Ayub 33:33 - Eipomek

³³ Bukni, ance, nyapmanto yupu ton kumopura, narye nyapnukin yupu tunim abuka kekepnunilyame. Na kel bikin ninguk an dam nyapkinyeba, kekebuka biknalame.” Elihu birye, Ayub biti ayupu nirya nyabuk.

Ayub 33:33 Referans Kwoze

Mazmur 34:11

Aning atonun, bai tam ulamle weik kuse atonun ning, weik yu ning, el si ara, singa kuse, el din ning ton kum uplirye, din kum diplyopura, mikip kum ulule. Bukni, nun ni koproba Allah Yahweh ati, si erebuka ukirye, ‘El dem aniryuk lyenamsil’ tenen, el amu tamuk unyak ninye nirya ara, teleb ning ati, kum patalule. Sik kam una ati, teleb ning nirya arepliba, kanye imun ton kum ulule. Aning nirya ara, sik dam pia aunamle.

Amsal 8:5

Anggunda moubuka weika arye, kel bikna nang ara, min kum kel bikilulum ninye ara, na yupu moubuka kekepmunyopura, teleb un ning, moubuka kel bikinamlulume. Aning atonun, anggun tuba walwal uk ululum ninye babye, na nyasinye yupu moubuka kekepmunyopura, ‘E, teleb kibuka un ning ara ani’ tenen, nong bol deice ning kel bikna kum bukni, nong noutam ning ton, moubuka kel bikinamlume. Anggunda, yupu kekena kumce malye pia weik ninye ululuma anya arye, na nyasinye yupu moubuka tenenamluma deice arye, pia moubuka tenepmunce, teleb kibuka kel bikinamlulume.

Mazmur 49:3

Ara, ninye deiyok nang babye, talye amu tamuk unyak nang babye, kekepnululume! Tonda, anggun bona talin nang, ululum nang babye, anggun talye bona uto-toa talina kum nang babye, moubuka kekepnululume!

Ayub 33:3

Na kanye talima noutam arye tenenun ning ara, pia diksukum ninguk nyapnukine. Na si deice arye nyapnukin yupu nirya ara, talye nyaltakan yupu kume. Dipkoprob na kel bikse ning ara, pia mambul yupu nyapnukine.

Ayub 33:32

Bukni, narye ayupu nirya akunum nyapkinyeba kekepminyopura, ance ton, ‘Tamubuka nyapnune,’ tenepneminyopura, nyapnulyame. Ance dipkoprob yupu nyapminye ura, narye an nyapminye yupu kekepkinirye, Ayupu ara dipkoprob nyaple tenen, biknirye, Allah el dam ara laka nyapnamakine.

Ayub 34:1

Elihu birye awinilye nang ati, nyabuk. Anggunda, kel weik bikina arye moubuka teneplumce, aning nirya aweik kunum kel bikamlum nang ululume. Tonda, anggunda aning-aning nirya, deiyok ning akunum bikluma ati, narye anggunti nyapnusin yupu nirya ara, moubuka kekepnululume.

Mazmur 34:12

Se na mapu, na dam yamunce, narye nyapsinye yupu, moubuka kekepnululume. Nunce, ‘Se, nun ni Allah Yahweh, elda weik mambulnye ulule ati, elda pia teleb’ tenen, ‘El amu tamuk unamap,’ tenenyap ning nirya ara, narye peterenamsine. Peterepsinyopura, anggunce Allah Yahweh, el siuk erebuka, si erenamlulume.