Ayub 28:10 - Eipomek

¹⁰ Ninye arye amutuku amu tam palibuka, weik keil bukamuka noutam ton, ninye bisik bana ati, palibuka deibikirye yabikcopura, akeil nong noutamak ara, dengna weik kat ning, yala-yala nirya ara, sik asing arye eibikirye, palibuka dolonyake.

Ayub 28:10 Referans Kwoze

Habakuk 3:9

Ance tenelalum touk, yin talin nang arye, yin dobuka olyangalamik talak ara, ance, ‘Winibuka opnamake,’ tenelalum touk, sik yin dopdomikce, ninye weik olamike. Tukwak mutuku noutamak ara, ‘Yuk-yuk upnamle’ tenen, talye balamle mek ap, weik laut mekwen ap, arelalumce, mutuku-mutuku nirya noutamak arye bokuka, dana-dana tam kipdeiplumba, anoutam ara, mek balamuk. Tonda, laut mekwen ara anoutamak deibuk. Mutuku-mutuku nirya yanuka wiliproplumba, mek pu dobuka balamuk.

Amsal 24:4

Tonda, sik weik kel bikamikca deice arye, pil teleb ubuka, dopnin balamica ani, aminyan talak, sik aik wilibuka domikce aik nirya ara, teleb ninguk dekicopura, delinyake. Dengna weik ning ap, kanye delin ning ap, ayala-yala nirya dekicopura, sik aik pum tam wilibuka domikce aik nirya, delinyake. Malye ning dobuka, sik aik pum tam kum delinyake.

Amsal 14:23

Yata ninye do nirya, pil mikip arye pi dobuka, dolamak ninye ara, dipkoprob yuk talak din ning nong weik upliba, libuka weik arye libuka dinamake. Sikda telebuk upnin banamake. Bukni, yata ninye do nirya, pil mikip arye kum dolamikirye, yupu uk talye-talye nyaltakanyak ninye ara, dipkoprob sikda talye urdemuk unamake. Deiyok ara, pil tonok ning babye mikip arye kum donyaka atia.

Ayub 28:9

Bukni, sik tuku palina deiyok nang arye, kat weik keil bukamukbuk, palinyake. Tonda, weik mutuku kon babye, ‘Dengna weik keil, el amu tam ulul do?’ tenen, amutuku deiyok nirya ara, tuku palibikirye, kamultonyake.

Ayub 28:11

Tonda tuku amu tam ara, mek kutuka yangalyak babye, ‘Yata ning aupmal do?’ tenen, wekikcak arye enyake. Winibikirye, tuku pum tam pia domamlye ning, dengna weik ning yala-yala nirya ara, lak kiplyeba, weikcak arye, sik asing eibuka bikinyake. Aning babye doprobikirye, dirinak delinyake.