenesinyake.

Yohanes 10:38

Nyabukce ayupu ton nyabuk. “Bukni, na Ni Koprop Allah arye, pil dolye ninguk pil dopnyopura, adeice arye adiparyuk dib tenepnulume. Anggunce nati ara, ‘Talinye binya,’ tenepnutum bukni, ninye kum winipmanto ning, weik mambul pil donuna ara, eipmunce, adeice arye dib tenepnululume. Apil donuna deice arye dib tenepnutumopura, aminyan kel biknamlume. Ara, na Ni Koprop Allah ap, na ap talima dukdongobuka ansinibuka unyame. El ap, na ap ara nun neika. Aning kel kipmunce, moubuka tenenamlume.” Yesus arye nyabuk.

Markus 9:19

Nyabukura, Yesus ayupu kekebukce, atikmek nang nirya ati lik ubukura, ayupu nyabuk. “Atalak umunye nang ara, diba kum tenen, ululum nang ati, yata wiribuka talak arye apia unamne do? Tonda, ‘Teleb unamak do?’ tenen, batakna kumce yata wiribuka talak arye pia dinauk wininamsin do? Ati, ami, na dam boyalulume,” nyabuk.

Matius 17:17

Nyabukura, Yesus ayupu kekebukce, atikmek nang nirya ati lik ubukba, ayupu nyabuk. “Anggun atalak umunye ninye ara, dib kum tenelulum ninye anya arye, pia malye winilulume. Na lik ati, ‘Yata barye talak arye anggun dam tuba unamne do?’ Tonda, ‘Teleb unamak do?’ tenen, batakna kumce, yata barye talak arye pia dinamsin do? Ati, isa talyamuk mi ara, dobuka na dam boyalulume,” Yesus arye nyabuk.

Zakaria 8:14

Diba, na Allah Yahweh, im deice yin talen malaikat nirya, sik deiyoknye unirye, mikip weik ununa ati, narye ayupu nyapmasina ara, dipkoprob nong kunupnamle! Ati, anggunda ilil ton kum unamsile. Deiyok ara ani. Ara, anggun apu yapu nang arye malye weik ulamikba, yu upnuka ati, narye anang ati, ‘Sik wenena ati, imun kanye bon ning arepnamsina deice arye, supnamsine,’ tenyamse touk, dipkoprob batakna kumce, narye aning dobuka, sikti, wenelamse. Bukni, wini talak ara, anggun atalak noutam amutuku ululum nang ati, yuk ning winipnamsine.

Hosea 8:5

Se, anggun Samaria mutuku ululum nang arye, ‘Isa siuk erenamapʼ tenen, sapi basam urasin atonun ning memepdeiamlumce, aning ati si eremunya ara, narye, ‘Aning ara, pia na lik,’ tenenune. Tonda, narye anggunti, yu weik deice arye wenepnamsine. Se, atalak arye dipdongobuka, yata talak ton, anggun bidamnye aryuk, malye winin ninguk talibuka wininamlum do? Yata deiyok ati, diksukum winin ninguk talibuka, kum wininamlum do? Anggunda, teleb ubuka diksukum winin ning ati, pia kum winipmanto nanguk ululum do?

Yeremia 4:14

Yerusalem mutuku nang ati nyabuk. Anggun talima noutam arye, malye un ning tenelulum ning nirya ara, adiparyuk bataknamlume. Winipmunyeba, narye anggun nirya ara, lyepropnamsine. Yata talak arye do, anggun talima noutam arye malye teneplulum kanye ara, pia delinamlum do?

Amsal 1:22

Se, anggunda walwal ninye uk ululume. Kanye bona kumce, pia walwal deice aryuk umunye ning, pia malye weik ulamunye ning atibuk, kanye deibuka ululume. Yata talak tonap, amalye winin ning ati, kanye deibuka unamlum do? Anggun yep-yep alulum ninye ara, yata talak arye, yata karin arye tonap, talye kanye deibuka, yep-yep tuba nyanamlum do? Anggun kel bikna deiyok ning ati, ‘Nun like’ tenen, walwal kanye bobuka umunye ninye ara, yata talak karin arye tonap, walwal un ninguk winiltakanamlum do? Aning atonun, dan talak na nyasinye yupu ati, moubuka kekepmunce, kel biknamlum do?

Mazmur 95:8

Allah arye nyasulule. Atalak noutamak, na Allah arye nyasinye yupu nirya, kekepmunyopura, ayupu moubuka talepmunce, dobolbalulume. Anggun deipkirikdop nang, Meriba mutuku noutamak ulamikce, ‘Nun lik’ tenen, kat kanye bomik touk, kum unamlulume. Aning atonun, mek pia kumak ati, ninye kum unyakak, weik pata mutuku, el si ara, Masa mutuku noutamak, anggun apu yapu yangalamikce, malye yupu weik nyapnin yangalamik tonun, kum nyanamlulume.

Keluaran 10:3

Nyabukopura, Musa ap, Harun ap, sik Firaun dam birikce nyaprik. “Nun Ibrani ninye talibuka melisilye Allah, el si Yahweh arye, nyapmakile. ‘Yata talak arye ton, talima namin una kum arye, malye kibuka bisina uk umince, na amu tam kum unamlam do? Na mapu Israel ninye arye, na si erepnamniak’ tenen, ance sikti, lopdongopminba, yukak binamake, nyapkine.

Keluaran 32:9

Nyabukce, ayupu ton nyabuk. “Na kele anang ara, sik malye pia weik wininyake. Tonda, na yupu kum kekeninyake,” Allah Yahweh arye nyabuk.

Bilangan 32:10

Ilil ubukba, Otam mutuku kum wekelebitibye,’ tenebika ati, atalak ara Allah Yahweh el yu ubukba, elce sikti, mikip deice arye nyabuk.

Yeremia 13:10

Amalye unyak nang ara, pia mandipna nang unyak ati, narye sikti, nyalinun yupu nirya ara, kum kekenyake. Sikda, talye ning atibuk dobolbakirye, isa siuk erebuka unyake. Ati, narye sikda bumang celana malye kibukba batakik touk, sik amalye nang ati, aning babye, bataknamne.

Yehezkiel 20:13

Aning-aning nirya nyapdeipse bukni, sik Israel nang nirya ara, aweik kata mutuku noutam, padang pasir mutuku noutam arye balamik talak nirya ara, ‘Allah nyasilye yupu, nun like,’ tenelamikce, na yupu moubuka kekena kumce, yaniltanauk ulamik. Tonda narye, “Aning ara, winina teleb ning, aning ara, winina mem ning,” nyapdeipse yupu nirya ara, “Anggun nirya arye, ayupu moubuka taliplumakarye, moubuka tenipmunya deice arye, anggun pia kam tuba unamlume,” nyapdeiamse yupu nirya ara, batakanauk ulamik. Tonda, narye, “Amambul sum, Sabat sum noutam ara, talye pil dona kumce, dikdik sebuka, na siuk erenamnulume,” nyapdeipse sum ati ara, ‘Aning ara, mambul weik,’ tenena kumce, asum noutam arye, malye pia weik ulamikce, malye winilamik. Malye weik winilamik ati ara, narye, ‘Ura akunuma, apata mutuku noutam aryuk, anggun malye winin ning ati, yu weik usilye ning ara, sik nong deice deipnirye, sikti, weik tonun wenebuka oplopnirye, sirya daknamne,’ tenipsirye, akunum kintinipse.

Keluaran 23:21

Anggunda bisik banamlum talak niryada, narye dopreipsise malaikat, elce nyapsilye touk, moubuka kekepmunce, talibuka unamlume. Atalak nirya ara, elce nyapsilye yupu kum yaninamlume. Amalaikat ara, na si el deice akunum deipse ati, elce nyapsilye yupu yanipmunyopura, anggun malye upmunye ning ara, namin kum kipnamsine. Anggun ti wenepsilirye, ikin ning anggun nong deice deilinamsile.