Bilangan 12:1 - Eipomek

¹ Musa domuk kil ara, Israel yala kil kum bukni, yuk mutuku kil, amutuku si Kus mutuku kil dobuka domuk. Winyamuka anya arye, el kil ara, Kus mutuku kil ulamuk ati, Miryam ap, Harun ap arye, akil ati malye kanye boprikce, ‘El malye kipdeipnunam’ tenen, Musa biti ara, malye yupu nyapin balamdik.

Bilangan 12:1 Referans Kwoze

Keluaran 2:21

Binuka yukubikba, Musa yayukopura, neika unmek. Neika ulamika ani, aminyan talak anyaik deiyoknye Yitero birye, el kilmu Sipora kapreibukba, Musa dobuk.

Kejadian 27:46

Nyabukopura, Ribka arye, Isak biti nyabuk. “Amutuku noutam unyak kilapu, sik Het yala kilapu, na lik weik unulul ati, nun mi Yakub birye, amutuku kilapu noutamak arye, el kil doproplyopura, na lik weik ati diptinye babye, teleb uka. ‘Amutuku unyak Het kilapu malye winilamak touk, winilye kil doplyak’ tenena ati, nyapkine,” nyabuk.

Kejadian 24:37

Tonda, na deiyoknye birye, nati nyapnuke. “Nyalin yupu nyapnunilyame. Ara ani. ‘Na mi dopnamle kil morolbinamnilam bukni, na Kanaan mutuku noutamak ununak, Kanaan nang arye deibik kilmapu, asukum ara kum moropnalyame.

Galatia 4:16

Peterelamsise talak ara, winibuka weik arye kanye deiyamnulum bukni, wini talak ara, anggun malye winipmalum ning ati, wenebuka dipkoprop yupu nyapmasina ati ara, anggunce, ‘Anye bira, nun like,’ tenenamnulum do, kum do?

Yohanes 7:5

Yesus el weit yapu koprop arye ayupu tenepce nyabika deiyok ara, sik babye, ‘Yesus ara dipkopropnye’ tenen, dib kum tenelamika ati, ayupu nyabik.

Matius 10:36

Aning atonun, tonoknye bira, el mining aik nang arye, elti, mal pinamake.’ (Mika 7:6) Mika arye nyalamuk yupu dobuka nyapsine. Ara, na nyasinye yupu ati, ninye arye, yu upliba, oldanamake. Yesus arye nyabuk.

Kejadian 24:3

Nun ni koprop Allah, el si Yahweh ara, aning-aning nirya, im deice ap, tukwak mutuku nirya ap talilule. Allah el tonok ulirye, nun weik deiyoknye ulula anya arye, el si deice arye, nyalin yupu nyapnunilame. Ara, na mi Isak arye dopnamle kil ara, sik Kanaan tam ninye arye deiamice kilmapu noutamak arye, pia kum dopnalame.

Imamat 21:14

Tonda, yuwak kil do, el akanye kam tuba ulamlye buk, batakamlye kil do, tonda wel nebuka talye ulamlye buk, ubula yolamak kil do, tonda yo bok arebikirye, talye-talye yolamice kil do, atonun kilapu ara, pia kum donamlule. Bukni, el mutuku kilapu noutam arye, sal ap pia kum malamikirye, malye una kum wel tuba ulamlye kil dopnamlule.

Keluaran 34:16

“Aning atonun, anggun Israel nang arye, anggun mapu kil dona ati, aminyan binamlum mutuku, tikilyangan nang sik kilmapu dopropmunce, anggun mapu arepmunba, dobikcopura, aminyan talak na bataknikirye, sik kilapu si erenyak Isa Mutuku Dongonye ninguk, ‘Sik ton erebikcak’ tenen, nyapsine. Ara anggun mapu, sik kilapu yupu kekebikirye, sik Isa Mutuku Dongonye si erebikirye, malye winibicak ati, moupnamlulume, nyapsine,” Allah arye nyabuk.

Kejadian 41:45

Nyabuka Firaun birye Yusup biti, winiryuk si ton sisibuk. Anye si ara, ‘Sapenat-Panea,’ nyabuka sisibuk. Tonda, el kil ati, akil si, ‘Asenat,’ kapdeibukba dobuk. Akil el li bira, On mutuku ninye, sik isa si erena deiyoknye, el si ara, ‘Potipera’ ulamuk. Aning-aning nirya akunum winibukopura, Yusup birye, Mesir mutuku noutamak pil dolamuk.

Yohanes 15:20

Nyabukce, ayupu dukdongobuka nyabuk. Na akunum nyapdeiyamsise yupu ara, tuba tenenamlulume. Ara, talye pil melin ninye ara, mitik mambul bukni, sik deiyok nang ara, weik mambul unyake. Yuk nang arye deiyok nang ati wininyak atonun, adeiyok nang sik amu tam unyak ninye ati ara, atonun wininamake. Ati, na talye kum nyapsine. Sik malye nang arye, nati, malye yupu nyabuka na nong deice ikin ning weik delilamnike. Aning atonun, anggunda na amu tam ululum ninye ati ara, malye nang arye anggunti, ‘Anang ara, nun lik’ tenen, malye yupu nyabuka, ikin ning anggun nong deice delinamsiake. Bukni, na yupu kekebuka dobolbalamak ninye ara, anggun na mapu nyalulum yupu babye, kekebuka dobolbanamake. Na yupu kum kekenyak ninye ara, anggun na mapu nyalulum yupu babye kum kekepnamake.

Matius 12:48

Nyabikopura, Yesus arye, ‘Na nyapne yupu ara sik moubuka tenepnamak’ tenen, anang ati asipdeyuk. “Na nin yapu ap, na weit yapu ap ara, yata ninye do?” nyabuka asipdeyuk.

Keluaran 2:16

Winipmok talak ara, Midian mutukunye tonok, el kilmapu tekbarye kilapu ulamik. Anye bira, el si ara, Yitero ulamuk. El pil ara, Allah si erena ati, kam ning obuka arena deiyoknye ulamuk. Anye, el kilmapu tekbarye arye, sik domba basam mek arena ati, amekwen dam lukamikak kwelyayik. Ara, ‘Mek kwebibirye, mek delinak dikdongobibyopura, nun ni el domba basam dipnuyake’ tenen, mekwena ati lukamik dam yayik.

Bilangan 14:22

Ara, ‘Allah arye melipnamsilʼ tenen, kel biknamak’ tenen, Mesir mutuku noutamak ulamik talak ap, mek kum ati ninye kum ulamik mutuku noutamak ap, narye sirya dakne pil ap, ninye winipmanto kum pil dolamse ning ap, na dirina arelamse ning ap, sik asing koproba arye elilamik nang bukni, kum dib tenenyak kili sal nirya ara, wenebuka opnamne. Na mambul ning elilamik bukni, dib kum tenenyak ati ara, anang ara tonok ton kum bataknamne. Sik nirya wenebuka opneba dipnamake. Deiyok ara, sikce nati yanilamnikce, ‘Allah bira dipkoprob mikip weiknye ulul do, dib ulul do, kum do?’ tenen, teniltolamnike. Ila tuba tonap tagu barye (10) kali deice arye yaniplopnikce, winilelamnike ati nyapne.

Bilangan 16:2

Tonda, Korah birye Datan ap, Abiram ap, On ap ara, amutuku ulamik Israel ninye arye, sik deiyok kibuka una ati, wipdeiamik deiyok nang ara, 220 nang ton erepdeibikba, Korah birye aulamik nang bobukabukce, sik nirya tabakukabikce, Musa dam binuka, malye yupu nyabik.

Bilangan 26:59

Amram bira, Lewi el kilmu Yokhebed domuk. Yokhebed bira, Mesir mutuku ulamik talak ara, Lewi birye akilmu deibukura, daulamuka ani, Amram birye domuk. Sik bitinye neika ulamdika ani, Yokhebed bira, el mapu Harun ap, Musa ap, tonda sik makal kil tonok, el si ara, Miryam ap deiamdik.