Ayub 36:21 - Eipomek

²¹ Anda, moubuka biknulyame! Ara, ‘Ikin weik unulula ati, teleb winin ning ara, bataknyopura, adiparyuk malye winin ninguk talibuka unamne,’ tenena pia kume. Deiyok ara, an akunum bikmatume. Allah arye ikin ning dobuka, an nong deice arepkukba, ikin weik unmakil deice arye, an kanye tenen ning nirya ara, pirilenmakile. Tonda, ikin weik unamkil talak ara, malye winin ning ton, talibuka kum unmalame. Ati, ance, ‘Malye winipniba, ikin weik unulul ning ara, kum kipnutue,’ tenena pia kume. Anda, moubuka tenepmence, kalikilanamlyame, nyapkine.

Ayub 36:21 Referans Kwoze

Ibrani 11:25

‘Teleb ning ara, Mesir mutuku nang arye, Allah el na tenen ninye, Israel ninye nirya ati, ikin ning sik nong deice delilamak touk, na nong deice delina babye telebuka. Malye wininyak ninye arye kanye deibuka, malye-malye wininyak ning ara, tia talak ati, na ap winiptibye bukni, aning ara teleb kum ati, kum wininamne,’ tenyamuk.

Mazmur 66:18

Bukni, wini talak nirya ara, na talima noutam, ‘Malye un ning tuba wininamne. ‘Aning nirya ara, kum bataknamne,’ tenyamtinye toura, aning-aning nirya talilulnye, Mikip Pia Weik Deiyoknye Allah arye, na moropse yupu kum kekepnutue.

1 Peterus 3:17

Allah arye, ‘Wininamak,’ tenesilye touk, malye una kum bukni, telebuk ubibyopura, yuk nang arye nun nong deice ikin ning deipsikcopura, ara telebe uka. Bukni, malye winipbibya deice arye, ikin ning nun nong deice deipsikcopura, ara malyeuka. Teleb ning ara, deiyok kum upmalibuk, ikin ning nun nong deice deipsikcopura, ‘Aning ara, telebe uka,’ tenepnamabe.

Matius 16:24

Nyabukce, el yupu kekebuka dobolbalamik nang ap, abulubuka wekmek nang nirya ap ati, “Na dam yalulume,” nyabukce ayupu ton nyanmok. Yata kil do, yatanye do, nati diba tenepnikirye, na dobolyanganamniyak nang ara, sik ning atibuk, ‘Aning mambule,’ kum tenenamake. Sik wenebikiba dipnamak nanguk, wanwanun yo bobuka talya mangkau asa balamikirye, ‘Akunuma, anang arye oplopnamniaka ara telebuka, na kam unmana ara mambul kume,’ tenenyak touk, na mapu ababye, ‘Yu nang arye opnamniak do?’ tenena kumce, sik kam un ning ap, sik patalye ning ap atibuk, kum tenenamake. Yesus dib tenenyaka ning ati ara, yuk nang arye opnukcopura, ‘Ara mambul,’ kum tenenamake. Na yupu uk kekebuka dobolyanganamniake.

Matius 13:21

Dolonyak bukni, yo yating tukwak teleb ubuka kum biyuk arye, koulubuka atonun, aninye ara, Allah yupu pia talipmubuka kum dolonyakce, minopce batakanyake. Ara, dib tenenyaka ati, yuk nang arye yu upliba, ikin ning sik nong deice deibica ati, adiparyuk batakaldongonyake. Tonda, ikin ning yalyopura, aninye ara ikin kanye bobuka, Allah yupu kekemakce ning ara, adiparyuk batakaldongonyake.

Daniel 6:10

Ayupu nyapdeibukba, Daniel kekebuk. Kekebukopura, adiparyuk tamubuka, el ulamuk aik biyukce, asum-asum nirya ulamuk touk, el im aik jendela kukuk. Ara, Yerusalem tam botcamik jendela ara, kukeibukce, el Allah si erelamuk touk, gutam tuku dipdongobuka, Allah morobukce, Allah el si erena ati, mot sebuk. Ara, Allah yupu mot sebuka winililamuk touk, asum babye atonun, Allah ati, teleb abuka kinmok.

Yehezkiel 14:4

Ati ara, sik anang nirya ati nyapnulyame. Ara, Allah Yahweh el pia deice tam erebuka, aning-aning nirya talibuka, pia mikip ulul deiyoknye, elce nyapmasile. Sik Israel nang nirya arye, ‘Nun ni koproba ani’ tenen, sik talye ning si erenyak isa ati, pia diba tenebikirye, aisa bobuka, anggun kanye talima noutam ara, pia dongonyak nang ara, pia malye tuba wininyake. Wininyaka ati, anang kan-kan arye, tonoknye, na yupu lak nyana deiyoknye, dipkoprob nabi dam yalirye, nati moropnilyopura, na Allah arye, elti, tamubuka lak nyapdeipnamne yupu ara, ‘Isa si eren nang kekeptingʼ tenen, sik wenena ati, yupu nyapdeipnamne.

Ayub 35:3

Tonda, ance asibuka nyapmasilama ara, ani. “Se, na malye una kum bukni, Allah arye nati wenepnukce, ikin ning weik, na nong deice akunum delinulule. Ati, nara Allah el dam malye akunum upmatinyopura, dipkoprob wenepnamnila ati, wini talak ara, narye malye kum winipmatinye babye, malye akunum winipmatinye babye, yata teleb ning doropnamtinya ati do? Kume, akunum wenenilyama ati, aning ara atonun,” nyabuka nyapnamsilame. Bukni, ance ayupu nyaminye ning ara, an kanye walwal ukilya deice arye nyapmalame.

Ayub 36:8

Bukni, yuk nang ara, malye ubikceba, deiyok nang arye, sik malyeuk wininyak nang tomobikirye, rantai tapu arye tapu koubuka, wenena aik pum dongolbanyak ning ara, sikce malye winilamik dengna ati dongobikiba, imun kanye bobuka unamake.

Ayub 36:10

Tonda, Allah arye, ‘Amalnye wininyak nang ara, na yupu moubuka kekenamakʼ tenen, sik amul pakeiplirye, sikti, ayupu ton nyalule. Ara, Allah arye sikti, “Teleb winin ning ara ani. Malye winin ning ara ani,” laka nyalule. Ati, anggun malye winilulum ning nirya ara, bataklumce, tuba tamubuka teleb winin bisikuk banamlume,” nyabuka laka nyalule.

Ayub 36:15

Bukni, Allah el kanye ara, ‘Kume, sik malye ninguk talibuka wininyak nang ara, sik kanye talima teleb kilina ati, ikin ning dobuka, sik nong deice deipnamne. Winipyopura, imun kanye bobuka unamak talak ara, ‘E, nun malye wininyap ning ara, ani. Teleb winin ning ara, ani, tenebikirye, kel bikinamake,’ tenelule. Ikin ning arelya deice arye, sik amul pakalilule. Tonda sik arye, na yupu kekenamniake.

Mazmur 31:6

Na ni Allah Yahweh, anda batakna kumce, pia tuba-tuba melinilyama ati, ance na ikin ulamse talak nirya ara, ance akunum melibuka lyepnulume. Ati ara, na kam una ap, na nong nirya ara, an taruk deiceuk, dobuka deipkine.

Ayub 7:11

Ati ara, nara tunim abuka kum unamne! Na uk dinilyeba, ikin weik ununa ati, na tenenun ning ara, kum tunim anamne. Na talima noutam ap, na kanye ap, pia imun kanye bobuka unirye, ikin tenenun ning ara, yupu deice aryuk talye luparabuka laka nyanamne.