Ayub 36:20 - Eipomek

²⁰ Tonda, ance, ‘Se, lukunyan minop yangalul touk, dibina minop yatopura, akunum dipnyopura. Allah arye ton ap ikin ning dobuka, na nong deice tuba kum deipnutueʼ tenen, dibina ati patanauk kum unamlame. Aning atonun, ‘Se, Allah arye, ton ap kum wenepnutueʼ tenen, lukunyan noutam ara, ninye weik tonun dibilamak touk, na babye adiparyuk diptinyopura, Allah arye kum eipnutue,’ tenena pia kume. Dipkoprob ning ara, tonok lukunyan noutam arye, ton talak ara, tonok yala nang nirya babye, adiparyuk dibikiba, kum dacake. Anda, ‘Ikin unulula ati, lukunyan noutam ara, adiparyuk dadiptini,’ tenena, pia kume nyapkine.

Ayub 36:20 Referans Kwoze

Ayub 34:25

Ara, sik anang winilamice ning nirya ara, Allah el kele. Ati ara, elce teneplye talak, lukunyan noutam aryuk, kum talibuka ulamlinye birye, yanuka obukaplirye, winiryuknye punuplirye, erelilule.

Ayub 34:20

Aning ton kum tenepmalum do? Yata nang do nirya, sik kan-kan noutam ara, ton tam nang ara, sik mapmaca lukunyan talak noutam ara, talye karin aryuk dibinyake. Allah el mikip weik ululnye bira, ninye deiyok kibuka talinyak nang babye, wenebuka oplyeura, sik babye dibinauk unyake. Talye ninye arye, kum onyake. Aning ara, Allah el arye!

2 Raja-Raja 19:35

Yesaya birye, asurat sekuka Hizkia dam dopdeibukba, ayupu nirya eibuka kel bikuk talak aryuk, asum lukunyan noutam ara, Allah el si Yahweh arye, dopdeibukba, el im deice pil donanye malaikat yayuk. Yayukce, Asyur mutuku yin talin nang, sik cang kain tenda aik pum tam mapmeka ak, amalaikat arye, ninye yupa pia weik, seratus delapan puluh lima ribu (185.000) nang nirya oplobuk. Oplobukba, yuk nang ton mapmeka berekukopura, beren tam talak ara, anang yupa pia weik dipmeka ati, sik nong ara laka upmokba, amutuku nang arye, eibik.

Keluaran 12:29

Alukunyan noutam ara, Allah el si Yahweh arye, Mesir ninye sik winiryuk mapu nirya obuk. Tonok babye, ton kum batakuka ati, Mesir mutuku deiyoknye Firaun bira, weik nang bulamak buna deice bulamuk bukni, el winiryuk mi ton obuk. Tonda, amutuku wenen aik pum tam dongamikba ulamik nang ton, sik winiryuk mapu ton obuk. Aning atonun, amutuku nang, sik sapi ap, sik weilamik kam ning nirya ap, winiryuk ning ara, Allah arye obukba dibik.

Rasul 1:25

Yudas apil dolamuk bukni, malye winibuka ati, apil batakuka el wenena ati malyeto wenen ak binmale,” nyabik. Ara, ‘Allah arye ninye wenen ak malye ak bita deipnamimilca,’ tenebik akarye, nyabik

Lukas 12:20

Anye bira, utenebuk bukni, Allah arye anye biti nyabuk. ‘Kume, awinilyam ning ara, pia walwal winilyame. Alukunyan aryuk an kam una deiyok ning tamubuka dopropkinyeura, dipnalame. Dorketing tamun ati ‘Na mutan’ tenen, aning-aning nirya bulubuka deiplum ara, akunum dipminyopura, yatanye birye dopropnamle do?’ Allah arye anye biti nyabuk. Yesus arye nyabuk.

Daniel 5:30

Belsiyasar birye, ayupu nirya nyabuka, sirya nyabukopura, alukunyan noutamak aniryuk, Babel mutuku ninye deiyoknye, Raja Belsiyasar bira, yuk nang arye yanuka, obikba dibuk. Adibuk talak aryuk, Media mutuku ninye deiyoknye, el si ara Darius birye, Babel mutuku nirya yanuka talibukce, deiyok kibuka, Raja tikamuk.

Penghotbah 11:3

Winipmanto ning ara, im deice arye mirin dua paliplyopura, asukum arye mok bululamle. Akunum minopce buluplyopura, weik mok yalirye, tukwak mutuku nirya celule. Tonda, weik yo, el yuk arye tobuka poulamle ning ara, eitam do, outam do, el poulbinamlye tam uk, poulbilirye, asukumuk malule.

Amsal 14:32

Malye un ning ayala-yala nirya talibuka unyak ninye ara, sik mining malye unyak ning deice aryuk, talibuka deiplirye olilule. Allah arye anye bira, el malye ulul ning dekna ati, weik arye wenebuka oploplirye, sirya daknamle. Bukni, ninye ton tuba-tuba malye un ning kum unyakce, Allah el nyalye yupu kekebuka, talinyakce, aninguk moubuka dobolbanyak ninye ara, dipnamak bukni, Allah sik damak ulirye, tuba-tuba melipliba, telebuk unamake. Deiyok ara, sikce teleb winin ninguk unyak ninye atia.

Ayub 14:13

Ati ara, na ni ance na dobuka, ninye dibikiba, tuku palilamak ninye, balamakak dungnubuka deipniminba, an yu teneniminye ning kum upkiliba, tuba tamubuka tenenamnilame. Winibuka ancuk kalikuka dilamnimin bukni, an yu kum upkiliba, ance tenepnulum talak akunum uplyopura, tuba tonap nati tenenamnilame.

Ayub 7:15

Aning nirya ara, nara weik tonun patanulul ning ara, ‘Na kam tuba unirye, ikin ning dolanauk unun ning ara, na like. Adiparyuk dadiptini,’ tenenune. Akumopura, na tenepne ning ara, ‘Na talibuka oplopnutuba adiparyuk dadibpini,’ tenenune. Dipkoprob, na nong kam tuba unmana ara, na like.

Ayub 6:9

Ara, Allah arye na ikin weik unilye ning nirya, moubuka kel bikamnutu toura, elce adiparyuk obuka sice buklopnutue! Tonda, Allah elce nati, ‘Anye bira, opnun,’ tenyamnuturye, adiparyuk oplopnutopura, ‘Na kanye deiptinye,’ tenenune! Aning ara, pia patanulule.

Ayub 36:19

Ato malye winin ning winipminya deice arye, ikin weik ton tapakuka upkilyopura, weik yupu arye ngalukmince, engebuka, ‘Se na nio melipneo,’ nyabuka moroptuma babye, Allah arye kum melipnamkile. Tonda, aning atonun, an babye nong mikip deice ap, ance taleamlum bona weik ning ap, bona talina ap, deice aryuk, ance anti, kum melibuka lyepdatume.