Ayub 34:27 - Eipomek

²⁷ Winilula deiyok ara, ani. Ara, sik adeiyok-deiyok nang ara, Allah elce, “Aning wininamlume, aning ara pia kum wininamlume. Teleb un ning ara, ani,” nyapdeiamsuk ning nirya ara, anang arye akunum yaniltaklamik ati, olule. Diba, Allah arye nyalul yupu, moubuka kum talikirye, ‘Aning ara, talye yupu uka, dauplye,’ tenenyak ninye ara, Allah arye wenebuka olule.

Ayub 34:27 Referans Kwoze

1 Samuel 15:11

“Se, narye Saul biti, ‘Yata ati do?’ tenen, malye kanye bopmane. Ara narye, ‘Saul bira, ninye deiyoknye Raja unamle’ tenen, erepdeipse bukni, elce tuba tamubuka, malye kipdeipmanilce, batakmanile. Narye elti, ‘Wininamlyame,’ nyapdeipse yupu, na nyapse touk, kum winipmanile ati, el bataknune,” nyabuk. Nyabukopura, Samuel el talima pia uk dibukba, Allah ati lukunyan noutamak nirya, pia malye yupu nyanmokce, moronmok.

Yesaya 5:12

Sik anang arye, weik kwalya kwalibuka dinmace talak ara, mot sena ati, lelim len ning, el si kecapi ap, gambus ap, tonda rebana ap, suling ap onmakirye, kanye wangalamak mek, anggur mekuk dinyake. Wininyak deice sikce, ‘Se, nun ni Allah Yahweh, elce amambul pil donamleʼ tenen, sikce elti, moubuka bita tenebikirye, el taruk arye mambul pil dolamuk ning ati, si kum erenyake.

Mazmur 28:5

Deiyok ara, ani. Amalye wininyak nang ara, Allah Yahweh arye, mambul pil dolamlye ning ap, el taruk mikip arye winilamlye ning ap, ‘Aning nirya ara, dauplye, awinilye ning ati tenebuka, kum kekebibirye, kum bikinamabe,’ tenebuka unyake.

Ibrani 10:39

Ayupu aupmal bukni, na kayapo, nun nirya ara, ilil arye ila tuba tonap batakikiba, Allah arye wenebuka oplopnamle ninye atonun kum unyabe. Nunda, diba tenenauk ubikiba, Allah arye lyenamsil ninye unyabe.

2 Timotius 4:10

Deiyok ara, na melipnuknye Demas ara, talye tukwak mutuku ulul ning nirya ati, ‘Aning ara ilil ulul. Na doproptinye’ tenen, kanye engelamuka ati, akunum bataknukce, Tesalonika mutuku biyuk. Kereskes ara, Galatia tam biyuk touk, Titus ara, Dalmatia mutuku akunum biyuk.

Rasul 15:38

Barnabas arye aning teninmokce, nyabuk bukni, Paulus arye, ‘Kume. Anye bira, tonap tabakna ara, bataklyame. Yohanes ara, Pamfilia tam arye bataksukce, nun pil sirya kum dakamnumu talak bataksukura, nirya ansinibuka pil kum dobupa ati, nunce el dobuka, neika kum bitibye,’ tenebukce nyabuk.

Zefanya 1:6

Tonda yata nang do nirya, sikce, ‘Se, nun ni Allah arye, yata yupu nyapnamsil do?’ Tonda, ‘Nai ance nunti, kalikuka melinamsilamʼ tenen, na dam ton yanuka, kum moroninyake. Tonda, sik anang arye, ‘Se, nun yata wiripnamap do? Teleb ning ara, aning do, aning do?’ tenen, na Allah ati, tuba kum asininyak nang nirya babye, wenebuka opnirye, sirya dakuka, kum daneipnamne. Ara, sik anang nirya ara, na Allah ati, melibuka kum dobolyanganinyakce, akunum bataknika ati, opnirye pia kum daneipnamne. Tonda, ‘Allah arye, yata yupu nyapsiliryeba, aninguk talebuka dobolyanganamap do?’ tenen, na dam yanuka, na yupu kum kekenenyake. Wininyaka ati, anang nirya opnirye, pia kum kipdeipnamne.

Yesaya 1:3

Winipmanto ning ara, sapi basam babye, sik weilamak deiyok nang kel bikinyake. Atonun keledai basam babye, sik weilamak deiyok nang kel kibikirye, sik din arin sukum kintinililamak ara, akunum bikinyak bukni, sik Yehuda yala ninye ara, nati moubuka tenena kumce, sikce bita kel kum bikininyake.

Mazmur 125:5

Bukni, yuk nang arye, sik kanye deice aryuk, ‘Malye winin ninguk talibuka wininamap’ tenen, teleb winin bisik ara, batakikirye, kwalin bisikuk banyak nang ara, Allah Yahweh arye, anang nirya ara, dobukaplirye, pia malye-malye ning weik wininyak nang ap, tabaklirye, pia yukak, pera mutuku bobinamle! Bukni, nun Israel yala nang ara, ‘Allah arye pia teleb kipdeipsilirye, ansinip deipsiliba, pia kanye deibuka, telebuk wininamap’ tenen, Allah ati moronyabe.

Mazmur 107:43

Yatanye do, weik kel bikna deice arye, pia moubuka kel kipmantonye bira, anyapman yupu nirya teneplirye, moubuka kel kipnamle. Tonda, el anye birye, ‘Allah ara, dipkoprob aulule. Allah Yahweh arye, nun tukwak ninye ati, weik arye bico tenesilya ara, pia kum kum danamle’ tenen, moubuka tenenamle. Daud birye, ayupu nyabuk.

Ayub 21:14

Tonda, sik winin diparyuk, sikce Allah ati, “Nun dam arye batakuka, yukak binulyame! Nun kam unamap talak nirya ara, Allah ance nunti, ‘Aning wininamlume, aning ara pia kum winanamlume,’ nyapdeipsise yupu moubikmunce, telebuk, unamlume,’ nyapsulum yupu ara, talibuka kum unamabe. Nunda anti pia lik, tenenyabe,” nyabikirye, Allah ati yaninauk unyake.

Amsal 15:10

Ninye ton malye winin ninguk ulirye, Allah arye, “Teleb un bisikuk dobolbanamlulume,” nyabuka peterelirye, “Aning ara wininamlulume, aning ara, pia kum wininamlulume,” nyabuka, nyalisulul yupu moubuka kum kekenyak nang ara, aminyan talak Allah arye sik dam weik kanye imun un ning arenamle. Aning atonun, yata ninye do nirya, sik deiyok nang arye, “Moubuka unamlume,” nyabuka, nyanyak yupu kum kekenyak ninye ara, aminyan talak ara, Allah arye wenebuka opliba dipnamake.

Yesaya 1:28

Bukni, na yupu bisibuka malye unamak ninye ap, nati bataknikirye, malyeuk upra banamak ninye nirya ara, wenebuka opnyopura, dipnamake. Na Allah Yahweh ati, bataknice ninye nirya ara, opneba pia dipnamake. Kam pia kum unamake.

Yeremia 2:17

Awinipmasil ning ara, urdem ati kum winipsile. Anggun kele. Anggunce, malye winimunya dekna arye, anggun dam ikin ning nirya yalaba dopropmalume. Deiyok ara, na Allah arye anggun bisik balalum talak ara, melibuka bobalamsise bukni, anggunce nati balye tam kipnulumce, bataknuluma deice arye, wini talak ikin ning anggun dam akunum yale.