Ayub 36:33 - Eipomek

³³ Mok cenmalye talak ara, mambul liman lelim kekeplyopura, adeice arye, ‘E, wini talak ara, mikip mok ap, mungna ap, bebeya laklamle ning ap, yanamlarya,’ tenenyabe. Aning atonun, ninye arye weilamak kam ning, sapi basam do, kambing basam do, basam sirika do, sika ton liman lelim kekebicopura, sik babye, ‘Weik mok piriripna ap, mok ap, bebeya laklamle ning ap yanamle’ tenen, bikinyake.

Ayub 36:33 Referans Kwoze

Ayub 37:2

Se, anggun nirya ara, Allah arye nyalul yupu ara, anggun ton moubuka kekeplulume! Allah arye weik yupu deice nyapsilye talak ara, winipmanto ning ara, weik liman lelim weik nyalamle touk ulule. Alelim ara, Allah el si pum bisik arye, kutuka yangalula ati, elce nyalul yupu moubuka kekeplulume.

Yoel 2:22

Tonda, amutuku noutam, talye kam ulul ning nirya ati, ‘Se’ tenen, ilil una pia kume. Ara, wini talak sik din ning, maning palamle mutuku nirya ara, kolupdobuk bukni, tuba tamubuka imbik uk kipdeipnusine. Tonda, duk molul yo si ara, Ara, yo nirya ap, anggur tapu duk ap, tamubuka teleb kipdeipsiniba, duk weik mounamle. Winipsinya deice arye, sik duk nirya pia weika arye moupmalirye, pia weik unamle.

Yoel 1:18

Tonda, kambing basam ap, sapi basam ap nirya ara, sik din ning nirya koluplirye, sesal lebuka koulupmale. Koulupmalba, maning kwapu kum dinmak arye, mikip kum upmalba, weik arye ngalukuka, malye yupu nyanmake. Aning atonun, domba basam babye, sik din ning kum danmala ati, ngalukuka malye yupu nyanmake.

Ayub 36:29

Dua ara, yatato mikip deice arye, im noutam pia bana dem ulul do? Tonda, Allah ulul sukum, im deice tam ara, bebeya laklamle ning lakliba, adiparyuk mikip liman lelim ton kekenyabe. Bukni, yata tonye birye, aning nirya bikturye, lake nyapsutu do? Kume, kum winiptinge.

2 Samuel 22:14

Winilamuk talak ara, Allah el si Yahweh arye, el mikip im deice arye, limang opmana atonun ubukba, ninye nirya kekelamik. Allah el si Yahweh ara, aning-aning nirya, deice tam ulirye, mikip weik ulya deice arye, el yupu ara, weik arye nyalamukba, ninye mutuku-mutuku nirya kekelamik.

Ayub 37:1

Arup nyapmasin ning ara, weik kumanya doplyeba, lelim weik nyaplyopura, aning ati, tuba biknyopura, na ilil weik upnilirye, na talima dakalsakanulule.

Mazmur 29:3

Allah Yahweh arye, nyalul yupu ara, weik laut mekwen deibuka, deice tam arye nyalule. Allah bira, mambul weik una ap, pia teleb una ap ululnye birye, laut mekwen noutam, el yupu weik tonun nyaplyopura, bebeya lakana ap, weik liman lelim ap, nyalamle touk, nyapliba kekenyake.