Ayub 21:10 - Eipomek

¹⁰ Tonda, sikce talibuka weinyak kam ning nirya ara, winipmanto sik yim sapi basam arye teleb aryuk mi deipdanin bakirye, mapu weik kipnin balule. Tonda, sik weinyak kil sapi basam arye, sik mi delin talak babye, ikin kum ulule. Sikce weinyak kil sapi basam nirya arye, teleb kibuka mapu weik delinyake. Dibin sapi basam mi delina pia kume.

Ayub 21:10 Referans Kwoze

Keluaran 23:26

Na siuk erenulumopura, narye anggunti melipsiniba, amutuku noutam unamak Israel kilapu nirya ara, mi mun pum opyukliba, talye ton kum deliltakanamake. Tonda, amutuku noutam ara, youkwak kilapu ton kum unamake. Mapu teleb weik ubuka delinamake. Winibuka melipsinyopura, anggun kam un talak ati ara, keting tamun tonap, lo weik tonun arye arepsinyopura, keting tamun kam weik unamlume.

Lukas 16:19

Yesus arye ayupu nyabukopura, ayupu dukdongobuka nyabuk. Tonok talak ara, bona weik talinanye ulamukce, atalak-atalak nirya ara, dupsice ubuka ulamukce, sik pia weik bona talinanye nang mirin baju ap, pia teleb ongon cang baju ap, ongolamik touk, el babye, aongon baju, el si juba ongolamuk.

Ulangan 28:11

Allah Yahweh, elce anggun melisilirye, aning-aning nirya telebuk unamsile. Tonok ning ara, anggunce talye mangkau kibuka, mapu weik tonun arepsilyeura, weik upnin banamake. Tonda, anggunce talibuka weinamlum ning, yala-yala nirya babye, weik tonun deibikiba, dadeipdanin bakcopura, pia weik unamsile. Tonda, sik delilamsik nang ati, Allah elce, nyalin yupu nyapdeiamuk ara, “Narye anggun Israel nang ati arepnamsin mutuku ara, aning-aning weik mutuku arepnamsine,” nyapdeiamuk touk ubuka, anggun apia teleb mutuku ulamunce, tuku deice wa wibuka kounamlum ning yala-yala nirya babye, nonguk uplyeura, weik tonun unamsile.

Ayub 21:9

Malye wininyak nang ara, sik babye asik dobuka unyak noutam nirya ara, teleb aryuk talye tunim abuka unyakce, kanye delinyake. Tonda, Allah arye sik wenena ati, sik dam ara, ikin weik ning, sik deice ton dopdeiplyeba, kum dolonyake. Tuba telebuk unyake.

Ayub 21:11

Sik malye unyak nang arye delinyak mapu nirya ara, kanye deibikirye, arikal donauk unyake. Winipmanto ara, domba basam el mi kanye teleb uplyopura, dipdanuka, weik pala lu noutam, im kuruklamle atonun, sik malye unyak nang, sik mapu babye, kanye deibikirye, talye luparabuka, aik dam arye arikal donyake.