Ayub 29:11 - Eipomek

¹¹ ‘Yata nang do nirya, na nyalamse yupu nirya, moubuka kekepnopura, lilipnarye, moubuka tenilamik. Tonda, yata nang do nirya, na pil dolamse ning nirya akunum eipnopura, ‘E, anye bira, teleb piluk doluleʼ tenen, nati kibuka, si erelamnik.

Ayub 29:11 Referans Kwoze

Lukas 4:22

Yesus arye peterenmokura, ayupu kekenmek nang arye, “Se yupu teleb ubuka peterenmasile,” nyabuka ngalukik akarye kanye deibik. Tonda, “Anye bira, Yusuf arye deibuk mi do?” Tenebuka nyanmek.

Amsal 29:2

Teleb uk ukirye, talima darapdongobuka pia diksukumuk ulamice ninye arye, ninye deiyok nang ukirye, sik talibuka unamak mutuku ara, diksukumuk ubuka, ninye yupu lipsisikuka bokolinamak talak noutamak nirya ara, sik amu tam unyak ninye nirya arye, kanye deibuka unamake. Bukni, malye winin ninguk talibuka ulamice nang arye, tonok mutuku nirya talibikirye, ninye deiyok nang kibuka unamak talak ara, sik amu tam unamak ninye nirya arye, ‘Se, ikin ning nun damak yanganamsil ning ara, nun like’ tenen, imun kanye bobuka engenamake.

Ayub 31:20

Ara, sik nong banang ulamting ninye ati, na eiyamtiniryuk, bico kum upnutuba, na domba basam optinirye, el nong potong koproptinirye, buppu baju dobuka, aninye ati kum deiamtinyopura, sik aninye arye nati, weik kanye kum deipnamnitinge. Ato kili sal kum melilamtinyopura, aning ati, Allah arye wenebuka opnutue. Bukni, ato ninye nirya melilamse.

Lukas 11:27

Yesus arye ayupu tuba nyanmok talak ara, awekmek ninye kan-kan arye tonok kil yupu weik arye nyabuk. “An deipkukce, moum dinyamkuk kil ara, pia mambule. Akil ara, Allah arye pia teleb ulinamle,” nyabuk.

Ayub 4:3

Ayubo anda minop talak ulamlum ning, luba kina meme. Tuba tonap pil dolyam ning tenipdenulyame. Ninye yuk nang weik kekelamika ak peterelalume. Tonda, mikip kum mitang ulamuk ninye weik, ance mikip kililamlume.

Ayub 4:4

An nyalalum yupu deice arye, ninye mitang ubikba, kum winipmanto ulamik bukni, ance moubuka pin-pin kipdeipnaba, anang telebuk ulamik. Tonda, mikip pia mitang ubukba, kum binmanto ulamik nang ati, an yupu nyalaluma deice, mikip kililalumba, mikip arye ulamik.

Matius 25:17

El winilamuk touk, weik yo bok 2 doprobuknye birye, pil dolamuka deice arye, weik yo bok 2 ton tabakdeibukura, 4 kibuk.