Bilangan 1:22 - Eipomek

²² Tonda, Simeon birye deiamukba, dadeipdanin yangalamik nang, ayala nang, sik mapu aulamik noutam mapu, sik deibik keting tamun akunum dua puluh (20) tahun arye dipdongobuka, itam kipne nang ara, yin talipmanto nang kiamuk ati, anang ara, sik yala aulamik touk kiklibuka, si yuk-yuk nirya nukuka sekik.

Bilangan 1:22 Referans Kwoze

Kejadian 46:10

Yakub birye, aminyan talak deiamuk mi, Simeon ap biyik. Simeon arye deiamuk mapu si ara, ani. Jemuel ap, Jamin ap, Ohad ap, Jakhin ap, Zohar ap, tonda Kanaan mutuku kil arye Deiprik mi, el si ara, Saul ap biyik.

Kejadian 42:24

Wininmok bukni, Ruben birye ayupu nyanmok deice arye, Yusup kanye pum tam, se tenebukce, el donga ibuka otam dinmokce, engenmok. Engenmoka ani, ila tamubuka yayukce, yupu nyapdeibukura, el yin talin nang arye, sik noutamak el du si ara, Simeon dobuka, sik adinmekak aryuk, tapu koupdongobik.

Kejadian 29:33

Sik daunmeka ani, aminyan talak, Lea birye, ton tuba tamubuka tonap mi bomukce, sal mi tonok ton deibukce, el si ara, ‘Simeon,’ nyabuka deibuk. Ara Lea birye, “Kume, na akanye birye, nati bico kum tenenulula ara, Allah el si Yahweh arye, akunum kekebuk. Ati, sal mi ton arepmanile,” tenebukce, ami ara, el si ‘Simeon,’ nyabuka deibuk.

Bilangan 1:21

Deiyok kouna ara, Yakub el mi min yuma deibuknye, Ruben yalanye birye, deibukba, dukdongobuka, deiamik nang si ara, yupa pia weik, empat puluh enam ribu, lima ratus (46.500) nang, sik si nukuka sekik.

Bilangan 1:23

Simeon yalanye birye deiamukba, dukdongobuka deiamik nang si ara, yupa pia weik, lima puluh sembilan ribu, tiga ratus (59.300) nang, sik si nukuka sekik.

Mazmur 144:1

Mazmur yupu mot ara, Raja Daud birye sekuk. Ninye deiyoknye Daud birye, nyabuk yupu ara, ani. Allah Yahweh ara, na mikip arenululnye ulula ati, ninye arye, weik mutuku bulamle keil deiya dam duknulamak touk, narye Allah el dam binyopura, Allah arye, pia melibuka kalikinulule. Tonda, ninye mal olalbana ning, kel bikina ati ara, Allah arye nati, peterenulule. Diba, Allah arye, na taruk mikip kiliniliba, na mal olan nang ara, weik kel deice arye olbanyake.

Wahyu 7:7

Simeon yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Lewi yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Isakhar yala ninye noutamak arye, yupa weik 12.000 nang wibuka, sik asok deice pitin kilin ning taplakuk.