Ayub 28:26 - Eipomek

²⁶ Allah arye, ‘Winibuka mok ceplirye, tukwak mutuku deice sakanamle mutuku ara, ani,’ tenyamuk touk kwepdeibuk. Tonda, Allah arye, ‘Bebeya ap, liman nyana ap, asukum aunamle,’ tenyamuk touk, sik bisik ati kintinip deibuk touk, tuba aulule.

Ayub 28:26 Referans Kwoze

Ayub 38:25

Aning atonun, yatanye birye, ‘Mok ceplirye mok saknamle’ tenen, el yangan bisik kintinibuka delilul do? Yatanye birye, ‘Liman ap, bebeya lakuka mek oplirye banamle’ tenen, bisik yalilul do?

Ayub 37:3

Im tam nirya ara, eitamuk ulul bukni, aning ara amu tam, tukwak mutuku im sirya, mutuku sirya nirya ara, Allah elce bebeya laklamle ning ara, dopdeiplyeba, lelim weik kekenyabe. Allah elce liman nyan ning babye, bebeya lakne ning babye dopdeiplyeba, alelim ap, abebeya lakne ning ap ara, mutuku sirya im sirya ara, dabalule.

Zakaria 10:1

Kwapu youbuka bongon li talak kiplyopura, anggunce Allah Yahweh ati, “Mok arepsilyame,” nyabuka moropmunyopura, Allah el si Yahweh arye, dua kunukna ning arepsiliba, kunuklirye, weik mok ceplirye, tukwak mutuku saklibuk, ninya wa wibuka koulamak ning nirya bongoplirye, bok teleb ubuka palule. Winiplyopura, Allah arye tukwak im sirya, mutuku sirya nirya, unyak ninye nirya ati, bongobuka palamle ning aning-aning nirya bokeipliba, talibikirye, teleb kanye bobuka unyake.

Amos 4:7

Tonda atonun, anggun wa wibuka koulamlum noutam, mok ton kum arelamsisirye, mok pia cena kum li areamsise. Anggun wa koulamlum ning ara, wala winilye tonap, akunum uptopura, anggun wa wibuka kouamlum ning, yongobuka lilamtum bukni, mok kum arelamsisa ati, anggun wa wibuka kouamlum ning nirya ara, koululamuk. Tonda, anggun asik dobuka, ulamlum mutuku noutamak ara, ton ninye arye, wa wibuka kouamik wa win dam ara, mok arelamse. Bukni, ton aik ninye ara, wa wibuka kouamik wa win dam ara, mok kum arelamse. Winilamsiba, ton tam nang, sik wa wibuka koulamik ning ara, nong ulamuk bukni, ton tam ninye, sik wa wibuka koulamik ning nirya ara, koulunauk ulamuk.

Yeremia 14:22

Nun ni Allah, nun kele. Mutuku-mutuku nirya arye, kwemdina ning Isa Mutuku Dongonye si erenyak ning ati, ‘Mok arepsilyame,’ nyabuka moroptibye babye, mok kintinibuka kum arepsutue. Tonda, im noutamak ulul ning aryuk, mok tukwak mutuku kum dopkweteptue. Aning nirya kum bukni, Allah ancuk, nun patapsilye ning nirya arisilyame. Ati ara, nunce an deiceuk, nun kanye delinyabe. An dem aryuk, aning-aning nirya arisilyame.” Israel ninye arye, Allah ati ayupu nyabik.

Mazmur 148:8

Se, bebeya lakliba, uku lalamle ning ap, weik mok purwu saklamle ning ap, dua ap, mikip weik arye balul kumanya ap, mok ap, dou ulamle talak ap, aning-aning nirya ara, Allah arye, “Winipnamlulume,” nyabuka nyalilye touk, Allah Yahweh el yupu uk kekebuka unyake.

Ayub 38:27

Yatanye birye, tukwak mutuku miklamle tuku deice mok areplibuk ceplirye, tuku nirya teleb upliba, tukwak mutuku betekuka palamle ning nirya palul do? Aning ton an kel bikaminyopura, nyapnilyame.

Ayub 37:11

Allah elce dua noutam ara, mok kitibuka delilule. Tonda, dua kan-kan noutam arye, bebeya lakuka balule.

Ayub 36:32

Allah arye bebeya lakne ning ara, el mining taruk arye talilule. Aning talilulce, ‘Asukumuk saknamle’ tenelye touk, dopkwetepliba, el akunum tenebuk touk, dipkoprob atuku sukum sakalule.

Ayub 36:26

Nun ni koproba Allah ara, el dipkoprob mikip pia weik ap, weik mambul ap ulule. El kam ulamuk keting tamun nirya ara, nun tukwak mutuku unyap nang arye, pia kum nukmanto ati, kum biktibye. Diba, Allah el winilye ning nirya ara, nun tukwak nang arye, pia kum bikmanto unyabe.

Ayub 28:27

Aning-aning nirya ara, akunum kwepdeibukce, aning nirya dipdeyukba, “Asukumuk unamle. Winibuka, winibuka unamle,” nyapdeibuk touk, tuba aulule. Diba, Allah arye, “Aning nirya ara, winibuka unamle, asukum unamle,” nyapdeibuk touk, tuba aulule. Aning atonun ton, Allah aryuk, ‘Weik kel bikna deiyok ning ara, winipnamle,’ tenyamuk touk, tuba aulule. Aning-aning nirya ara, yuk-yuk bokuka kum upnamle.

Ayub 37:6

Allah elce, ‘Atalak ara, winipnamne,’ teneplye touk, el yupu deice aryuk, “Mok purye ap, es mok, el si ara salju ap ara, tukwak mutuku noutam saklyame!” nyaplyeba, aning adiparyuk sakalule. Aning atonun, Allah elcuk, “Weik mok cepnulame,” nyaplyopura, adiparyuk, weik mok celule.

Ayub 38:26

Tonda, yatanye birye ilim tukwak ap, pata mutuku ap, ninye una kumak nirya ati, mok dopkweteplibuk celul do?

Mazmur 135:7

Winipmanto ara, ani. Tukwak mutuku sirya, im sirya arye, elce arepliba, weik dua welelule. Tonda, elce arepliba, weik bebeya laklamle ning, bebeya lakalule.

Amsal 8:22

Minop talak Allah arye, aning-aning nirya min kum kwepdeiamuk talak ara, Allah Yahweh arye, ‘Kel pia weik bikna deiyoknye’ tenen, wepdeiamnuke. Ara, pia min yuma talak Allah arye, el taruk koproba arye talibuka, pil donamik ning nirya ara, tonok ning babye, min kum domuk talak arye, ‘Kel weik bikna deiyoknye unamle’ tenen, wepdeiamnuke.

Ayub 36:27

Allah arye pia mambul pil dolul ning ara, kum nukmanto bukni, winipmanto ara, tukwak mutuku noutam arye, mek doproplirye, dua kan-kan deiplyopura, el tenelye talak akunum yalyopura, yupu nyapliba, mok celule.

Ayub 36:29

Dua ara, yatato mikip deice arye, im noutam pia bana dem ulul do? Tonda, Allah ulul sukum, im deice tam ara, bebeya laklamle ning lakliba, adiparyuk mikip liman lelim ton kekenyabe. Bukni, yata tonye birye, aning nirya bikturye, lake nyapsutu do? Kume, kum winiptinge.

Ayub 37:2

Se, anggun nirya ara, Allah arye nyalul yupu ara, anggun ton moubuka kekeplulume! Allah arye weik yupu deice nyapsilye talak ara, winipmanto ning ara, weik liman lelim weik nyalamle touk ulule. Alelim ara, Allah el si pum bisik arye, kutuka yangalula ati, elce nyalul yupu moubuka kekeplulume.

Ayub 37:4

Allah elce bebeya lakne ning ara, dopdeiplyeba, el weik lelim nyalul yupu deice arye nyaplyopura, weik lelim nyaplyeba, nun nirya kekenyabe. Ara, Allah arye, el yupu nyalye talak ara, liman nyaplyeba, lelim weik nyalul ning atonun lelim ara, kekenyabe. Atalak ara, ‘Bebeya laklamle ning ara, mitik tonun arepnamne,’ pia kum tenelule. Weik tonun arelule.