Bilangan 11:35 - Eipomek

³⁵ Atalak ara, Israel nang nirya ara, Kibrot-Tawa mutuku arye batakuka, yuk mutuku si, Haserot mutuku biyikce, sik cang kain bol doltakna aik binuka dobikce, asukumuk unmek.

Bilangan 11:35 Referans Kwoze

Bilangan 33:17

Kibrot-Tawa mutuku arye batakuka biyikce, sik tenda aik ara, Haserot mutuku binuka deibik.

Bilangan 12:16

Like tekbarye sum akunum ubukba, Miryam tamubuka yayuk talak ara, Israel ninye ara, Haserot mutuku arye batakuka, Paran mutuku biyik. Ara, Paran mutuku ara, mek kumak anya arye, ninye ton kum ulamik. Amutuku noutamak biyikce, sik baju bol doltakna aik binuka dobik.

Ulangan 1:1

Abuku noutamak sekiamuk yupu ara, Musa birye Israel ninye ati, nyabuk. Elce nyabuk talak ara, sik nirya Yordan mekin bukni, keting yangalamle tam tuba unmek. Yordan mek koubuka otam, keting kum ulamle tam, min kum binamik. Sik ulamik mutuku ara, mek kumak anya arye, ninye weik kum ulamik. Sik diamuk tia ulamik. Apata mutuku ulamik talak noutamak ara, Musa birye ayupu nyabuk. Amutuku ara, Yordan mekin dam bukni, keting panalyangan tam, mutuku si Suf mutuku dam unmek. Suf mutuku ara, yuk yala nang mutuku si ton, Paran mutuku ap, Tofel mutuku ap, Laban mutuku ap, Haserot mutuku ap, Di-Sahap mutuku ap, anoutamak sik tonok ulamik mutuku.

Bilangan 11:34

Winibik ati ara, amutuku el si ara, Kibrot-Tawa nyabik. Nyabuka amutuku si nyabik ara, sik yupu deice arye nyabik. Ayupu deiyok ara, ‘Weik patana deice arye ninye dibikba, weibikak’ tenen, nyabik. Tonda, ‘Maka tupuk, pia anyuk diptibye,’ tenelamik ati, Allah yu ubukba, uk weik arebuka deice arye, ninye weik dibik. Ati, adibik nang nirya ara, amutuku uk weibika ati, amutuku si ara, ‘Kibrot-Tawa’ nyabuka, si dobik.