Ayub 40:14 - Eipomek

¹⁴ Anyapmakin ning nirya winiptum toura, na Allah arye an Ayub biti, an siuk erepkitinye. Ara, an sirik taruk deice arye lyepdatumba, narye an siuk erepkitinye.

Ayub 40:14 Referans Kwoze

Roma 5:6

Anggun ton kel kiplulume. Nun nirya ara, mikip pia kum ninye ulamubu talak, Allah el ulul ning nirya ati, yanibuka malyeuk ulamuburye, Allah el dam pia kum ulamubu. Bukni, wini talak noutamak ara Allah arye, ‘Yesus el dipnamle talak, pia teleb talak atia,’ tenyamuk touk, nun malye ulamubu ning pununa ati, Yesus arye nunti dibuk. Nun malye winilamubu ning wenena ati talye oplopsutu bukni, Kristus arye nunti dipsuke.

Yesaya 40:29

Tonda, na Allah arye mikip kum ninye nirya ati mikip kilinune. Nara mikip kum ati ‘Se, yata wiriptinye do?’ tenen, pil batakmanto ninye ati, narye sik mikip tabakuka arenune.

Mazmur 44:6

Winipmanto ara, yim sapi basam arye, el kisok deice, taca belamle ning, el si ara tanduk arye, yuk yim sapi basam ati, oplyeba, tuku deice poulamle touk kibuka, deipsulume. Ara, an mikip deice arye, nun mal olan nang nirya obupuba, amutuku batakuka, yukak bindobik. Aning atonun, Allah an mikip si deice arye, nun mal olan nang ara, obibirye, yaniptapnamabe. Winibuka sikti, obuka, sirya dakdanamabe.

Mazmur 44:3

Ara, nunti areamsulum mutuku noutam ara, an Allah ati, kum bikamik nang ulamikce, amutuku nirya talilamik bukni, yuk-yuk yala nang nirya ara, Allah an taruk koproba aryuk, anang yakuka dopkwetalamukba, sik nirya balolamik. Bukni, nun Israel yala nang nirya ara, nun apu yapu arye dobuka, amutuku noutam arye, mikip kipdomunce, asukum diamlume. ‘'Amutuku noutam ara, Allah ance, nun apu yapu teleb kibuka, asukum deiamlum bukni, sik yuk-yuk yala nang nirya ara, sik nong deice, weik imun ning delilamukba, sikda, ‘Se’ tenen, amutuku batakuka bindobik. Winilamlum bukni, nun Israel yala nang nirya ara, lobukapsulumce, lyepropsulume.

Ayub 40:13

Winiptumopura, adiparyuk amalye nang nirya obuka, tuku pum dongobuka weiptum do? Winiptuma deice arye, sik anang nirya ninye diamikce nang unyakak, bobinuka deiptum do?

Ayub 40:15

Narye anti kwepdeipkise touk, yuk kam ulye ning, el nong weik yu ning ara, kwepdeipsiba, weik mek dam bukni, bai tam ulule. El nong ara, weik ning bukni, sapi basam arye, talye palamle maning dilamle touk, aninguk diplirye ulule. Aning ara, eipmince, moubuka tenipnamlyame.