Biblia Todo Logo
Bib sou entènèt

- Piblisite -




Bilangan 11:22 - Eipomek

22 Tonda, sik tup ning dina ati, domba basam ap, sapi basam ap ara, dan mutuku arye, pia weika arye ulamtuba, bobuka yatingce, obuka sik aninye nirya, dina areptingba, dipting do? Pia weika arye optinga babye, kum suktaleptu do? Aning atonun, laut mekwen amu ulamle mekwen pum ikan ara, nirya obuka bulupdeiptingce, areptipya babye, aninye nirya dipting do? Na kanye ara, anirya aupmatua babye, suktalipsutue. Ara, sik aninye yupa ara, pia weik ati ara, din kum arepmanto,” nyabuka, Musa birye, Allah ati, malye yupu nyanmok.

Gade chapit la Kopi




Bilangan 11:22
11 Referans Kwoze  

Yesus arye nyabukba, el mapu sik 12 nang arye tamubuka nyabik. “Nunda pia buru mutuku noutamak unmaba ati, ninye weik unmaka anya arye, sik din ning arena ning ati ara, dan mutuku dekelbitibye do?” nyabik.


Nyabukba, ninye deiyoknye Raja Israel, el melinanye birye, Allah el pil donanye Elisa biti tamubuka nyabuk. “Winipnamasile nyaplam bukni, ara pia tilila nyaplame, aning kum winiptue. Allah el si Yahweh, im deice arye, aning-aning nirya arepsutua babye, an nyapmalam ning ara, kum winipmanto,” nyabuk. Nyabuk bukni, Elisa birye tamubuka nyabuk. “Dipkoprop an asing arye, eipnmalame. Bukni adin ara, an ton tonok babye, ton kum dipnamalame,” nyabuk.


“Tonok mi, anyaka unmal mi ara, din ning ati roti mitik ning pamubarye ap, mekin bal mitik ning bitinye ap, libuka boyanmala ara, eipmap bukni, aning nirya bokuka aninye yupa weik ati areptibya babye, ninye weik kum diptinge,” nyabuk.


Nyabukura, Maria arye tamubuka asipdeyuk. “Anyapmanilam ning nirya ara, na ninye kum dopse ati yata upnutu do?” nyabuka asipdeyuk.


Nyabukopura, Zakaria kekebukce amalaikat ati tamubuka nyabuk. “Anyapmanilama ara, yata ning winiptua deice arye, ‘Aning nirya ara, dipkorop winipnamle,’ teneptinye do? Ara, na babye, na kil babye, wisi pia akunum danuma ati, nyapne,” Zakaria arye nyabuk.


Yesus arye nyabukura, elce wipdeibuk nang, el mapu sik 12 nang arye tamubuka nyabik. “Nunda pia buru mutuku noutamak unmaba ati, sik din roti ara, dan mutuku dekelbitibye do?” nyabuka asipdeyik.


Nyabik bukni, Yesus arye el mapu 12 nang ati nyabuk. “Angguncuk anang sik din ning arepnamlume,” nyabuk. Nyabukopura, sikce tamubuka Yesus ati nyabik. “Kume naio, tonoknye pin barye wala deice arye, pil dolamtua ani, el dekna doproptu yo bok, weik aubtua babye, awekmak nang, sik din ati dekna deice arye, ayo bok, nirya kum uptue. Aning ara, yo bok pia weika ati, nunce sik tibuk, ‘Sik din ning roti, dekuka arepnamap’ tenen, nyapmasilam do?” nyabik.


Sikce tup ning moronyakce, malye yupu nyaninyaka anya arye, narye dan tam arye binuka, bobuka yatinirye, sik Israel ninye nirya ati, tup ning yanuka areptinye do? Ara, sik yupa pia weik unyakce, sikce na dam engelyanganinyakce, ‘Se, tup ning arepsilyame,’ nyabuka, malye nyaninyaka ati nyapkine.


Allah arye nyabukopura, Musa birye, Allah ati tamubuka nyabuk. “Israel nang ara, enam ratus ribu (600.000) nang banyake. Anang, sik kilapu ap, mapu ap, kum nukmanto. Aninye nirya kum nukmanto bukni, na nio ance, ‘Aninye nirya ati, tonok wala noutamak nirya, tup ning arepnamne,’ nyapmalam ning ara, yata ati do? Yata barye, sik aninye nirya, tup ning weika arye areptumba, dipting do?


Nyanmokopura, Allah el si Yahweh arye, Musa biti nyabuk. “Na taruk ara, bumang upniliba, apil kum doptinye ati, ayupu nyapmalam do? Na mikip kumce, mitanguk unulul ati, ayupu nyapmalam do? Na mikip ara, kum sukmantonye ununa ati ara, anyapmakin ning ara, atonun upliba eipnamalame. Ati, anda, ‘Dib do, kum do?’ tenen, teniltona kume. Dipkoprop nyapmakina ati, adiparyuk eibuka, kel biknamlame,” Allah arye, Musa biti nyabuk.


Swiv nou:

Piblisite


Piblisite