Ayub 9:34 - Eipomek

³⁴ Naryuk tenepmana ara ani. Allah elce na wenena ati, opnamnil kama dobuka, yukak deiptumopura, narye elti, pia ilil weik kum upnutue. Tonda, narye elti, ‘Ilil weik upnamnil,’ tenenun ning ara, kum datue.

Ayub 9:34 Referans Kwoze

Mazmur 39:10

Na ni Allah, ance ikin ning arepnuluma ati, narye yupu ton kum nyapnune. Talya tunim abuka unamne.

Ayub 33:7

An ap, na ap, talye tukwak nanguk unyaba ati, ance nati, ‘Se, yata ikin yupu nyapnunil do?’ tenen, ilil una kume. Na nyapnukin yupu ara, an ikin kilina ati yupu kum nyapnukine ati, ilil una kume.

Ayub 13:11

Ati ara, ‘Winipsilyakʼ tenen, Allah ati, ilil kum usulul do? Allah elda pia weiknye ulula ati, el yu upliba, anggun deice ikin ning deipsilyeba, eipnamlum talak ara, anggun ilil weik kum upnamsil do? ‘Allah arye kanye imun weik ning arepsilyakʼ tenen, elti, anggunda lukdanuka, ilil upsiliba, talima pum tam, sirim kum talipnamsil do?

Mazmur 90:11

Yatanye birye ton, Allah ance nun malye wininyap ning ati, yu tenesiminye ning ara, moubuka kel biktu do? Ati ara, Allah ance, ninye tukwak ninye malye wininyap ning ati, weik yu weik ukulule anya arye, tukwak ninye nirya ara, antibuk, ilil weik unamsile.

Ayub 37:1

Arup nyapmasin ning ara, weik kumanya doplyeba, lelim weik nyaplyopura, aning ati, tuba biknyopura, na ilil weik upnilirye, na talima dakalsakanulule.

Ayub 31:23

Bukni, arup anyapman ning nirya ara, ‘Allah weik arye wenebuka opnilyak’ tenen, ilil ulamnukba, pia kum winilamse. Tonda, Allah ara pia teleb, Weik Erenanye ulula ati, amalye winin ning nirya kum winilamse. Tonda wini talak babye, malye pia kum wininune.

Ayub 23:15

Ati ara, Allah ati, ‘Elda pia mikip weik ap, mambul weik ap ululnye,’ tenepnyopura, yok sirim talipniliba, pia ilil unulule. El ulye ning nirya ati, bita biknirye, na ilil pia weik unulule.

Mazmur 89:32

Sikce, ‘Allah nyapdeiamsuk ning ara, ani’ tenen, moubuka kum tenebikirye, talye-talye tenebuka winibicopura, aninye wenepnamne.

Mazmur 39:11

Bukni, ‘Ance na wenena ati, ikin ning arepnulum ning ara, dopropmince kum kipdeiptum’ tenen, moropkine na nio. Ance na wenena ati, ikin weik ning arepnuluma deice arye, na talima uk dinilirye, pia mitanguk unulule.