Bilangan 11:34 - Eipomek

³⁴ Winibik ati ara, amutuku el si ara, Kibrot-Tawa nyabik. Nyabuka amutuku si nyabik ara, sik yupu deice arye nyabik. Ayupu deiyok ara, ‘Weik patana deice arye ninye dibikba, weibikak’ tenen, nyabik. Tonda, ‘Maka tupuk, pia anyuk diptibye,’ tenelamik ati, Allah yu ubukba, uk weik arebuka deice arye, ninye weik dibik. Ati, adibik nang nirya ara, amutuku uk weibika ati, amutuku si ara, ‘Kibrot-Tawa’ nyabuka, si dobik.

Bilangan 11:34 Referans Kwoze

Ulangan 9:22

Aninguk kum bukni, yuk talak ara, Tebera mutuku ap, Masa mutuku ap, Kibrot-Tawa mutuku ap, anggunce Israel yala nang, malye winilamlumba, Allah el si Yahweh arye, anggunti yu ubuk.

1 Korintus 10:6

Ara, na kayapu, moubuka tenenamlume. Aning-aning nirya minop talak winilamuk ning ara, nun kel bikna ati, winipmanto ning winisulule. Minop talak nun apu yapu arye, malye ning patalamukba, sik kanye talima, malye ning deiceuk deiamikce, malye-malye ulamik ati, Allah arye, aninye wenebuka olamukba, diplamik. Aning atonun, ‘Nun babye tuba malye unyabbuk, Allah arye, nunti atonun wenebuka opsilirye, sirya daksilyak’ tenen, kanye moupnamnyabe.

Bilangan 33:16

Aning atouk, sik nirya ara, Sinai mutuku arye batakikce, sik aik ara, Kibrot-Tawa mutuku binuka, sik dolamik tenda aik binuka deibik.

Bilangan 11:35

Atalak ara, Israel nang nirya ara, Kibrot-Tawa mutuku arye batakuka, yuk mutuku si, Haserot mutuku biyikce, sik cang kain bol doltakna aik binuka dobikce, asukumuk unmek.

Bilangan 33:17

Kibrot-Tawa mutuku arye batakuka biyikce, sik tenda aik ara, Haserot mutuku binuka deibik.

Mazmur 78:31

Ara, adin ning tuba dinmek talak ara, Allah arye sikti, yu weik ubukba, wenebuk. Allah el yu weik ubukba, sik Israel nang kan-kan, nong weik nemikce, mikip weik ulamik nang ara, pia weik tonun obuka sirya dakuk. Diba, Allah arye, Israel yala nang wenena ati, sik kan-kan bukni, nong mikip weik nang ap, wel nang, sik wisi min kum danamik nang ap nirya ara, obuka sirya dakuk.