Mikha aik dam akunum binuka unmek talak ara, sik pamubarye nang, ara Lais mutuku dilbinmek nang arye, nyabik. “Nun kayapu, anggun ton akunum bikmalum do? Anyaik noutam ton, ninye urasin ato ning patung memepdeibikce, kat ning perak arye taplak dongamik ning ap, tonda yuk talye ning si erena ati, mitik patung ton memepdeiamik ning ap ara, anyaik pum tam aulule. Aning bikilulum do? Aning atouk, tonda, Allah arye ninye ati, ‘Winipnamlume nyabuka,’ lak len ning, el si efod baju ton, anyaik pum tam aulule. Ati ara, anggunce, ‘Yata winipnamap do?’ tenen, tenipnamlulume,” nyabik.
Ayub 3:2
13 Referans Kwoze
Tek barye talak deice arye, Ayub ap, el kayapu nang ap arye, yupu kum nyalamik bukni, atalak akunum ubukba, Ayub elce tonok sum ton yupu nyabukce, “Se, na nin bira, yata deiyok ati deiamnuk do? Delina batakamnutue. Na min deipnuk sum ara, pia malye sum,” nyabuka, malye yupu nyanmokce, el deiamuk sum supdayuk.
Bukni, Ayub birye Bildad biti, tamubuka nyabuk yupu ara ani. Diba na kele. Ara, ance wini talak nyanmanilam yupu ara, dipkoprob ninguk nyapmanume. Walwal arye kum nyapmanilame. Bukni, nun ni Allah ara, pia diksukumuk ulula ati, pia teleb, lek dem ulule. Ati ara, tukwak mutuku noutam unyak nang kan-kan arye, yata tonye binuka, Allah el dam tikukce, ‘Nara, pia diksukumuk unune,’ teneptu do? Kume, nun tukwak nang nirya ara, malye un ninguk unyaba ati, aning kum nyaptibye.
Ura, Ayub birye tamubuka, el kwit capu ati, ayupu nyabuk. “Anggun na dam yanmalum nang ara, na kanye ara, ‘Anggunda kel weik bikna deiyok nang ululuma ati, anggun dipmunyopura, kel weik bikin yupu nirya ara, kum danamle. Tonda, atalak arye dipdongobuka, doupnamle talak nirya ara, nun tukwak mutuku noutam unyap nang ara, tuba ton ap, kel weik yupu ton, pia kum kekenamabe,’ tenepne.
Ayub birye Elias biti, tamubuka nyabuk. “Anggunce pia talye-talye yupu, nati tuba nyanululum ning nirya ara, mince akunum kekenune. Ara, Elifas ance anyapmalam atonun yupu ara, anggun winilye nirya arye nyanululum ning ara, mince akunum kekelamse. Ati ara, anggunce nati, kanye teleb kin yupu ap, talima kwadina yupu ap ara, pia kum nyanululume. Anggunda kanye malye kilin yupu uk nyanululume.”
Elias birye Ayub biti nyabukopura, Ayub birye tamubuka, el kwit capu winilye ati, nyabuk. “Bukni, atalak ara, na ikin weik upniliba, na kanye pum tam arye, ‘Se, Allah arye winipnutue,’ tenenun ning ara, Allah el kekenak nyapnune. Na ikin upnilyeba imun kanye bobuka, engepnirye ngalukunun bukni, winipnilya babye, Allah arye ikin weik ning dobuka, na nong deice tuba delinulule.
Piblisite