Ayub 33:17 - Eipomek

¹⁷ Allah elce ato yupu nyasulul deiyok ara, ani. Ara, ‘Ayupu nyapnyeba kekebikirye, sik malye unyak ning ara, bataktingʼ tenen, nyasulule. Tonda, ‘Sik talima erebuka maknya kinyak ning ara, bataktingce ila tamubuka telebuk uptingʼ tenen, lengdar deice arye, ato yupu nyasulule.

Ayub 33:17 Referans Kwoze

Yakobus 4:10

Anggun kanye talima nimalye arye ubuka, Allah el amuak kipdopmunyopura, Allah arye anggunti erepdeipnamsile.

2 Korintus 12:7

Ara, yo tingkul opsilyebuk, nun nong bol weksilirye, uk weik dilamsil touk, Allah arye nati, ikin ning na nong deice deiamnuke. Deiyok ara, Paulus ara, weik mambul weik ning kekebuka eibuk ati, Paulus arye, ‘Nara, weiknye, teneplirye, kanye erepdalyak,’ tenepnukce, ikin ning na nong deice deiamnuke. Allah arye, “Dauptue,” nyabukba, Isa Mutuku Dongonye arye nati, ‘Ikin kanye bobuka unamle’ tenen, aikin ning na nong deice deipnukura, aunulule.

Matius 27:19

Pilatus arye, ‘Yesus yupu lipsisikuka bokeipnun’ tenen, ninye yupu lipsisikuka bokolinanye bunak deice bukmokak, el kil arye yupu nyapdeibukura, yuknye birye ayupu nyalyayuk. “Kao, anye Yesus ati ara, ninye yupu bokuka kum wenepnulyame. Na lengdar mapmanu deice arye pia ikin upmanila ati, anye bira el malye ning ton dipkoprop kum ubuka anya arye, bataknauk upnulyame. Tonap elti, yupu talibuka kum bokeipnulyame,” nyabuk.

Yesaya 2:11

Na dipkoprob nyapsine. Yata nang do nirya, sik kanye erebikirye, sik asing erebuka dilenyak nang ap, tonda, ‘Nunda pia mambulʼ tenen, kwalinyak nang ap ara, Allah arye, sikda amu tam kipdeipnamsile. Winipsiliba, anggun alye dakdamunce, ikin kanye bobuka unamlume. Atalak akunum yalyopura, Allah arye weneplirye, kanye erena deice arye, kwalinyak nang nirya ati, wibuka amu tam kipdeiplye nang, mutuku sirya, im sirya nirya arye, Allah el tibuk, “Se, mambule, pia teleb ululnye bira, el uka,” nyabuka, Allah el siuk erenamake.

Ayub 17:11

Na kam tuba unye talak nirya ara, akunum kum kipdopnin yanganulule. Tonda, narye, ‘Winipnamne,’ tenyamse ning nirya ara, bataknauk ununa ati, aning nirya ara, dipkoprob nong kum upnamle. Tonda, na kanye talima noutam arye, ‘Se, aning ara, winipnamne, aning ton winipnamne’ tenen, pia patapnukba, adiparyuk, tuba teninun ning nirya ara, kum kibuka wanganauk ulule.

2 Tawarikh 32:25

Bukni, atalak noutam ara, Hizkia el kanye erena deice arye, Allah ati, “Se, ance bico tenepniminye deice arye, an kanye aryuk, kam bukeipmanilama ati, telebe,” nyabuka, kum nyabuk. Ati ara, Allah arye el Hizkia ap, tonda Yehuda tam mutuku noutam ulamik nang ap, Yerusalem weik asik noutam ulamik nang ati, yu ubukba wabukce, sik nong deice ikin ning deibuk.

Kejadian 20:6

Nyabukba, el lengdar mapmok talak ara, Allah arye Abimelek biti nyabuk. “Diba, na kele. Anda talye mangkau kanye bopmomce, akil dopmome. Narye, ‘Malye uplyak’ tenen, kalikuka dinmakunuba, na yupu min kum yanipmanilame. Winipmamu deice arye, akil ap, an ap, min kum mapmarume.

Hosea 2:6

Ati ara, winipmanto ara, narye akil el ban bisik nirya ara, weik cang poka, alip tam tace ning deibuka, antanapdongopniba, elce abisik ton pia kum wekuka banamle. Na arye akil ati, kanye walwal un ning arepneba, ‘Abisik binamne,’ tenelul ning ara, kum eipmanto uplirye, yuk talye bisik kirikuka banamle.

Yesaya 23:9

Kume dipkoprop, yuknye birye kume. Allah Yahweh, elcuk, aning-aning deice tam erebuka, mikip weik ulirye, im deice yin talin malaikat nirya talibuka, weik deiyoknye ululnye birye, aning ara dipkoprob winipname tenyamukce nyapdeibuk. Aning winibuka deiyok ara, talye ati kume. Deiyok ara, elce, ‘Sik kanye erepdakirye, kwalinyak nang nirya ara, na Allah arye amu tam kipdeipnamne,’ tenyamuk. Tonda sik tukwak mutuku nang arye, ‘Se, anang ara dipkoprob mambul weik nang unyake,’ tenebikirye, ninye si erenyak nang nirya ara, na Allah arye amu tam kipdeipnyeba talye nanguk unamake,’ tenyamukce, aning nirya akunum winipsuke.

Ulangan 8:16

Tonda, amutuku noutamak ara, wa ap, din ning ap, kum uamuk bukni, Allah el mikip deice, im deice arye manna kwaning areamsukba dilamlume. Akwaneng ara, anggun apu yapu babye, anggun babye, kum kel bikamlume. Allah arye aning-aning nirya, ikin ning babye, teleb ning babye, areamsuka deiyok ara, ‘Asipdeniba, sik talima mitang upliba, teleb updeipnamsin’ tenen, anggunti teleb kililamsuke.

Ayub 33:16

Ato talak ara, Allah elce, ‘Na nyapne yupu, sik ninye arye kekepnuniakʼ tenen, nun amul pakuka deipsilirye, “Wininmaluma ara, bataklulume! Kum batakmunyeura, narye obuka sirya danamsine,” nyabuka, nun dam wenen yupu nyaplyeba kekebikirye, sirya dakanyabe.

Ayub 33:18

Tonda, Allah arye tenesulula ara ani. Ara, Allah elce, ‘Kume, amalye unyak nang ati, lake kiplopyeba, sikda malyeuk ulamikca ani, akunum dibikceura, tuku palibuka dongonamake. Aning atonun, malyeuk daulamikca ani, akunum dibikceura, weik balamle mek koubuka otam ara, akunum diamik nang unyakakuk, binuka unamake,’ tenesulule. Ati, Allah arye, ‘Malye unmacebuk, dibicakʼ tenen, Allah elce nun tukwak nang ati, lengdar arye yupu nyasilya deice, melibuka lyelosulule.

Kejadian 20:3

Doprobuk bukni, tonok lukunyan noutamak ara, el lengdar mapmok talak ara, Allah arye el dam nyalyayuk. “Ance dopmalam kil ara, yuknye birye akunum dobuka anya arye, wenepnamkinlarya. Anda dipmantonye akunum unmalame,” nyabuka wenebuk.

Penghotbah 8:6

Aning ara, talye ati kum nyapsine. Deiyok ara ani. Yata un ning do nirya, aning-aning nirya ara, el lo ati ara, teleb talak ara akunum aupmale. Tonda, awinin ning ara, el kamo una ati teleb ning ara, akunum aupmale. Ati moubuka tenepmunce, Raja arye nyasilye yupu atonun ubuka wininamlume. Bukni, tukwak nang nirya ara, dipkoprob dipnamap bukni, ‘Dan talak arye dipnamne do?’ teneptibya babye, yatanye birye, aminyan dotalak winipnamsil ning ati, atalak arye, ‘Aminyan talak ara winipnamsil nyabuka, laka nyapsutu do? Kume, aning ara, kum winiptinge.