Ayub 23:17 - Eipomek

¹⁷ Ilil weik unulula ati, nara kunukuk noutam binuka duknuptinyopura, tuba ilil kum unamnile. Diba, pia kunukukak wektinyeba, na urasin nirya lelipnutuba, narye Allah tuba kum elinamne ati, ilil kum unamnile. Ayupu ara, Ayub birye, el kwit capu sik winilye nang ati, nyabuk.

Ayub 23:17 Referans Kwoze

Ayub 19:8

Allah aryuk, na tam bisik nirya bublan tirikdongopnuke. Winipnukba, na wekuka binmanto bisik babye, pia lelipdongopnukba, pia ininauk ubuk anya arye, ‘Yata winipnamne do?’ tenen, moubuka kum teneptinye.

Yesaya 57:1

Allah arye, “Aning ara, wininamlume, aning ara, pia kum wininamlume,” nyapdeipsuk yupu, talibuka ulamlinye bira, akunum diplyeura, yuk nang arye, ‘Se, aning ara, pia mambul’ tenen, moubuka kum kalikinyake. Tonda, Allah ati diba teneplirye, pia teleb kibuka diksukumuk ulamikce nang dibikcopura, yuk nang eibikirye, ‘E, aning ara, deiyok ani,’ tenebuka, moubuka kum bikinyake. Dipkoprob ara, Allah arye nyabuk yupu talibuka, pia moubuka diksukumuk unyak nang akunum dibikceura, atalak aryuk, ikin ning sik dam ton kum unyake. Aning nirya batakuka, yukak binuka unyake.

Ayub 22:11

An dam ara, kuna weik akunum yanmala ati, akunum dam upkilyeba, tuba tonap dirina ara, teleb ubuka kum eipnalame. Tonda, mek weik obuka, an dam akunum yalirye, mek wekmanto upnalame.

Ayub 18:18

Sikda min talak ara, tukwak mutuku noutam dirinak ulamik bukni, Allah arye anang dirinak arye dopdeiplyeba, unyakak binuka unamake. Ara, Allah arye, amalye unyak nang ara, kam tuba unyak nang unyak mutuku nirya dam arye, donoklyeba, pia pera binuka unamake. Ara, akunum dibikcopura, pia unyakak binuka unamake.

Ayub 18:6

Anggun aik pum tam arye, dirina ulamle ning ara, tangaplyeba, dirina tonap kum kipnamle. Upna ubuka, aik pum tam abilinga deice delinyak ning ara, tonap kum deibikceura, dirina kum kipnamle.

Ayub 15:22

Sik amalye unyak nang ara, ‘Se, nun kuna noutam arye unyaba ati, nunti lyebuka dopropnamsilnye bira, pia kum yanamle. Asukumuk pia unamap’ tenen, pia tenenibikce, ilil ulule. Tonda, Allah arye, ‘Sik malye unyak nang, sik dekna ati ara, yu nang arye yanuka opnamak’ tenen, ‘Lo arepnyeba, dipkoprob anang ati olyanamake,’ tenesulul, tenenyake. Tonda, ‘Se, Allah arye nunti, aning akunum kintinip deipsuk ati, dipkoprob winipnamsil,’ tenenibirye, kanye imun bonyake.

Ayub 6:9

Ara, Allah arye na ikin weik unilye ning nirya, moubuka kel bikamnutu toura, elce adiparyuk obuka sice buklopnutue! Tonda, Allah elce nati, ‘Anye bira, opnun,’ tenyamnuturye, adiparyuk oplopnutopura, ‘Na kanye deiptinye,’ tenenune! Aning ara, pia patanulule.

2 Raja-Raja 22:20

“Ati ara, na Allah arye, nyapkine. Dipkoprop Yehuda yala ninye wenepnirya, ikin ning sik nong deice deipnirya, Yerusalem mutuku kum daneipnamne talak ara, anda kum eipnamnilame. Deiyok ara, narye, nyapdeipniba, an dipnalame. Imun kanye bona kumce mangkau arye, dipminyopura, yuk nang arye, an nong bobuka, an apu yapu weilbalamik touk, an babye dipminyopura, weipnamkiyake. Nara, Allah na si Yahweh arye, nyapkine.” “Ayupu nyabuka, anggun deiyoknye Yosia biti lak nyalbinamlume.” Akil Hulda birye nyabuk. Nyabukba, el dam yanmek nang arye, kekebik. Akunum nyabukopura, ninye deiyoknye Raja Yosia birye dopdeipmok nang nirya ayupu kekebikce, bobuka el damuk tamubuka lak nyalbiyik.

Ayub 10:18

Se na ni Allah, yata deiyok ati ance biknulumba, na nin birye, nara tukwak mutuku deiamnuk do? Teleb ning ara, ninye nirya min kum eipmanik talak arye, nara dadiamtinye!

Ayub 10:19

Aning nirya ara, winilamtinyopura, na wini talak unun touk kum ulamtinye. Tonda, na nin mi bomnuka pum tam aryuk, diamtiniba, dobukapnitingce, tuku palibuka weiamnitinge. Aning winyamniting toura, telebuk tenepne.