Winipmanto ara, sik anang ara, ninye arye mitik yo dobuka, mek kup-kup ak donokikiba, ayo pabuka neplirye, el yating pur-purukuka, mek dongopliba, dou malamlya babye, bok teleb uplirye, kum koululamle atonun unamake. Amutuku noutam, dou man li upmalya babye, ayo kum koulupnamle bukni, el duk teleb kibuka tuba-tuba mounamle. Aning atonun, nati diba teneninyak nang ara, ikin unamle talak ara, ilil upliba, ‘Se yata winiptibye do?’ tenen, kanye teniltona, pia kum unamake. Sikce tuba teleb asa unamake.
Ayub 29:19 - Eipomek19 Winipmanto ara, nara weik yo yating bisik ara, mek weklamlyeba, cang weik tonun tiklamle atonun ulamse. Tonda, yo tikamlyak arye, mok purye mek weklirye, ayo teleb ubuka, sukuplirye, palamle atonun ulamse. Gade chapit la |
Ayub 29:19
6 Referans Kwoze
Allah yupu moubuka tenelulnye bira, el wininamle ning nirya ara, telebuk wininamle. Anye el wininamle ning nirya ara, winipmanto ninye arye mek kup-kup ak yo koubikiba paplirye, bok teleb kibuka paplirye, duk moun talak li nirya ara, batakna kumce, teleb kibuka duk moulule. Tonda ayo bok kolubuka, kum saklamla atonun, Allah ati diba tenelulnye birye, wininamle ning nirya ara, telebuk wininamle. Deiyok ara, Allah arye diksukumuk wininyak ninye ati melilamliba, telebuk wininamake.
Sik malye uning talibuka unyak nang ara, sik apu yapu akunum deiamik. Sik ton dibikcopura, mapu ton pia kum deilinamake. Ati, winipmanto ara, weik yo tikamtua babye, tuku pum tam, el yating binamuka nirya ara, kouluplyeura, ayo koululamle. Tonda, ayo taruk dana-dana tam binamuk ning nirya ara, adiparyuk kouluplirye, tobuka poupnamle ati, mitik yo ton kum panamle. Atonun, sik anang nirya ara, pia kum danamake.
Piblisite