Ayub 34:3 - Eipomek

³ Aning ara, talye ati kum nyapsine. Anggun kele, ninye arye din akunum dobuka dibikirye, ‘Adin ara, teleb dinʼ tenen, dipdekirye, kel bikinyake. Aning atonun, ninye kel weik bikin yupu deice arye nyabikcopura, moubuka kekebikirye, ‘E, aning nyapmaka ara, dipkoprob yupu nyapmake,’ tenenyabe.

Ayub 34:3 Referans Kwoze

Ayub 12:11

Winipmanto ara, nun nirya kele. Nun amul arye, yupu moubuka kekebibirye, ‘E, aning ara telebe, aning ara, malye,’ tenebibyak arye, kel bikinyabe. Awininyaba atonun, nun din dina babye, sitang deice arye dipdebirye, ‘E, adin ning ara, to nyalul bukni, aning ara, to kum ulula ati, malye din ulule,’ tenenyabe. Bukni, anggun na dam yanmalum nang ara, aning babye, bita kum bikmalum do?

1 Korintus 2:15

Yatanye do nirya, dib tenebukura, Allah El Dib Kanye arye akunum talilulnye bira, anye birye aning-aning nirya ati, kintinipdelirye, ‘Teleb ning ani, malye ning ani’ tenen, yupu bokdeiptue. Atonye birye winiptu bukni, yuk ninye ara, sik dib tenena kum, yuk talye wininyak ninye ara, aning nirya ati ara, moubuka kum teneptingce, yupu kum bokdeiptinge. Tonda moubuka kum kel biktinge. Deiyok ara, Allah El Dib Kanye arye, sik talima kum talilula ati, nunce peterenyap yupu, moubuka kum kel biktinge nyapsine.

Ibrani 5:14

Bukni, Allah yupu pia nong noutamak, tup ning atonun ning ara, talima akunum wisibuk ninye arye, kekebuka doproptinge. Aninye ara, atalak nirya, pia moubuka tenekirye, diksukum unyaka deice arye, ‘Aning malye, aning teleb’ tenen, dipkoprop teleb kibuka wibikirye, kel bikinyake.

Ayub 33:2

Anda moubuka kekepnunilyame. Narye, ‘Ayub el dam yupu nyapnamane,’ tenepsirye, akunum kintinipse yupu, na si deice arye nyapnukine.

Ayub 31:30

Tonda na oldan nang ati, ‘Allah arye aninye ati supdeipturye, optuba sikda diptinge’ tenen, Allah kum moropse. Ayupu atonun ning ton, nyalamsirye, malye kum winilamse.

Ayub 6:30

Anggun ton moubuka tenipdelulume! Narye anggunti, nyasunun yupu ara, malye yupu ton nyanun do? Tonda, na babye, ‘Aning ara telebe, aning ara, pia malye winin ninguk ulule,’ tenen, moubuka teneptinirye, kum biktinye do?

Ayub 34:4

Ati ara, nun neika arye lipsisikuka tenebibirye, ‘Malye ning ara, ani. Diksukum teleb ning ara, aniʼ tenen, kel biktibye.