Bilangan 11:22 - Eipomek22 Tonda, sik tup ning dina ati, domba basam ap, sapi basam ap ara, dan mutuku arye, pia weika arye ulamtuba, bobuka yatingce, obuka sik aninye nirya, dina areptingba, dipting do? Pia weika arye optinga babye, kum suktaleptu do? Aning atonun, laut mekwen amu ulamle mekwen pum ikan ara, nirya obuka bulupdeiptingce, areptipya babye, aninye nirya dipting do? Na kanye ara, anirya aupmatua babye, suktalipsutue. Ara, sik aninye yupa ara, pia weik ati ara, din kum arepmanto,” nyabuka, Musa birye, Allah ati, malye yupu nyanmok. Gade chapit la |
Nyabukba, ninye deiyoknye Raja Israel, el melinanye birye, Allah el pil donanye Elisa biti tamubuka nyabuk. “Winipnamasile nyaplam bukni, ara pia tilila nyaplame, aning kum winiptue. Allah el si Yahweh, im deice arye, aning-aning nirya arepsutua babye, an nyapmalam ning ara, kum winipmanto,” nyabuk. Nyabuk bukni, Elisa birye tamubuka nyabuk. “Dipkoprop an asing arye, eipnmalame. Bukni adin ara, an ton tonok babye, ton kum dipnamalame,” nyabuk.
Nyabik bukni, Yesus arye el mapu 12 nang ati nyabuk. “Angguncuk anang sik din ning arepnamlume,” nyabuk. Nyabukopura, sikce tamubuka Yesus ati nyabik. “Kume naio, tonoknye pin barye wala deice arye, pil dolamtua ani, el dekna doproptu yo bok, weik aubtua babye, awekmak nang, sik din ati dekna deice arye, ayo bok, nirya kum uptue. Aning ara, yo bok pia weika ati, nunce sik tibuk, ‘Sik din ning roti, dekuka arepnamap’ tenen, nyapmasilam do?” nyabik.
Allah arye nyabukopura, Musa birye, Allah ati tamubuka nyabuk. “Israel nang ara, enam ratus ribu (600.000) nang banyake. Anang, sik kilapu ap, mapu ap, kum nukmanto. Aninye nirya kum nukmanto bukni, na nio ance, ‘Aninye nirya ati, tonok wala noutamak nirya, tup ning arepnamne,’ nyapmalam ning ara, yata ati do? Yata barye, sik aninye nirya, tup ning weika arye areptumba, dipting do?
Nyanmokopura, Allah el si Yahweh arye, Musa biti nyabuk. “Na taruk ara, bumang upniliba, apil kum doptinye ati, ayupu nyapmalam do? Na mikip kumce, mitanguk unulul ati, ayupu nyapmalam do? Na mikip ara, kum sukmantonye ununa ati ara, anyapmakin ning ara, atonun upliba eipnamalame. Ati, anda, ‘Dib do, kum do?’ tenen, teniltona kume. Dipkoprop nyapmakina ati, adiparyuk eibuka, kel biknamlame,” Allah arye, Musa biti nyabuk.