Ayub 26:9 - Eipomek

⁹ Allah ara, aning-aning nirya talina deiyoknye ulula ati, el dirina weiknye bulul ning, el si ara tahkta, aning ara, ‘Ninye do, malaikat do, eipnamniakʼ tenen, el bulye tahkta ara, dua weik tonun deibukba, adua balye tam ara, el tahkta deice bulule. Akitibuka deiamuk dua arye, el bulyak lelilongolule.

Ayub 26:9 Referans Kwoze

Mazmur 97:2

Allah el dam ara, weik dua ap, kuna ap aulule. Ara, ninye arye, el urasin kum elinamaka ati upnamle. Bukni, Allah arye aning-aning nirya talibuka ulula deiyok ara, diksukum winin ninguk talibuka winilule. Tonda, ninye nirya winilamice touk, akunum elilula ati, elce dipkoprob diksukum kibuka, yupu lipsisikuka bokeipsilirye, dengna arepnamsile.

1 Raja-Raja 8:12

Winibuka ati, Raja Salomo birye nyabuk. “Nun ni Allah el si Yahweh arye, minop talak arye akunum nyapdeiamsuke. ‘Nara, weik ulul dua noutamak bukni, mirin dua noutam unamne,’ nyapdeiamsuke.

Keluaran 34:3

Amutuku welepnuminye talak ara, yuk nang tonap tabakuka kum yatinge. An ap tonoknye babye, melibuka welena pia kume. Tonda ninye tonok babye, omutuku dam lake kina pia meme. Domba basam babye, sapi basam babye nirya ara, amutuku dam maning dina kume,” Allah arye Musa biti nyabuk.

Keluaran 20:21

Israel ninye nirya ara yukak arye binuka tikuka dinmik bukni, Musa bira, weik dua kunukmokak noutamak, Allah dam biyuk.

1 Timotius 6:16

El tonok ara, kum diptue, pia kamuk unamle. El ulya ara, ninye tukwak ninye kum binmanto ak, weik dirina noutam ulule. Yata mutuku ninye do nirya, el nong pia kum elilamik, tonda, pia kum eiptinge. Na Paulus arye nyapmakine. Na pia patanulul ning ara, ninye mutuku-mutuku nirya, el siuk pia erenamake. Tonda, el weik mikip arye aning-aning nirya ap, ninye nirya ap, talibuka unamle. ‘Aning ara, dipkoprop upnamle’ tenen, Amin nyapne. Na Paulus arye sekeibkine.

Mazmur 105:39

Israel ninye ara, Mesir mutuku batakuka, bisik balamik talak ara, Allah el mapu melina ati, keting noutam ara, Allah Yahweh arye dua arepnaba, yanuka lelipdongopneura, sikda amu tam balamik. Tonda lukunyan talak ara, Allah arye uku weisa arepnaba, sik bisik banak ara, dirina upnaba, adeice eipna arye, yanibuka balamik.