Ayub 9:28 - Eipomek

²⁸ Winibuka nyaptinye bukni, winipnyopura, na ilil weik unulule. Deiyok ara ani. Na kele, Allah ance na Ayub biti, na wininun ning nirya elinilyama ati, ance, “Elda malye winilulnye,” nyabuka, ‘Weik tonun wenebuka opnamnilyamʼ tenen, kanye ikin unulule. Ati, arup nyapmanu yupu, tonap kum nyanamne.

Ayub 9:28 Referans Kwoze

Mazmur 119:120

Tonda, ance ninye tukwak nang nirya ati, moubuka dipdesimince, ninye yupu bokeipsimince, wenebuka menenga ning arepnamsilama ati, narye anti, pia ilil weik unulul ati, na nong nirya ara, birbir abuka, sirim talinulule.

Mazmur 130:3

Atonun, nun ni Allah Yahweh. Nun malye weik unyap ning nirya ati, ‘Aninye wenepnamne do?’ tenen, tuba kum tenenamsilame. Na nio ance nun malye wininyap ning tuba tenepsiminyopura, yatanye birye, an damak yanuka, kanye deibuka tiktu do? Kume, nun tukwak ninye nirya arye, ‘Se, Allah arye wenebuka opsilyak’ tenen, alye dakdanuka duknupdatibye. An damak, yanmanto kum uptibye.

Ayub 21:6

Na nong noutam ap, na ikin weik akunum unilye ning nirya ati, tenipdenyopura, na babye ilil upnilyeba, ‘Se, kanye imun ning na dam akunum yanmanil ning nirya ara, yata deiyok ati do?’ tenepnirye, na nong nirya birbir abuka lukdanirye, ilil unulule.

Ayub 14:16

Winipnimince, na banamne sukum nirya ara, ance kalikuka melinamnilyame. Bukni, ance na malye wininye ning ati ara, namin kipnimince, lyepropnamnilame. Na malye unye ning nirya ara, nukmince, tuba kum tenenamnilame.

Ayub 10:14

Ance nati, ‘Malye uplyakʼ tenen, moubuka talipnulumce, kalikuka pia tuba dinauk unilyame. Tonda, ance na malye upnye ning ati ara, ‘Lyepnirye, namin kipnune,’ kum tenenilyame.

Ayub 7:21

Yata deiyok ati, ance na malye unun ning nirya ara, adiparyuk lyebuka kum lyepnutum do? Na malye wininun ning ara, ance kum kipdeipnutuma ati do? Na ikin weik unmana ati, minopce akunum dipniba, tuku palipnikcopura, ance nati enmaniminya babye, ance pia kum eipnamnilame. Ayupu nirya ara, Ayub birye nyabuk.

Ayub 3:25

‘Aning ara, na dam yanilyak’ tenen, ilil ulamnuk ninguk, minopce na damak akunum yangalule. Tonda, ‘Se, ikin ning upnilyak’ tenen, ilil ulamnuk ninguk, na damak akunum pirinulule.”

Keluaran 20:7

“Anggun ni koproba Allah, na si Yahweh ati ara, na si talye-talye si nyana meme. Yatanye do, na si talye-talye si nyalamlinye biti ara, ‘Dauaplye’ kum tenenamne. Na si talye nyaplobikce nang ara, dipkoprob pia weika arye wenepnamne,” Allah arye nyabuk.

Ayub 16:6

Bukni, wini talak ara, na yupu nyaptinya babye deice arye, na ikin unulul ning ara, pia min unulule. Tonda, na yupu nyana kumce, tunim abuka uptinya babye, atonun na ikin unulul ning ara, pia min kum unulule. Na yupu nyapmanya babye, yupu kum nyapmnanya babye, nong ton kum upnutue. Tuba ikinuk unulule.”

Ayub 33:10

Tonda, ance, “Nara pia diksukumuk unun bukni, Allah elce nati, yatato wiriptinye deice arye, anye Ayub elti, wenepnirye, malye kipdeiptinye do?’ tenenulule. Allah arye nati ara, ‘Elda, na yaniltakananye ulule,’ tenelirye, akunum biknuke,” nyapmome.