Bilangan 1:47 - Eipomek

⁴⁷ Bukni, sik Lewi yala nang ara, yuk Israel yala nang ap, sik si seken sukum ara, tabakuka kum sekamik.

Bilangan 1:47 Referans Kwoze

Bilangan 2:33

Aning ara, Allah Yahweh arye Musa biti, “Winipnamlulume,” nyapdeiamuk touk, winilamik. Ati, sik Lewi yala nang tonok ara, Israel yala ninye, si nukuka seklamik talak ara, sik Lewi yala nang ap tabakuka, kum nukuka sekamik.

Bilangan 3:1

Allah Yahweh arye, Sinai mutuku arye, Musa biti yupu nyabuk talak ara, Harun ap, Musa ap, sik yuk-yuk bukni, sikce deiamdikba, dadeipdanin yangalamik nang sik si ara, ani.

1 Tawarikh 21:6

Bukni, Israel yala nang si sekenmek talak ara, Lewi yala ulamik nang ap, Benyamin yala ulamik nang ap, sikda kum nukik. Ayala bitinye kum nukuka deiyok ara, Yoab birye, ayala nang unyak mutuku noutam ara, Raja Daud birye, ‘Si seknalame,’ nyamnuk ning ara, narye sikda nukuka si kum seknune. Aning ara, pia malye un ning anya arye, aning ara na pia like,’ tenebukce, anang si nukuka kum sekuk.

Bilangan 1:50

Tonda, Allah arye nyapdeibuk. “Sik Lewi yala nang ara, yin talin nang kum unamak bukni, na ap, ninye ap, eldana aik ap, anyaik pum tam unamle ning ap ara, kintinilil bilulume. Anyaik ning nirya ati, kalekinamlume,” nyapnamrurume. Tonda, sik anang pil ara, na si erena ati dolamik aik dona ap, anyaik noutam un ning nirya ap ati, kintinilin nang unamlume. Anggun Israel ninye, ton mutuku batakuka, yuk mutuku binamlum talak ara, sik Lewi yala nang arye, anyaik ap, anyaik pum tam unamle ning ap, kintinipmunce, aning nirya dopmunce, bobinamlume. Tonda, sik Lewi yala nang aryuk, Allah si eren aik dam ara, anggun tenda aik dobuka, antanap dongopnamlume. Allah arye nyapdeipsuke,” nyabuka, laka nyanamrume.

Bilangan 1:3

Ara, mitik mapu nirya ara, kum bukni, mapu ara, keting tamun dua puluh (20) tahun arye dipdongobuka, eitam nang ara, yin talen nang kipnamting ati, sik si seknamrurume. Ara, yala yuk-yuk yupa aunyak touk, sik si nirya seknamrurume.

Bilangan 1:48

Deiyok ara, ani. Allah Yahweh arye, Musa biti, “Winipnamlulume,” nyapdeiamuk touk winilamik.

Bilangan 3:14

Allah Yahweh arye, Musa biti pata mutuku, Sinai arye yanuka nyabuk. “Ance wininamlyame,” nyabuk yupu ara, ani

Bilangan 3:15

“Lewi yala nang, sik apu yapu nang arye, deibikba, dadeipdanin yangalamika ani, wini talak babye aunyaka atonun, sik si yuk-yuk seknamlume. Tonda, atalak babye, sik Lewi yala nang arye, deibikba, dadeipdanin banyak ninye nirya ara, sik si sekenamlume. Ara, sik mapu wala tonok akunum uamlye mapu, anyapce ubuka, eitam unyak mapu nirya ara, nukmunce, sik si yuk-yuk seknamlume,” Allah arye, Musa biti nyabuk.

Bilangan 4:49

Allah Yahweh arye, Musa dam nyapdeibukce, “Winipnulyame,” nyabuk touk ubuka, anang nirya, sik si yuk-yuk sekdeibik. Ara, ‘Sik anang arye, talibuka donamak pil ara, aniʼ tenen, kintilina ap, ton ‘Sik anang arye bobanamak ning ara, aniʼ tenen, kintinilina ap ati, kintinipdeibik.