Ayub 6:7 - Eipomek

⁷ Winipmanto ara, to nyan ning kum bukni, pia malye din ara, na patana kum ati, pia kum diptinye. Narye adin ning atonun diptinyopura, dukmanto ubtinye. Aning atonun ton, anggunce nyapmanulum yupu ara, kekepnirye, ikin kanye bobuka unune. Ayupu ara, pia kum melinulula ati, tuba kum kekepsitinye.

Ayub 6:7 Referans Kwoze

Daniel 10:3

Awinilye minggu noutam nirya ara, teleb din ning ap, tup ning ap, ton kum dilamsirye, si tebuka, din bulung ulamse. Tonda, anggur mek ton kum dilamse. Tonda, atalak ara, na kisok potong deice, ‘Nintong teleb upnamleʼ tenen, nintong teleb mek ton, na kisok deice kum likilamsirye, na potong kum leleklamse. Talye urdemuk ulamse.

Yehezkiel 4:16

Nyabukopura, elce ayupu ton nyapnuk “Anda ninye koprop arye deipkiknye ulyame. Narye Yerusalem mutuku nang dinamak din ning nirya ara, kum kipdeipnirye, sirya dakeipnamne. Winibuka akunum kum kipdeipniba, din yala aning-aning nirya ara, kum kipdeipnamne. Winipniba, sik din ning yala-yala nirya ara, sukdopnamle. Winipliba, sikce, “Se tenena ap, ikin una ap ukirye, sik din ap, mek ap nirya ara, kum kipdeipnamne.

Yehezkiel 4:14

Allah arye na Yeheskiel biti nyapnukba, narye tamubuka nyapse. Ara, “Se, na ni koproba Allah Yahweh, anda aning-aning nirya deice tam erebuka, mikip weiknye ulyama ati, moropkine! Na nio, na pia mitik talak arye dipdongobuka, wini talak babye, narye malye una deice arye, malye kum kipdeipdase. Ara, kam ulye ning, talye dipmalye ning ap, tonda yuk yu kam ning, ninye arye weilamak kam ning oplobik ning ap ara, aning tup ap, el kalimna ap ara, pia kum dilamsirye, winibabye tuba kum dinune. Allaho, ance, ‘Aning nirya ara, pia kum dinamlume,’ nyamsulum ning ara, pia kum dilamse touk, tuba kum dinune.” Na Yeheskiel birye Allah ati, nyabuka moropse.

Mazmur 102:9

Yu nang arye, ‘Anye opnuyabe,’ tenen, pia dinauk uninyak nang ara, asum-asum nirya, nalipnikirye, malye yupu nyaninyake. Nati, malye weik nyanyak nang arye, ‘Yuk nang ati, malye kipdeipnuyap’ tenebikirye, “Anye pia ikin weik uplyeura, nong malye ulamle touk, sik babye atonun upnamlarya!” nyabuka, na amot nyana deiyoknye si deice arye, sunininyake.

Ayub 3:24

Anyapmana ara, urdem ati kum nyapne. Deiyok ara, winipmanto ning teleb din ning do, yuk teleb un ning do, na dam ton pia kum yanganulule anya arye, kanye imun pia weik unulule. Ati, ‘Se, na kanye imun unulule,’ nyabuka ngalukunune. Tonda, makau arye mek kwebikiba, langdipmalibuk, dikiltaklamak tonun, kanye imun weik unilye ning ati, ngalukunirye, malye nyanune.

1 Raja-Raja 22:27

Ayupu nyabukce, ayupu ton dukdongobuka nyabuk. “Sik anang dam bobimunyeba, wenen aik akunum dongopdicopura, teleb din ning aning-aning nirya kum arenamake. El ti ara, talye roti ap, mek ap, aninguk arenamake. Mitik-mitik uk arelamdiki bukni, nara Ramot Geleat mutuku binuka amutuku nang ati opnirye, teleb aryuk tamubuka yanyopura, anye bataknamne. Ati ara, na Raja Ahab birye akunum nyapdeipne. Ati anggunce, Amon ap, Yoas ap, sik dam nyalbinamlulume,” nyapdeibukba, ‘Mikha bobinuka nyalbinuyap’ tenen, kintinibik.

1 Raja-Raja 17:12

Ayupu nyabukopura, akil arye tamubuka nyabuk. “Naio ance el si erelyam Allah, el si Yahweh, elda pia kam koprop ululnye, el si deice arye dib yupu nyapkine. Dipkoprop na dam ara roti kwaning ton pia kum upmanile. Aning ara kum ati, roti deiyok ning el si tepung puproba mitik tonun mitikto makau pum bisik daupmal ning ap, tonda din tabakuka yun minyak mek mitik tonun ton aupmanile. Ati ara, ‘Aning tabakuka dapnaman’ tenen, wini talak ara yo kel-kela bulubuka delinmane. Tonda amitik anun upmanil ning nirya ara, dabuka deipniba, na mi ap na ap arye dibuka sirya daknimnyopura, na mi ap, na ap dipna atibuk kintinipnuname,” nyabuk.

Ayub 6:6

Aning atonun ton, mitang uptu din ning ara, garam kum tabakuka dongobikcopura, yatanye birye adin ning pataptuba, weik tonun dipturye, kanye deiptu do? Tonda aning atonun, yatanye birye, kurun ayam kurun dukuk diptuba, to nyaptu do? Kume, aning ton kum winipmanto. Aning atonun ton, anggunce nyapmanulum yupu kekepmanu bukni, ayupu nirya ara, na talima kum melipnuka ati, na talima kum kwa dipnuluma ati, malye nyabuka, tuba engenmane.

Ayub 6:8

Se, narye Allah ati moronun ning ara, arepnutopura, na kanye deiptinye. Yata ati Allah arye, na moronun ning ara, kum kekepnilirye, arepmanto kum unulul do? Tonda narye elti, weik yupu deice arye nyabuka moronun bukni, yata ati pia moubuka kekebukcuk, kum arenulul do? Ati, na kanye ara, narye Allah ati moronun ning ara, adiparyuk arepnutopura, na kanye deiptinye.

Ayub 33:20

Weik uk dilulnye bira, din teleb ning babye ton, ‘Adin ning dobuka diptinyeʼ tenen, patan pia kum ati, aning pia kum dobuka dilule. Piato nyalamle din babye, anye bira adin ning eiplirye, adiparyuk dukmanto ulule.