Bilangan 13:21 - Eipomek

²¹ Nyapdeibukba, sikce amutuku noutamak ara, ‘Yata wiribuka unyak mutuku do?’ tenen, dilbiyik. Ara, sik utam mutuku unyak nang ara, mok ap, mek ap kum ati, buppu weik arye ninye kum ulamik mutuku, el si Sin mutuku eitam arye dukdongobuka, Rehob mutuku bisik balamika damak, Hamat mutuku binuka dipra banmek.

Bilangan 13:21 Referans Kwoze

Bilangan 33:36

Sik nirya ara, Ezion-Geber mutuku arye batakikce, ninye pia kumai, Sin mutuku pata ara, Kades mutuku uk binuka, sik tenda baju bola doltakan aik deibik.

Bilangan 20:1

Keting tamun yupa tonok, keba odikin 40 tahun akunum ubukba, aketing tamun noutamak ara, sik Israel ninye balamika ani, mek kumak, Sin mutuku tam, pata mutuku biyik. Balamika ani, Sin mutuku tam bukni, wala tonok ning kibuk deice, sik Israel ninye, Kades mutuku biyik. Kades mutuku ara, mok kum celamuk mutuku ati ara, ninye ton kum ulamik mutuku bukni, sik Israel ninye amutuku binuka ulamik. Kades mutuku binuka ulamik talak arye, Miryam dibukba weibik.

Bilangan 27:14

Deiyok ara, urdem ati kume. Israel ninye ara, mek pia kum mutuku, Sin mutuku ap, Kades mutuku ap ulamik talak ara, malye kibuka kekena kumce, malye yupu nyalamikba, Musa an ap, Harun ap, anggun bitinye malye kipdongamnurume. Ara, narye, ‘Yupu nyaprumunba, akeil noutamak arye, mek kutukuka banamle,’ nyapsise bukni, anggunce na yupu yaniprumce, Musa an kama dobuka, akeil deice opluma ati nyapkine. Winipruma deice arye, sik Israel ninye eibikce, ‘Allah elda pia mikip weik ulirye, diksukum pia telebnye uk ulule’ tenen, kum biknike. An ap, Harun ap malye winipruma deice arye, Israel ninye dinmeka dam arye, na si kum erepnurume. Na nyapmakin mutuku ara, Meriba mutuku bukni, mek kum mutuku noutamak Sin mutuku ati nyapne.” Allah arye, Musa biti nyabuk.

Yosua 15:1

Yehuda yala nang arye deibikba, dadeipdanin balamik nang nirya, sik ulamik mutuku ati, bokuka doprobik ning ara, ani. Ara, iknapye tam arye, dipdongobuka binamuka ani, Edom mutuku wililamik sukum, arye ubuka, sirya tam biyik ara, Zin mutuku noutam biyuk.

Yosua 13:5

Anyapce dipdongobuka, Gebal yala ninye arye, talibuka ulamik mutuku ton aulule. Amutuku arye dipdongobuka, eitam mutuku noutam bukni, keting panalyangan tam mutuku aulule. Ara, Libanon mutuku bukni, weik mutuku bukamukak, Hermon mutuku dam buk, utam mutuku ara, Bahal-Gad mutuku arye dipdongobuka binamuka ani, otam Hamat mutuku wekel bana ati, amutuku bisik balamikak uk aulule. Amutuku nirya babye, dopropnamake.

Amos 6:2

Ayupu ara, urdem ati kum nyapsine. Anggunce, ‘Ikin ning nun dam kum yanamsile,’ tenelulum bukni, moubuka tenenamlulume. ‘Aminyan talak ara, yata ikin ning yanamsil do?’ tenebuka, kel bikna ati, anggun min pola mutuku si, Kalne mutuku dilbilulume. Amutuku dipdemunyopura, abisikuk banmamunya ani, bimunce, weik asik dolamik mutuku, el si ara, Hamat mutuku binuka eipnamlulume. Winipmunce, anirye Pilistin ninye unyak mutuku noutam ara, mutuku si Kat mutuku ton, dilbinamlulume. Amutuku-amutuku ulamik ninye nirya ara, Allah wenebukce, obuka sirya daklamuk. Winilamuk bukni, anggunce yata ning tenelulum do? Anggunce tenemumnya ara, ‘Kume, Kalne mutuku ap, weik kota mutuku el si ara, Hamat mutuku ap, Pilistin ninye sik weik kota mutuku, el si ara Kat mutuku ap ara, amutuku noutam ulamik ninye nirya ara, malye ninye ulamik bukni, nunuk ara, teleb ninye unyabe,’ tenelulume. Tonda, anggunce, ‘Kume, sik yuk mutuku ulamik nang ara, sik mutuku ara, mitik pala mutuku uk taleamik bukni, nun mutuku ara, pia lo weik pala mutuku talinyaba anya arye, nun mutuku ara, min kum kum dasutue,’ teneluluma arye, talye kanye bolulum do? Narye dipkoprob nyapsine. Allah arye kum daneiamuk ninye ara, malye winilamik touk, anggun Israel ninye babye, malyeuk winilulume. Allah arye amutuku-amutuku ulamik ninye nirya, kum daneiamuk ning ara, moubuka tenenamlulume. Anggun babye, atonun winipnamsile.

2 Samuel 8:9

Aminyan talak, ninye arye, “Raja Daud birye, Damasyik tam taleamuknye, Raja Hadadezer ap, el yin talin nang ap nirya ara, akunum obukabukce, sirya dakuk ning,” lake nyabikura, yuk ninye deiyoknye, Raja Tou ara, Hamat mutuku taleamuknye arye kekebuk.

Ulangan 32:51

Winipnalama deiyok ara, nyapnukine. Deiyok ara, anggun bitinye yuk-yuk bukni atonun, narye, ‘Wininamnurume,’ nyapsise yupu, dib tenena kumce, anggun yuk teneprum ninguk winiprumba, sik Israel ninye elilamik. Ara, mek ap, ninye ap, kumak ara, Sin mutuku bukni, mutuku si ara Meriba, tonda Kades mutuku dam arye, amalye ning winiprume. Sik Israel nang arye, ‘Allah ara, pia malye ton winina kumnye ulule,’ tenelamniting bukni, anggun malye winiprum ning eibika deice arye, aning ara, kum tenelamnike. Winiprum ning ara, na nong ap, na yupu ap, yanina atonun anya arye, an Musa biti, wini talak wenepnamakine. Nati, dib tenebuka kum winipdeipnuluma deiyok arye, dipnulame.

Ulangan 1:24

Winibuburye, sik awipdeiamupu nang ara, sik adiparyuk, Amori yala nang ulamikak bukni, ei mutuku tam bisik dilbinamikce, Eskol mek duman biyik. Asukum biyikopura, amutuku-amutuku nirya, maka meipre balamike.

Yeremia 49:23

Allah Yahweh arye, Damsyik mutuku noutam unyak nang ati, nyapdeibuk yupu ara, ani. Ara, Damasyik mutuku dam bukni, Hamat mutuku noutam unyak nang ap, tonda Arpad mutuku unyak nang arye, engen yupu kekebiceura, sikce, ‘Se, aning ara mambule,’ tenena ap, ilil una ap, unamle. Ara, yuk nang arye, Damsyik mutuku nang, akunum opnamake,’ nyabuka, engen yupu ton nyabikiba, kekebikirye, malye kanye bobuka, teniltonauk unamake. Sik anang talima noutam ara, nemalyap arye, dakeiam asa kum unamake. ‘Se, yata wiripnamap do?’ tenen, imun kanye bona ap, ilil una ap, kanye windung-wandung ana ap, unamake. Winipmanto ara, kumanya mikip arye dopliba, weik laut mekwen deice, mek kait mikip weik arye welelamle touk, upnamake.

Yeremia 52:9

Raja Zedeikia akunum tomobikopura, adiparyuk dobuka, Babel mutuku nang sik deiyoknye, Nebukadnesar Hamat tam bukni, Ribla mutuku ulamukak bobiyik. Bobiyikba, Nebukadnesar birye, Raja Zedeikia biti, “Winibuka wenepnamkine,” nyapdeibukba, el yin talin nang arye, sik deiyoknye nyapdeibuk touk, winibik. Ara, talye wenena kume.

Yehezkiel 47:16

Atonun, anyapce dipdongobuka, Berota mutuku ap, Sibraim mutuku ap, dipdongobuka binamlya ani, wilipdopnamlume. (Sibraim mutuku, ara Damsyik mutuku atam, Hamat mutuku otam, danoutam mutuku). Anyapce dipdongobuka binamunya ani, Hazar-Enan mutuku binuka wilipdopnamlume. Hazar-Enon mutuku ara, Hauran mutuku wililonak dam ubuke.

Bilangan 34:8

Tonda, Hor mutuku tam arye, dipdongobuka keting panalyangan tam mutuku si Hamat mutuku bisik ban tam, anyapce Zedad tam ap, dipdongobuka wililonak deipnamlulume.

Hakim-Hakim 18:28

Amutuku noutam ara, tonok lu pia weik mutuku ara, el si Bet-Rehob mutuku uamuk. Dan yala nang arye sik Lais mutuku nang nirya opdayik talak ara, yuk mutuku nang arye, Lais mutuku nang ati, ton yanuka kum melibika deiyok ara, sik Lais mutuku nang ara, pia bai noutam ulamik. Ulamika arye, sikda yuk mutuku nang ap yupu ton kum nyaldalamek. Sikda, pera weik mutuku, Sidon mutuku dam kum ulamik. Pera weik mutuku otam ulamik ati, yuk mutuku nang arye, sik Lais mutuku nang melina ati, ton yanuka kum melibik. Dan yala nang arye, Lais mutuku malye kibikce, sik domik asik nirya uku dongobuka, sirya dakik bukni, aminyan talak ara, sik Dan yala nang aryuk, amutuku asik nirya punubuka dobikce, amutuku talibuka ulamik.