Bilangan 14:1 - Eipomek

¹ Kanaan mutuku makameil binamik nang arye, Kanaan mutuku ati, ikin ubuk ati, yanuka nyabikba, Israel kili sal kekebikce, ilil weik ubuk ati, alukunyan ara, Israel ninye nirya arye engebuka, malye nyalamik.

Bilangan 14:1 Referans Kwoze

Ulangan 1:45

Winibuka obuka sirya daksikba, anggun adiparyuk tamubuka yanamlumce, Allah Yahweh ati, ‘Se, nun ni Allah Yahweh, ance nunti, bico tenesimince, melipsilyame,’ nyabuka, moryamlumce, engelamlum bukni, Allah Yahweh, elce anggun yupu kekebuka mangkau kiamsuke. Anggunce morolamlum yupu ara, pia kum kekamsuke.

Keluaran 13:17

Mesir mutuku deiyoknye Firaun birye, Israel ninye batakukba biyik. Abiyik talak ara, Pilistin ninye ulamik mutuku balamik bisik ara, dam awamuk bukni, Allah arye abisik kum bobiyuk. Abisik ara, pia dam koprop bukni, Allah arye tenebuk. Sik Israel nang ara, ‘Se, nun mal olan nang bisikak banmaba ati, nun eipsikirye opsicakʼ tenen, sik ilil uplya ati, ‘Mesir mutuku uk tamubuka bitibye’, tenebicake, Allah arye utenebuka ati, yuk bisik bobiyuk.

Keluaran 33:4

Allah arye ayupu nyabukba kekebikopura, sik mambul kanye bobuka, engenmikce, atalak noutamak nirya, tonoknye babye karakna ning ton kum karakamik.

Bilangan 13:33

Ton eibupu nang ara, ninye nong cang ap, konoba-konoba nang ap neikirye unyake. Ara Anek birye, deipkirikdop nang, sik yala si ara, Nepilim yala nang anye arye, sikce nunti dilina ara, talye kwising atonun elisinyake. Nunce sikti, aning atonun tenebupe. Sikce, nunti, ‘Ninye nong mitik nanguk,’ tenepsetinge. Ati nunce anang ati, obuka malye kum kiptibye,” nyabik.

Bilangan 14:2

Sik nirya arye Musa ap, Harun ap ati, nyanmek. “Se, teleb ning ara, nun Mesir mutuku noutamak ulamupu talak aryuk diamtibye. Akumopura, mok kum ati, ninye una kum mutuku, apata mutuku noutamak teleb ning ara, adiamtibye. Aning babye telebe,” nyabuka ngaluklamikce, Musa dam malye yupu nyalamik.

Ulangan 1:26

Bukni, Allah elce areamsuk mutuku ara, adiparyuk, min kum binuka wekamlume. Anggunce, “Kume, nunce amutuku nang ara, mikip weik nang anya arye, nunce sikti, malye kum kiptibye. Ati, omutuku kum binamabe,” nyabuka batakamlume. Anggun ni koproba Allah Yahweh arye, nyapdeiamsuk ning ara, anggunce kum kekeplumce, batakuka malye kimunya deice arye, elti, yanilulume.

1 Samuel 30:4

Winipmek ning ara, Daud ap, el yin bon nang ap nirya, aning eibuka, kel bikikopura, weik arye engebike. Engenmikce, sik nong mitang ubukba, tonap engena kum ubik.

Mazmur 78:32

Allah arye, ‘Anang ati, ikin ning arepnyopura, sik malye wininyak ning bikikirye, bataknamak,’ tenebuk bukni, Allah arye, imun weik un ning arebuk bukni, sik Israel nang ara, tuba-tuba pia malye weik winipnin balamikce, Allah ati yaninauk winilamik. Allah el mikip deice arye, weik ninye dopmankum pil ap, ninye kum winipmanto pil ap, dolamuk ning ara, diba kum tenelamik.

Bilangan 13:13

Asyer yala nang kan-kan ara, Mikael el mi Zetur wipdeibuk.

Ulangan 9:23

Aning atonun, Allah arye, ‘Mutuku si Kades-Barnea mutuku batakuka, winiryuk arepnamsin mutuku, binuka unamlume,’ nyapsuk bukni, nyapdeiamsuk yupu nirya ati, anggunce, ‘Nun like,’ tenebuka, tonda, ‘Allah arye melinamsile,’ tenen, dib kum tenelamlumce, el yupu batakuka, pia kum kekelalume.

Yosua 14:8

Winipse bukni, Kanaan mutuku dilbana ati, na ap neika binamupu nang nirya ara, Kume, Kanaan mutuku ninye ara, kum obisiptibye,’ nyabuka, yuk yupu ton laka nyabikura, atalak sik Israel nang kekebikce, ilil weik ubukba, ‘Se, Kanaan mutuku nang ton kum olbenamabe,’ tenebikce, sik kanye ikin ubuk. Ikin ubuk bukni, Na ap dilbenamubu nang arye, amalye yupu laka nyabik bukni, nara, kanye talima bokoltona kumce, na kanye pia na ni Allah atibuk, dipkoprob teleb yupu dem nyapse. Allah Yahweh arye, ‘Winamlulume,’ nyapdeipsuk touk, narye aning dem winipse. Nara, dipkoprob yupu dem laka nyapse.

Mazmur 106:25

Winilamika ati, sik terpal atonun ning arye domik doltakan tenda aik pum tam bulamikce, amutuku ati malye nyabuka, engelamik. Sikda, ‘Nun lik,’ tenelamikce, malye weik nyalamika ati, Allah Yahweh arye, “Winipnamlume,” nyapdeiamuk yupu ara, kum kekelamikce, aning atonun kum winipnin balamik.