Ayub 37:17 - Eipomek

¹⁷ Kume, anda talye tukwak mutukunye ulyama ati, iknapye tam arye yalye kumanya arye, weik keting tin tukwak mutuku boyalyeba, tin weik uplyopura, ance, ‘Se, keting tin weik upnil,’ nyabuka, ngalukumince, nong mek weik bongopkilyeba, malye nyalyame.

Ayub 37:17 Referans Kwoze

Lukas 12:55

Tonda, anggunda, sintam uplye talak im kunukuka kiplirye, mutuku sirya-sirya kiplyopura, ‘Ambusum dou mapnamale,’ nyalamlum touk dou malule.

Mazmur 147:18

Bukni, Allah arye, ‘Pia ikip mok, wininga urasin atonun, el si es batu, dopkwetepman ning ara, tamubuka buppu kiplyeba, talye mek kilanamle’ tenen, Allah el kanye aryuk, yupu nyaplyeura, aning nirya adiparyuk buppu uplyeba, kum danin balule. Allah el kanye aryuk, kum anya doplyeba, kum peiyang alule. Aning atonun, elcuk, ‘Winipnamne,’ teneplye ning ara, weik mek nirya balamle.

Ayub 38:31

Tonda, kurya el si Kartika nyalamak ning ara, ance tapu dobuka koupdongoplumba, tonok sukum ikilul do? Atonun kurya si Belantik nyalamak ning ara, tonok sukum ikilul bukni, ance el tapu loptumba, yukak bitu do?

Ayub 37:16

Allah el kel weik deice arye, ninye kum winipmanto ning ap, dopmanto kum pil dolul ning ap, tonda, ‘Weik dua ara, winibuka banamleʼ tenen, kwelilul ning ap, dua bum banmalya ani, kum ulye ning ara, an ton biklum do? Kume, Allah elce weik kel bikna deiyok ning nirya ara, pia teleb kibuka kel bikamuka ati, tonok ning babye, walwal kum ulule. Aning nirya ara, an Ayub bira, dipkoprob moubuka kum biklume.

Ayub 37:18

Tonda, Allah elce dua ara, tabakuka deipdanin biyukce, welebuka, im deice ap, im alip tam ap, urasin kat atonun kipdeipliba, elinyap ning ara, ance ton, atonun kibuka deiptum do? Winipmanto ara, im alip tam ulye dua nirya ara, pia kat ning, el si ara logam ap, tonda ninye urasin dina ati, el si ara kaca muka ap, aning atonun kipdeipliba, elinyap ning ara, ance ton atonun kipdeiptum do? Kume, aning nirya ara, an walwal ati, kum winiptume.