Bilangan 11:33 - Eipomek

³³ Winibik bukni, aning nirya sirya dakna ati, kum dipmanto ubukba, tuba anyuk dinmek talak ara, Allah el si Yahweh arye utenebuk. ‘Narye tuba-tuba arenamsine, nyamse yupu kum kekepnike,’ tenebukce, sik aninye nirya ati, pia yu ubukba, kanye imun ning, sik nong deice arebukba, uk dibukce, ninye weika arye dibik.

Bilangan 11:33 Referans Kwoze

Bilangan 25:9

Asum aryuk pia kanye imun weik uk kum dayuk bukni, atalak aryuk anang deice uk talibukba, ninye weik dibik nang ara, sik yupa ara, pia weik arye dibik. Ara, yupa weik 24,000 nang dibik.

Bilangan 16:49

Atalak aryuk, deiyok kipdeibuk ninye yupa ara, pia weik, empat belas ribu, tujuh ratus (14.700) nang dibik. Mambul weik uk dibukba, dibik nang nukika ara, wilibuka nukik. Anoutam ara, Korah ap, el melin nang ap, dipmek nang ara, anang ap tabakuka kum nukik bukni, asukum unmekce, uk deice dibik nang ati, nukik.

Ulangan 28:27

Tonda, Allah Yahweh arye, minop talak Mesir mutuku nang, sik wenena ati, sik nong deice areamukba, torok moulamuk atonun, anggun babye atouk winipnamsile. Tonda, anggun nong bola deice ara, pukle korodoma aryuk amupnamsile. Atouk tonda, nong bola deice nirya ara, kice uk arepnamsile. Winipnamsil talak ara, akorodoma kwetelina ati, obat ton dinamluma babye, pia kum lopnamsile.

Ayub 20:23

Ura, sik anang ara, mangkau kanye bobuka unyakce, kanye deibuka adeiamice ning yala-yala nirya weik tonun tuba dilamice talak ara, Allah el yu ara pia weik uplyeba, el anang sik wenena ati sik nong deice ikin weik ning delinamle. Winipmanto ara, weik mok celamle touk, ikin ning pia weik tonun, sik nong deice yanamle.

Mazmur 78:29

Ara, sik Israel nang arye, “Aning-aning patapmasila ati, aninguk arepsutue,” nyabuka, morolamik ning ara, Allah arye akunum areamukba, aroti ap, maka ap, dobuka dipneura sik nirya boulamuk.

Bilangan 17:11

Allah Yahweh arye, Musa biti, “Aning ara, winipnulyame,” nyabuk touk, Musa birye, aning nirya atonun, akunum winibuk.

Mazmur 78:26

Tonda, Allah arye, keting panalyangan tam arye, yangalamle kumanya ati, “Pu apnulyame,” nyabuka ati, akumanya mikip arye Israel nang deice dolamukba ulamik. Tonda, Allah arye kumanya ati, “Pu apnulyame,” nyabukba, el mikip deice arye, dabu tam mikip weik kumanya babye, pu alamuk.