Ayub 13:19 - Eipomek

¹⁹ Na ni Allah, yatanye birye, na dam yaturye, “Akunum malye winiplume,” nyabuka wenepnutu do? Dipkoprob, malye winipsopura, yupu bokolina deiyoknye birye, “An malinye ani,” nyapnutuba, akunuma. Winibuka dipkoprob nyapnutuba, na yupu nyana kum, tunim abuka unirye, dan talak dipnamne do?’ tenen, kalikuka dinauk unune.

Ayub 13:19 Referans Kwoze

Roma 8:33

Tonda, Allah arye nunti, “Sikda pia diksukum ninye kipne,” nyabuka akunum teleb kipdeipsuka anya arye, nunda Allah arye akunum weiamsuk ninye unyabe. Ati ara, yata nang arye nunti, “Sikda malye ninye,” nyabuka, yupu lepsisikuka bokeipsiting do? Kume. Allah arye, nunti, ‘Na ap neika teleb ubuka unamak’ tenen, “Diksukum ninye ululume,” nyabuka teleb kipdeipsuk.

Yeremia 20:9

Winibicopura, na ni Allah ance, na dam nyapmaniminye yupu ati ara, ‘Akunuma, Allah el si deice yupu ton, yuk nang dam kum nyanamne. ‘El si ton, lak kum sisinamne,’ tenen, kanye talima noutamakuk tenenune. Winibuka tenenun bukni, weik uku buk dilamle atonun, ‘Ance nyaliniminye yupu, dungnupnamne’ tenen, laka kum nyapnyopura, na kanye talima noutamak, weik uk dinulule. Na kanye talima noutamak ikin weik uniliba, mikip kum unilye talak ara, ‘Pia tunim abuka kum uptinye,’ tenen, malye kanye bonune. Ati, ‘Ance nyaniminye yupu ara, kum dungnuptinye,’ tenenune.

Ayub 33:32

Bukni, narye ayupu nirya akunum nyapkinyeba kekepminyopura, ance ton, ‘Tamubuka nyapnune,’ tenepneminyopura, nyapnulyame. Ance dipkoprob yupu nyapminye ura, narye an nyapminye yupu kekepkinirye, Ayupu ara dipkoprob nyaple tenen, biknirye, Allah el dam ara laka nyapnamakine.

Ayub 19:5

Aning ati ara, anggunce teneldamunye ning ara, ‘Nunda teleb nang unyabe,’ teneluluma arye, ‘Elda malinye’ tenen, nyanululum do? Nyanumunya deice arye, kanye talima erelulume. Adeice, kanye imun ning, na damak yangalye ning ara, anggunda, ‘El malye winibuka deice arye, ikin ulule,’ tenenululume.

Ayub 13:13

Ati ara, anggunda yupu ton ap tabakuka nyana kume. Anggunda, tunim abuka upnamlume. Naryuk yupu ton nyanamne! Yupu akunum nyapnyopura, na wenena ati, yata ning yanuka na deice wiripnamnil do? Na walwal bukni, aning ati, ‘Dauplyeʼ tenen, ilil kumce, tenina kum unamne.

Ayub 10:8

Diba na ni Allah, an taruk deice aryuk kwepdeiamnulum bukni, wini talak ara, ancuk tamubuka na dam yamince, nati obuka, sirya dakanamnilyame.

Ayub 7:11

Ati ara, nara tunim abuka kum unamne! Na uk dinilyeba, ikin weik ununa ati, na tenenun ning ara, kum tunim anamne. Na talima noutam ap, na kanye ap, pia imun kanye bobuka unirye, ikin tenenun ning ara, yupu deice aryuk talye luparabuka laka nyanamne.

Ayub 7:21

Yata deiyok ati, ance na malye unun ning nirya ara, adiparyuk lyebuka kum lyepnutum do? Na malye wininun ning ara, ance kum kipdeipnutuma ati do? Na ikin weik unmana ati, minopce akunum dipniba, tuku palipnikcopura, ance nati enmaniminya babye, ance pia kum eipnamnilame. Ayupu nirya ara, Ayub birye nyabuk.

Ayub 9:3

Winipmanto ara, ninye arye, ‘Allah arye nati asipnutu bukni, narye tamubuka laka nyapnyopura, yupu ton kum nyapnutue,’ tenepting do? Pia kume. Allah ara tenepturye, anye biti, yupa pia weik, asilena ara, 1.000 deice arye asiptopura, anye birye tamubuka asing yupu tonok ning atonun, tamubuka laka nyaptu bukni, pia weik taranye ati, pia laka nyapmanto kum nyaptue.

Ayub 13:20

Bukni, narye Allah anti, ‘Abitinye arepnutumʼ tenen, anti moropkine. Winipnutum toura, nara an dam kum duknupnamane. Abitinye ning ara ani. “Ance, na nong deice ikin weik ning delinilyama ning ara, kum kipdeipnilyame,” nyabuka, moropkine. Tonda, ‘An mikip weik arye na wenepnimince, adeice arye lukdanuka, ilil unulul ning ara, kum kipdeipnilyame,” nyabuka, moropkine.

Yesaya 50:9

Aning-aning talibuka deice tam Weik Erena Deiyoknye ululnye, Allah Yahweh arye, ‘Winipnamne,’ tenelye touk ulule. Elda Weik Erenanye birye, na melinulula ati, yatanye birye nati, ‘Elda malye ulule,’ nyapnamnil do? Anyapnamak nang nirya ara, cang baju deiamikba, sing arye dibuka sirya daklamle touk, kum danin banamake. Baju-Baju deiamikiba ani, keting tamun weik mabikiba, pun danamlamle touk, ‘Allah arye wipdeiamuknye bira, malye ulule,’ nyanyak nang ara, kum dananamake.”