Ayub 35:16 - Eipomek

¹⁶ Winilyama ati ara, an Ayub biti nyapkine. Anda tuba-tuba talye yupu nyalyame. Dipkoprob ning ara, Ayub ance yupu weik tonun nyalyam ning nirya ara, moubuka kum tenepmincuk, talye yupu nyalyame. Ayupu nirya ara, Elihu birye Ayub biti, nyabuk.

Ayub 35:16 Referans Kwoze

Ayub 38:2

Ayub, nara Allah moubuka tenepnirye, kel bikna ning nirya weik deiyoknye ununa anya arye, anda yata tonye birye, yata ati asipdenutum do? Narye anti, laka nyalikiniba, ‘Elda walwal arye nyalula,’ nyabuka, mandipna kanye bobuka, nyapnutum do? Anda dipkoprob walwalnye anya arye, kel kum bikamincuk, talye nong una kum, yupu uk nyanilyame.

Ayub 33:2

Anda moubuka kekepnunilyame. Narye, ‘Ayub el dam yupu nyapnamane,’ tenepsirye, akunum kintinipse yupu, na si deice arye nyapnukine.

Ayub 3:1

Tek barye talak deice arye, Ayub ap, el kayapu nang ap arye, yupu kum nyalamik bukni, atalak akunum ubukba, Ayub elce tonok sum ton yupu nyabukce, “Se, na nin bira, yata deiyok ati deiamnuk do? Delina batakamnutue. Na min deipnuk sum ara, pia malye sum,” nyabuka, malye yupu nyanmokce, el deiamuk sum supdayuk.

Ayub 35:15

Aninguk kum bukni, na kwit Ayubo, ance atalye-talye yupu ton nyalyame. Ara, ance, “Kume, ninye tukwak nang arye, malye un ninguk talibuka, malyeuk wininyak talak ara, Allah arye aning nirya moubuka, kum elilula ati, anang ati, kum wenelule. Allah arye, anang malye unyaka ati, bataknauk ulula ati, sik malye winin ning ati, kum weneplirye, anang ati kum olule,” nyalyame. Nyapminya deice arye, Allah ara dipkoprob ulye ning ara, moubuka kum biklumce, yaninauk ulyame.

Ayub 36:1

Elihu birye, ayupu ton dukdongobuka nyabuk.

Yehezkiel 35:13

Aninguk kum bukni, tonda, anggun Edom mutuku nang ara, anggun kanye erena deice arye pia kwalina yupu, na Allah deice nyalilamnulume. Anyalamlum yupu nirya ara, pia weik tonun tabakuka, malye nyanauk, na Allah ati, nyalamnulumba, akunum kekelamsise.