Bilangan 12:14 - Eipomek

¹⁴ Atalak ara, Allah el si Yahweh arye Musa biti nyabuk. “Winipmanto ning ara, el li birye el kilmu asok deice, maka tulupdeiptopura, like tekbarye alye kum uptu do? Aning ati ara, Israel ninye anggun doltakna aik dam arye batakuka, el yuk bai bilirye unmalye buk, like tekbarye sum akunum uplyopura, ila tamubuka, anggun asik damuk tamubuka yatue. Ara, el wenena ati nyapne,” Allah arye nyabuk.

Bilangan 12:14 Referans Kwoze

Ulangan 25:9

“Sik kwit diamlinye, batakamlye kil yalirye, Israel nang, sik wisi-wisi nang, yupu lipsisikuka bokolina deiyok nang dam yalyopura, ‘Akil kum dopnamne,’ nyaplinye, el ongolamlye yan bol sandal kwiribukaplirye, anye el urasin deice maka tulupdeipnamle. Winiplyopura, akil arye nyapnamle. ‘Kume, winipmana ara, talye ati kume. Ara, yatanye do nirya, sik yala nang dibikce buk, sik kwit capu pununa ati, sik batakice kilapu kum dibikirye, mapu ton kum deibikcopura, winipnamabe. Ara, sik kwit capu kum punupnamake ati, winipmake,’ tenenamlulume.

Ayub 30:10

Wini talak ara, narye sik dinye talak ara, sikce nati, yu uplirye, ‘Elda malye tonye biti, malye ulule,’ nyaninyake. Utenekinirye, na eipnikce talak ara, talye lubakibuka, na asok deice maka tuluninyake.

Yesaya 50:6

“Ati, yuk nang arye na ona ati yayikba, balye tam kipdeipsiba opnike. Tonda yu nang arye, ‘El bam potong lyepropnuyap’ tenen, yayikopura, narye kintineipse. Nalibuka, na asok deice maka tuleipneik talak ara, kum tamubukse.

Ibrani 12:9

Aninguk kum bukni, nun nirya ara, nun ni yapu arye wenebuka peterelamsikba, kekelamubu. Winibuka winilamsik ning ati, nun ni yapu ati, si erebuka kanye delilamubu. Nun tam ninye ati, mitik anun arye si erelamubu bukni, nun Ni Kopropa Allah arye, nun kanye talima ap, dib kanye ap, kam ulisululnye ati ara, adiparyuk weika arye si erebuka, el amu tam bukeipyopura, kam pia unamabe.

Matius 26:67

Nyabikopura, ton nang arye Yesus nong deice si maka tululinmek. Ton nang arye Yesus el asing, baju arye pakubuka kitibikce, anang nirya arye taruk kitibuka, Yesus el nong deice bokuka onmek talak arye ayupu nyanmek.

Ayub 17:6

Wini talak ara, ninye nirya arye, yuk nang kekecak binuka nati, malye yupu nyaninyake. Anggunce, “Moubuka tenipnamlulume, kumopura, Ayub pia imun kanye bobuka ulamu touk upkilyak atia,” nyabuka, nalinikirye, akutuninyake. Ayupu atonun nyaninyake. Tonda, sik anang nirya ara, na dam yakirye, na asok deice maka tululininyake.

Imamat 14:8

Apukle suse akunum lopmalinye bira, adiparyuk el baju nirya mek likinamle. Tonda, el potong nirya babye, konamlule. Winiplirye, mek keklyeba, el nong nirya teleb unamle. Mek liklirye, aning nirya teleb uplyopura, Israel nang unyakak, tuba tonap tamubuka, sik aik dam bana telebe. Ara teleb uka. Yuk nang aik dam yangana kum bukni, el aik pum tam babye, min yuma kum wektue. Like tekbarye sum el yuk barasik daunamlule. Talya bai barasik tamuk daunmalya ani, like tekbarye sum akunum maplyeura, el aik sirika tamubuka yanamle.

Bilangan 5:1

Allah Yahweh arye, Musa biti nyabuk.

2 Raja-Raja 15:5

Ati ara, Allah Yahweh arye Raja Uzia, el nong bol deice ikin weik ning ara, kanye imun suse, uk dina deiyok ning arelamukba, weik suse dilamuk. Winilamukba, ikin kanye bobuka ulamuk. Auk dilamuk ning ara, pia kum kwetepmanto uamuka anya arye, amutuku nang nirya ara, ‘Se, auk ara, nun nong deice ton, sakukaplirye, dipsilyakʼ tenen, el ninye deiyoknye kibuka, pil dolamuk aik noutam arye batakuka, yuk aik binuka deiamikba, asukumuk ulamuk. El ap, yuk nang ap, neika kum ulamik. Winibuka daulamuka ani, auk dilamuka deice arye dibuk. Uzia el kanye imun suse, uk dilamuka dibuk talak ara, el pil dolamuk ning ati punubuka, amutuku ulamik ninye ati, talibuka pil dolamuknye bira, el mi Yotam birye, Yehuda tam ulamik ninye talibuka, pil dolamuk.

Imamat 13:4

Bukni, anye el bol deice kurubuka butbuta kulamle malye suse, el si panu taleamlinye bukni, asusu arye, anye el nong bol tup kan-kan dibuka, wekna kum ap, tonda asusu taleamlirye, dilamlinye tam arye, el nong bol deice wamlye potong kum kuruyamlirye, diksukum wamlinye bira, ‘Imamnye birye, el anye biti, “Anda, imun kanye bon suse uku bikuk do? Korot suse dinmakil do? Uku diksukum boupkuk do?’ tenen ati, dipdenamkine. Ati, tia ati, ninye una kumak, bai tamuk, like tekbarye (7) sum binuka unalyame,” nyanamle.