Ayub 30:19 - Eipomek

¹⁹ Allah el mikip arye na dobuka, donoknukba, bental pum bisik wekse. Nara talye bama bataklamaka atonun winipnuke! Tuba buta ap, uku sice buta ap, batanyaka atonun, akunum winipnuke!

Ayub 30:19 Referans Kwoze

Ayub 42:6

Ati ara, ayupu nyapmanilamba kekepmana deice arye, ‘Na nyalamse yupu ara, dipkoprob malye yupu nyalamse,’ kunum tenepne. Utenepmana ati, ‘Yata deiyok ati nyalamse do?’ tenen, ikin kanye bobuka, alye dakdana anya arye, arup malye nyanmanu ning ara, bataknirye atu dobuka, na kisok deice deipna arye, butbuta deice bukmane. Ara, pia walwal arye nyanmanuba, winira kel kipmana ati ara, na malye ning batakna arye, ikin kanye bobuka abukmane. Ayub birye nyabuk.

Kejadian 18:27

Allah arye nyabukba, Abraham arye nyabuk. “Se, na nio, nara tukwak arye kwepdeipnulume, talye uku sice atonun, mambul kumnye unun bukni, ayupu deiyok koubuka, akunum nyapra banmane anya arye, ayupu ton dukdongopbuka nyapnukine.

Yeremia 38:6

Nyabukba, sik anang arye, Yeremia dobuka, ninye deiyoknye, el mi Malkia palyamuk sumur pum bisik, tapu kirikdongobuka, apum dopkwetebik. Asumur lukamukak ara, ninye deiyoknye Raja, el aik dam lukamuk. Atalak ara, mok kum li anya arye, asumur ara, mekwen ton kum deiamuk bukni, benuk uamuka anya arye, Yeremia atuku pum bisik dokwetebikba, bental pum bisik wekmanto ubuk.

Mazmur 69:14

Bukni, na ni Allah Yahweh, anti moropkine. Ara, Allah ance tenebuka, ‘Arup ara, melipnamne,’ tenepniminyopura, ‘Melibuka lyepropnalama,’ tenena ati, na ni anti moropkine. Tonda, na ni Allah, ance weik arye bico tenepnimince, melinamnilame. Ara, ance ‘Atalak melipnune,’ tenepniminye talak ara, pia kum bataknamnilame. Dipkoprop, asum-asum nirya lyelonamnilame.

Ayub 2:8

Winibukba, atu lubuka el kisok deice deibukce, aik dam bulamukce, kat mek makau colopdoba, mitik ning doprobukce, el susu kala korokoldalamuk.