Bilangan 13:23 - Eipomek

²³ Nyabuka ati, sik amutuku dilbiyik nang arye, makameil binmeka ani, aminyan talak ara, Eskol mutuku lu biyikce, anggur tapu duk pia teleb ning binuka dakikba, ikin weik ubuk ati, bitinye nang arye yo dongobuka caprodik. Atalak ara, yo duk yuk yala bitinye ton dakuka boyayik. Ayo duk si ara, delima ap, ara yo duk ap, dakuka boyayik.

Bilangan 13:23 Referans Kwoze

Bilangan 32:9

Nyabukce, ayupu ton dukdongobuka nyabuk. “Sik atalak ulamik nang ara, omutuku dilbalamikak, mutuku si Eskol lu mutuku biyikce, amutuku tuku ara, akunum eibik. Eiamik bukni, anang ara, tamubuka yanmek deiyok ara, “Se, Allah arye, ‘Amutuku arepnamsine,’ nyapdeiamsuk mutuku ara, nun Israel nang ara, nun mikip kum ati, nun ilil ati, amutuku kum wektibye,” tenelamikce, nyabika deice arye, sik kayapu nang, yuk Israel yala nang nirya kekebikce, sik talima daksakukba, ilil weik ubuk.

Bilangan 13:24

Amutuku si ati ara, si dobikce, Eskol mutuku lu nyabik. Asi nyabik ara, sik yupu koproba arye, Eskol nyabik deiyok ara, ‘Asukum ara anggur duk dakmabe’ tenen, nyabuka si dobik. Ara, sik Israel nang arye anggur tapu duk dakmeka ati, asi uk si dobik.

Hakim-Hakim 16:4

Aminyan talak ara, Simson birye Sorek lu mutuku ulamuk kil, Pilistin yala kil el si ara Delila, ‘Akil dopnun’ tenen, el kanye akil deice deibukce dobuk.

Kejadian 14:13

Ura, aning nirya winibikba, bin tonoknye ton ‘Tomopnuyap’ tenen, pirinmekbuk, duknubuka bindobuknye birye, aning nirya eibukce bikmoka anya arye, Ibrani yalanye Abram, el dam yanuka laka nyalyayuk. Abram ulamukak ara, Amorinye el si ara, Mamre arye taleamukba, weik tikamuk yo uamukak ulamuk. Mamre, ara Eskol ap, Akner ap sik weit koproba ulamuk. Sik nirya ara, Abram el tam akunum kiprobikce, Abram biti, ‘Nun ni ulule,’ tenelamik.

Ulangan 8:8

Amutuku noutamak ulamle ning ara, beras ap, gandum ap, aning ayala-yala nirya aulule. Tonda, anggur tapu duk ap, kwarang duk ap, delima yo duk ap, zaitun yo duk ap, mong mek ap, anirya pia aupnamle.