Bilangan 12:12 - Eipomek

¹² Morobukce, ayupu ton nyabuk. “Naio, na makal kil Miryam biti, kilapu arye lyun mi deipmakibuk, diplirye el nong bol ton tam lyulamle atonun ubuk ning ara, kum daneiptumce, na makal kil kweteptume,” nyabuka morobuk.

Bilangan 12:12 Referans Kwoze

1 Timotius 5:6

Bukni, yata youwak kilapu do nirya, ‘Kume, na kanye deibuka unye ning ap, aning-aning weik dopropnune,’ teneplirye, dilana ap, ulul kil ara, kam tuba ulul bukni, akunum dibinyak ninye atonun ulule.

1 Korintus 15:8

Anang pil dobuka winilamak touk, Yesus arye nati, ‘Anye birye na pil dopnamnil’ tenen, wibuka deipnukura, apiluk donune. Bukni, winibuka daulamnya ani, nara aminyan sirya koprop tamto weipnuknye binya arye, kilapu sikce, mi bomikca ani, mi delilamak atonunye unune. Na talye daulamsani, aminyan talak ara, na dam ton panabuka tikukba, na asing arye, Yesus eipse.

Mazmur 58:8

Tonda, dou malamle talak nirya ara, mok cena kumce, mek nirya cebuka, silal selamlirye, kum danalamle touk, ‘Ance amalye winina deiyok nang ati, kum kipdeipnalam’ tenen, moropkine. Tonda, winipmanto ning ara, ninye balamikirye, moubuka yanilamikiba, silal selamlirye, kum danin balamle touk, ‘Sik malye winina deiyok nang ati, kum kipdeipnalam’ tenen, moropkine.

Ayub 3:16

“Na nin mun pum tam arye, dadiamtiniba deipkwetamnutue. Winipnutuba, keting dirina el lina kum aniryuk, tuku lukamnitinge. Mun pum tam lyulamle mapu tuku lukikiba, keting dirina kum elilamak touk, winyamtinye.

Kolose 2:13

Ara, anggun Yahudi yala kum ninye ara, anggun malye tenelamlum ning ap, talima malye ulalum ning ap, deice arye, akunum dibilamak ninye atonun ulalume. Minop talak Allah arye, “Den bam bol mouse ning kum seklamik nang, na dam kum yatinge,” nyapdeiamuk touk, anggun Yahudi yala kum ninye babye, anggun malyeuk ulamlum talak ara, Allah el dam kum yanmanto ulamlume. Minop talak noutamak winibuka pia malye ulalum bukni, atalak noutamak arye, Allah arye Kristus kam bukeibuka deice arye, anggun babye, kam bukepsuke. Allah arye, nun malye unyap ning ap, malye tenenyap ning ap, namin kipsukce, kum kipdeipsuke.

Bilangan 12:11

Winibukba, Harun birye Musa biti nyabuk. “Se, nun nio, nunda kanye bona kum nang winilamak touk, nun walwal arye nyapmanume ati ara, nun bitinye nang makal arye, an deice malye winipdeipmakinama ati, yu kanye bopsiminyake. Nun malye winipmanumu ning tuba kum tenenamlyame. Tonda, nun wenena kume. Amalye ning, nun nong deice arepmasilam ning ara, ila tuba tamubuka doproplyame,” nyabuka morobuk.

Bilangan 12:13

Nyabukura, Musa birye Allah el si Yahweh ati morobuk. “Naio, Miryam el bol deice, bol kona suse deiyok ning dilya ning ara, kum daneiptume. Na makal kil kweteplyame na nio,” nyabuka morobuk.