Ayub 13:2 - Eipomek

² Anggun akunum kel bikamlum ning yala-yala nirya ara, na babye akunum bikamse. Anggunce nati, ‘Anye bira, nun tonun kum ulule. Nunda mambul weik bukni, elda mambulnye pia kum ulule,’ tenenululum bukni, na kel weik bikse atonun, anggun ton kum ululume.

Ayub 13:2 Referans Kwoze

Ayub 12:3

Na kanye tenipmana ara, ‘Anggunce, angun bidamnye ati, talima erepdamunce, aning teniluluma ati nyapsine. Bukni, dipkoprob ning ara, na babye, kelnye ton unune. Tonda, anggun kel bikna ap, moubuka tenipmunce, aning nirya moubuka, kel bikna ap ulamluma atonun, na babye kelnye unune. Anggunce, arup nyapmanulum ning nirya ara, nun kam unyap nang nirya arye, akunum kel bikamupa ati, nun nirya ara, aning akunum tenenyabe.

2 Korintus 12:11

Ura, na kayapu. Erelana yupu atonun yupu nyapmasina deice arye, walwalnye atonun ubuka nyanmanu bukni, anggun malye-malye wininmaluma deice ati nyapmasine. Ara, dipkoprop nara weik mambulnye kum unun bukni, ton nang arye, nyapnikcake. “Wini talak yakirye, peterenamsiyak nang ara, sikda weik mambul bukni, Paulus ara, mitik mambuluk ulule,” nyaninyake. Bukni, na kanye ara, sik talyeuk nyanyake. Nara, atilila yupu peterena deiyok nang, mitik sik amuak babye kum unune. Ati, anggunce, “Paulus ara, telebnye ulule,” nyapnamnutum bukni, kum nyanululume.

Ayub 42:7

Ara, Allah el si Yahweh arye, Ayub biti akunum nyabukopura, Allah Yahweh arye tamubuka, mutuku si ara, Teman mutukunye, el si Elifas biti nyabuk. “Narye an ap, an kayapu ninye bitinye ap, anggun nirya ati, yu kanye bopsine. Ara, anggunce na dam nyapnulum yupu ara, teleb yupu ton kum nyapnulume. Na wininye touk, kum bukni, nati tilila yupu nyapnulume. Na pil donanye Ayub birye, diksukum yupu nyanmok yupu atonun, anggun babye atonun, yupu kum nyapnulume.

Ayub 37:2

Se, anggun nirya ara, Allah arye nyalul yupu ara, anggun ton moubuka kekeplulume! Allah arye weik yupu deice nyapsilye talak ara, winipmanto ning ara, weik liman lelim weik nyalamle touk ulule. Alelim ara, Allah el si pum bisik arye, kutuka yangalula ati, elce nyalul yupu moubuka kekeplulume.

Ayub 35:16

Winilyama ati ara, an Ayub biti nyapkine. Anda tuba-tuba talye yupu nyalyame. Dipkoprob ning ara, Ayub ance yupu weik tonun nyalyam ning nirya ara, moubuka kum tenepmincuk, talye yupu nyalyame. Ayupu nirya ara, Elihu birye Ayub biti, nyabuk.

Ayub 34:35

“Se, Ayub el nyalul yupu ara, moubuka tenina kumce, talye-talye yupu nyalule. Ayupu nyanmala ara, elce minop, ‘Aning nong ara, ani, ani,’ teneplirye, moubuka kum bikliryuk, talye yupu nyaltakalule.

Ayub 5:8

Aning ati ara, Ayub an ikin ning doproplum touk, na Elipas babye, ikin ning dopromtinyopura, dipkoprob Allah el si Yahweh ati, ‘Na yata ning winipseba, na kanye imun ning deipnulum do? Ance melibuka lyepnutum do?’ nyabuka asipdetinye. Na patapnutu ning ara, dipkoprob el damak laka nyaptinye.