Bilangan 13:17 - Eipomek

¹⁷ Awipdeibuk nang ati, Musa birye nyabuk. “Ura, Negeb mutuku noutamak arye bimunyopura, otam mutuku taram welepnululume.

Bilangan 13:17 Referans Kwoze

Hakim-Hakim 1:9

Amutuku akunum winibikopura, aminyan talak, sik Yehuda yala nang anya arye, outam weik mutuku kon uamukak binmek. Ara, Kanaan mutuku noutam bukni, utam (arah selatan) dabu mutuku, mek pia kum mutuku noutam, amutuku si, Negeb mutuku dam tam, aulamik nang ap, tonda amutuku lilun tam bukni, otam keting kumubalamle tam, mutuku kon deice asik dobuka ulamik nang ap, obuka sirya dakik.

Kejadian 12:9

Aning nirya akunum winibukopura, amutuku batakuka, yuk mutuku si Negeb mutuku lyu bisik biyuk.

Hakim-Hakim 1:19

Atalak nirya ara, Allah Yahweh arye, Yehuda yala nang ati melibukba, iknapye mutuku tam nang nirya ara, obuka sirya dakikce, amutuku alubuka doprobik. Bukni, anyapce ubuka, outam mutuku lu tam ulamik nang ara, obuka sirya kum dakik. Sik mutuku alubuka kum doprobik. Tonda, aKanaan tam nang ara, amutuku noutam arye, kum yakdonokik. Deiyok ara, sik lu tam ulamik ninye, Kanaan nang arye, ninye olbana ati, kereta perang, kat ning si besi arye moupdeiamik ning ton taleamika ati, amutuku ulamik nang ara, Israel yala nang, sik Yehuda tam nang arye obuka, sirya dakik bukni, kum yakdonokik.

Hakim-Hakim 1:15

Nyabuka asibuk ati, Akhsa birye, el li Kalep biti nyabuk. “Na nio, ance na unamnak ati, pia kata mutuku buk, keil weik ulamuk arye, mek kum mutuku, Negeb mutuku noutamak arye deipnulum bukni, teleb tuku ton, amutuku si ara, Gulot-Mayim, Aning atonun, tuku ton patanmanilba yanmana anya arye, ‘Atuku arepnutumʼ tenen, moropkine,” nyabukce, yanuka morobukura, el li Kalep birye, mek pu tam ap, mek dara tam ap, tonda, Gulot mutuku itam ap, mek dara tam ap ara, pia teleb mek pu uamuk tam, Gulot mutuku noutam dipdongobuka, utam nirya ara, el kilmu ati arebuk.

Yosua 15:3

Laut Mati deice tam, iknapye tam bana ati ara, Akrahim mutuku kon tam arye, ubukabikce, Zin mutuku ara, pata mutuku biyik. Ton atouk, Kades-Barnea tam bukni, iknapye tam biyik. Tonda, Ezron mutuku tam kibukabikce, anyapce ubuka, Adas mutuku welebik. Asukum, welebik bukni, Ila tamubuka kepdeibuka, Hakrahim tam yayik.

Kejadian 13:1

Mesir mutuku nang arye, Abram dobuka, sik mutuku noutamak arye, yakwetebik ati, Mesir mutuku batakuka, tuba tamubuka tonap Negeb mutuku panabuka biyik. Ara, Abram ap, el kil ap, Lot ap, sik bona nirya ap, dobuka biyik.

Ulangan 1:44

Anggunce winilamluma deice arye, sik Amori yala nang ara, amutuku dam noutam ulamika anya arye, anang kutuk sakuka yayikce, anggun nirya obuka, sirya dakamsike. Amori nang sik yupa ara, pia weik ulamike. Winipmanto ara, mong weklamlak weik tonun arye ulamaka atonun ulamike. Tonda, sik anang arye, eibuka dobolbisikba, Sin mutuku arye batakuka, yukak Horma mutuku dam ton dobolbinamsike. Dobolbalamsika ani, otam mutuku, Edom mutuku damuk binuka, anggun nirya ati, obuka sirya daksike.

Bilangan 14:40

Nyapmoka ati, engenmeka ani, mapmeka berekuk talak ara, beren tam koprop arye, sik adiparyuk bukuka, ‘Otam mutuku dup binuyabe’ tenen, kitintenebik talak ara, “Se, nunda dipkoprob malye awininmabye buk, Allah arye, ‘Terberau Laut Mek Kwen bisik pata mutuku noutam bisik binulume,’ nyapnamsil bukni, min arye nyapdeiamsuk mutuku, kon deice bisik talye lukparabuka binuyabe. Allah el si Yahweh arye, ‘Amutuku arepnamsine,’ nyalilamsuk mutuku ara, atam ubuka ati ara, abisik binuyabe,” nyabik.

Bilangan 13:29

“Tonda, Amalek yala ninye ara, Negeb tam unyake. Het yala ninye ap, Yebus yala ninye ap, Amori yala ninye ap, mutuku kon deice unyake. Tonda, Kanaan yala nang ara, weik laut mekwen dam arye dipdongobuka, ‘Yordan mek kup-kup unyake,’ nyabuka, yan laka nyabik.

Kejadian 14:10

Ura, Sidim mutuku noutamak ara, pia palilamsil tuku, mirin bentalak weik uamuka anya arye, olanmek bukni, sik Sodom mutuku nang ap, Gomora mutuku nang ap, ‘Anang arye, opnusiyak’ tenen, ilil ubukba, bikbik abuka banmeka ani, ton nang ara, mirin tuku palilamsil ning noutamak sakik. Ton nang ara, bikbik abuka banmeka ani, mutuku kon uamuk mutuku dungnul biyik.

Kejadian 13:3

Ura Abram bira, Negeb mutuku bukni, omutuku biyukce, yuk mutuku binuka daunmoka ani, tuba panabukce banmoka ani, aminyan ara, tuba tonap Betel mutuku dana tam, Ai mutuku dana tam, el tenda aik domuk sukumuk tamubuka biyuk.

Kejadian 13:17

An dinmalam mutuku nirya ara, arepnamkin ati, anyaka arye, outam ap, eitam ap, dana-dana tam ap, dipdongobuka banamlyame.” Allah arye, Abram biti nyabuk.

Bilangan 13:18

Bimunce, Kanaan mutuku unyak nang ara, mikip asa unyak do, mitang asa unyak do? Tonda, ‘Ninye weik unyak do, mitik tonun do? Tonda sik mutuku ara, yatato mutuku ubuk do?’ tenen, moubuka dipdemunce, moubuka kel biknamlulume.

Yosua 2:1

Ninye si Nun, el mi Yosua birye, ninye bitinye nang wipdeibuk. Ara, ‘Kanaan mutuku noutamak bukni, mutuku si Yeriko mutuku dilbinamdak’ tenen ati, anang wepdeibuk. Yuk nang ton, laka kum nyabuk bukni, elcuk abitinye nang wipdeibukce, Sittim mutuku arye wipdeibuk. Dopdeibukce nyabuk. “Anggun bitinye nang ara, Kanaan mutuku nirya dilbinamarume. Tonda, weik mambul ning ara, weik ninye asik donyakak ara, Yeriko mutuku dipdenamdurume,” nyabuk. Nyabukura, abitinye nang ara, Yeriko mutuku birikopura, sal arye yo bok arebuka, talye-talye yoldalamik kil, el si ara Rahab, el aik wekdikce, tia talak ati aunmarik. Anyaik wekdika deiyok ara, ‘Yu nang arye opsicak’ tenen, dungnubuka birik.

Yosua 10:40

Ura, winilamuka deice arye, Yosua birye, amutuku noutam ulamik nang nirya ara, akunum obuka sirya dakuk. Ara, ninye deiyok nang Raja-Raja babye, oltaknauk ubuke. Ara, Negeb mutuku, mek pu sukum ati, weik mutuku ap, mutuku bumang deice ap, amutuku taram kanimna uamuk mutuku ap, tonda amutuku noutam ulamik nang nirya ap, otam ulamik nang ap, tonda amutuku-amutuku noutam keting kumulban tam, eitam ulamik nang ap nirya ara, obik. Tonoknye babye, ton pia kum batakik, anirya obik. Ara, Israel nang talibuka ulul Allah, sik ni Yahweh arye, “Winipnamlyame,” nyapdeibuk touk winibik.