Ayub 28:17 - Eipomek

¹⁷ Emas ap, urasin pia lek ning, pereng-pereng alamle ning ap deice arye, areptinga babye, weik kel bikna deiyok ning ara, kum dektinge. Tonda, dengna weik keil ap, emas ap areptibya babye, aning arye, weik kel bikna deiyok ning ara, kum dektibye. Aning ara, dipkoprob kum winipmanto.

Ayub 28:17 Referans Kwoze

Wahyu 22:1

Aning nirya kel kipsirye, amalaikatnye birye kapdeipnukba, anyasik noutamak balamuk mek, Kam Una Deiyok Mek eipse. Amek ara, luma kum, pia mirin teleb mek ak balamuk ati ara, amek noutamak ara kuna kum dakamukak eipse. Amek pu ara, Allah ap, Domba Mi Atonye ap, sik weik ninye deiyok nang bun ning deice bururak sukum arye balule.

Wahyu 21:11

Allah el dirina ara, pia weik ubuka deice arye, Yerusalem Winiryuk ning babye dirina weik ubuk. El dirina ara pia dekna weik ning silye keil mitik ning, el si ara yaspis, akeil atonun dirin weik ubukce, pia teleb ubuk.

Wahyu 4:6

Tonda, weik mambulnye bukmokak urasin tam ara, weik mekwen ton deiyamuk. Amekwen urasin ara, pia teleb mek, mulonga ap, luma ap ton kum uamukce, pia mek mirin demuk ubuk mek deibukak eipse. Aning-aning nirya noutamak ara, weik mambulnye bukmokak dana-dana tam ara, kam un ning dumbarye tikmokbuk, eipse. Akam un ning sik urasin ara pia yuke. Sik nong nirya ara, urasin tam babye, balye tam babye, asing pia weik dana-dana uamukba eipse.

Yehezkiel 1:22

Tonda, kam un ning dumbarye, sik kisok deice tam, im noutamak atonun ara, aik arum atonun ning uamuk. El urasin ara, keting deipliba, ikip mek es deice, mil dangdangalamle atonun, ubukba, eipse. ‘Aning ara, keting deiplirye, dirina weik uplibuk, weik asik seng mil dangdangalamle atonun ning uple,’ tenepse.

Amsal 16:16

Ton ninye arye, dekna weik ning el si ara emas ap, perak ap, ‘Aning weik arye dolonamap’ tenen, pataliba, pia pi dobuka elinyak bukni, aning ara mitik teleb uka. Weik teleb ning ara, ninye arye, ‘Se, weik kel bikna deiyok ning, weik arye kel biktibirye, telebuk unamap’ tenen, pia pataliba, pi deibuka, diksukum winin ninguk eldenyake. Aning ara dipkoprob weik teleb ning wininyake. Aning atonun, ‘Se, weik kel bikna ning kel kiptinirye, pia telebuk unamne’ tenen, aninguk weik arye pataplinye bira, weik telebuk ulule. Bukni, ‘Se, dekna weik ning, el si perak doproptinirye, bona utotoa talinanye unamne’ tenen, pataliba elkirikilulnye bira, teleb kum ulule.

Ayub 28:16

Aning atonun, mutuku si Ofir mutuku, dengna weik ning, el si emas, pia teleb ning ulyak binuka, sik emas doproptibye babye, aning arye weik kel bikna deiyok ning ara, kum dektibye. Tonda, dengna weik mirin keil, el si ara permata krisopras ap, urasin teleb keil, im kalum atonun ning, el si ara permata lazurit ap, auptu ura, dobuka areptibya babye, aning deice arye, weik kel bikna deiyok ning ara, kum dektibye.

Amsal 8:10

Ati ara, ton nang aryopura, utenenyake. ‘Se, dekna weik ning, el si ara perak ap, urasin pia teleb ning emas ap ara, pia patasulula ati ara, aninguk elbanamabe,’ tenenamake. Bukni, anggun pia weik kel nang ara, aning kum tenenamlulume. Pia teleb ning ara, narye anggunti, “Wininamlulume, aning ara pia kum wininamlulume. Pia teleb kibuka una ning ara ani,” nyabuka peteresinye yupu dopropmunce, aninguk talibuka unamlulume. Pia teleb ning ara akunuma.

Amsal 25:12

Ninye deiyok nang arye nyanyak yupu kekepmantonye, mangkau arye malye uplyopura, weik kel nang arye, “Malye unmalam ning ara, ani. Teleb uk unamlam ning ara, ani,” nyabuka wenebicopura, ayupu kekepmantonye bira, kekeplirye teleb unamle. Winina ara, pia teleb uka. Aning atonun, weik kel nang arye, dekna weik ning emas dobuka, amul dongona ning memebicopura, urasin pia teleb ulule.