Ayub 39:8 - Eipomek8 Tonda mutuku-mutuku nirya, mutmuta el dina ati, epra banmalya ani, el dina mutmuta imbik ning ulamlyakuk, eiplirye yangalule. El yuk teneplye touk, talye lukparabuka balule. Ayub, anda, aning kwepdeibuka deiamuka deiyoknye, kel bikaminyopura, nyapnamanilyame. Gade chapit la |
Arup nyapmasin mem ning, ayala-yala nirya ara, amalye ning arye sakuka, bol pipmalye ning nirya babye, malye ninguk unamle. Ara, tuku arye memebuka, teleb kibikceba, mek makau kilul ning do, tuku arye teleb uka uku sekna ati, kintinibuka delinyak ning deice do, yan sakuka bol piplyeura, dangaltakna uk unamlume. Ara talye ati kume, deiyok ara, na Allah arye, ‘Aning ara, mem ning,’ nyapmasin ning, malye ning pipmalyeba, adeice arye apipmalye ning babye, malye upmalula ati nyapsine.
Abai tam keledai basam ara, ninye lelim lelamak sukum ara, pia kum kekenyake. Tonda, kuda basam arye, libuka bobalye ning deice bukuka, balulnye birye, yupu nyalye ning ara, bai tam unyak keledai basam ara, pia kum kekenyake. Akeledai basam ara, bai tam ulula anya arye, asik noutamak unmace ning nirya ara, kum tenelule.
Anggun ton tenipdelulume! Keledai basam ara, bita winiryuk nepnin balirye, din uniryuk teleb ning dobuka, arebikiba diplyopura, bouplirye kanye deibuka ulul do? Malye kanye bobuka ulul do? Aning atonun, sapi basam babye, el din ati, mutmuta weik tonun sekikirye, boyanuka arebikceba, diplirye akunum bouplyopura, asapi basam arye, malye nyalul do? Kanye deibuka, tunim abuka ulul do? Aning atonun ton, anggunce teleb yupu nyapnutumce, na talima kwa dipmanutum toura, narye ikin kanye bobuka, ‘Seʼ tenen, malye kum nyaptinye.