Ayub 2:7 - Eipomek

⁷ Nyabukopura, Isa Mutuku Dongonye, Allah damak arye batakuka biyuk. Winibuk talak ara, Ayub el nong deice,barye suse ara, yan duk mouse dipdongobuka kisok deice nirya amubuk.

Ayub 2:7 Referans Kwoze

Ulangan 28:35

Tonda, anggun si erelulum Allah Yahweh arye, anggun yan nirya ara, torok uk arepsilyeura, uk talipnamsile. Auk talipnamsil ning ara, kwetepmanto kum ning ati, min kum lopnamsile. Tuba uk talinauk unamsile. Tonda, anggun torok uk talipnamsila ara, yan tatang arye dipdongobuka, kisok potong nirya ara, auk aryuk dinamsile. Min kum lopnamsile.

Yesaya 1:6

Winibuka uk disilya ara, yan dam arye dipdongobuka, nong nirya nepra welepsilirye, kisok dam balamsil touk winilulume. Tonoknye babye teleb ton kum ulule. Anggun nirya ara, malyeuk ululume. Anggun nong deice nirya, suse dibuka nepsilirye yabung uk turuklamsile. Winipsilirye, suse dinamsil ning ara, obat arye likuka kwetepsikiba, dila kum ninamsile. Tuba malyeuk winimunye touk, tuba wininamlume.

Ayub 30:30

Na nong bol deice ara, keting buppu weik dinulul deice arye, na nong bol ara miripnuke. Winipnuka arye, na nong nirya ara, talin nakina dipnuka deice arye, uku diplirye, bol kurulamle atonun upnuke.

Ulangan 28:27

Tonda, Allah Yahweh arye, minop talak Mesir mutuku nang, sik wenena ati, sik nong deice areamukba, torok moulamuk atonun, anggun babye atouk winipnamsile. Tonda, anggun nong bola deice ara, pukle korodoma aryuk amupnamsile. Atouk tonda, nong bola deice nirya ara, kice uk arepnamsile. Winipnamsil talak ara, akorodoma kwetelina ati, obat ton dinamluma babye, pia kum lopnamsile.

Wahyu 16:11

Winibikce, Allah im deice tam ululnye biti, pia malye-malye yupu el nong deice delilamikce, sik malye ulamik ning ati ara, ‘Se, nun dipkoprop malyeuk winilamubu,’ nyabuka, sik balye tam kibuka amalye winin ning ati kum bataklamik. Kekena kumce bisibuka unmekce, malye winin ninguk talibuka unmekak, eipse.

Yesaya 3:17

Wininyaka ati ara, Allah Yahweh arye, sik Yerusalem mutuku noutam malye wininyak kilapu nirya ara, elce wenepnamle. Weneplirye, sik akilapu kisok deice ara, bol kona ap, suse ap taliplirye, sik kisok potong nirya bindoplirye, dilo copnamle.

Ayub 7:5

Na nong bol deice nirya ara, ben ap, kuluma ap, weik unulule. Tonda na ining nirya ara, cenulul bukni, tuba tonap na bol deice ara, torok suse weik dinilya deice arye, yabung banulule.

1 Raja-Raja 22:22

Nyabukura, Yahweh arye amalaikat ati asibuk. “Yata wiripminya deice arye, el talima tamopnamle do?” nyabuk. Nyabukba, amalaikat arye nyabuk. “Aning ara, narye Ahab dam yupu nyalinamak nang nabi-nabi nang ati, sik talima noutam tilila yupu binuka nyapniba, kekebikirye, atilila yupu uk Ahab biti binuka nyalinamake,” nyabuk. Amalaikat arye nyabukba, Allah el si Yahweh arye tamubuka, aisa ati nyabuk. “Aning binuka nyapdeipminba, anabi nang arye Ahab biti atilila yupu nyabicopura, dipkoprob kekebuka Ahab talima tamupnamle. Ati, adiparyuk winipnalame,” nyabuka Allah arye, aisa ati nyabuk. Mikha birye nyabuk. Ura, aning eibuk ning nirya ara, Mikha birye Ahab biti nyabuk.

2 Samuel 14:25

Atalak noutamak ara, Absalom binyuk si erenmeka deiyok ara, ani. El yan duk mouse arye, dipdongobuka potong duk mouse, ton malye ning tonok ning babye, kum ulamuk. Urasin telebnye ulamukba, Israel ninye nirya arye, el tibuk kanye deibikce, ‘Elda pia telebe,’ nyalamik. Yuk nang ara, urasin mitik teleb ulamik bukni, el tonok ara, urasin telebnye ulamuk.

Ayub 2:6

Nyabukba, Allah arye tonap tamubuka nyabuk. “Telebe, utenepmalamopura, Ayub bobuka, an deice deipkiniba, an tenepmalam atonun, el nong bol deice malye winipnamlyame. Bukni, Ayub el nong tonok ara, kum opnamlame. El ona kume,” Allah arye nyabuk.

Ayub 13:28

Nara, uk weik dinilya deice arye, pia ikin weik ununa ati, bol malye kipnuke. Winipmanto ara, din sirya dibuka, bai tam donokibiba, lyulamle touk, na babye pia mitang kipnuke. Tonda, baju deiplobikceba, sing arye diplyeba, bisik weik botolamle touk, na bol malye kipnin banulule. Ayub birye Allah ati, ayupu nirya nyabuk.

Ayub 1:11

Bukni, winipmanto ara, ance arelyam ning nirya obuka sirya dakminyopura, el tonap an si kum erepnamkile. Tamubuka an dam malye yupu yanuka nyapkute,” Isa Mutuku Dongonye arye Allah ati nyabuk.