Ayub 1:19 - Eipomek

¹⁹ Awininmak bukni, talye karin arye, mok ap, mek ap kum ati, buppu weik arye ninye kum ulamik mutuku tam arye, weik kumanya ton yanmokce, anyaik dana-dana nirya yanuka donmalce ulupmalce, an mapu ap, kilmapu ap nirya, teikuka obuka sirya dakmale. Winipmalarye, na tonok batakmanilba, na ni anti nyalyakine,” nyabuk.

Ayub 1:19 Referans Kwoze

Efesus 2:2

Minop talak ara, sik Yesus ati dib tenena kum ninye arye, malye-malye winilamak touk, anggun babye, atonun malye winilalume. Asing arye, kum eilinyap bukni, im noutamak balamak Isa mere, sikti, talipsinaba, sik weik deiyoknye Isa Mutuku Dongonye, el yupu kekebuka ulalume. Ara, Allah el yupu yaniltalamak ninye ara, Isa Mutuku Dongonye elcuk sik kanye talima taliliba, malye weik wininyake.

Rasul 28:4

Wininmokbuk, amekwen sekdongamuk mutuku ulamik nang arye, akwatima si Paulus taruk topdongobuka kwatinmokak eibikce, sik yuk yupu talipdayik. “Kapal bongobukce, mekwen kum dipmoa ati, tuku tam teleb kibuka yanmo bukni, nun isa arye el si ara, Kwangdakuka Ona Deiyoknye, ‘Anye bira kum kam unamle’ tenen, akwatima arye akunum si topmale. Ara, anye bira ninye onanye ulya arye,” nyabik.

1 Raja-Raja 20:30

Winibik bukni, ton batakik yin talen nang ara, adiparyuk bikbik abuka, ‘Apek mutuku asik domikak uamuk aik noutam, wekelbibirye dungnupnamapʼ tenen, otam bikbik abuka banmek. Bukni, amutuku noutam asik dobuka ulamikce, anyaik dana-dana nirya, weik cang keil poka dobuka, antanapdongamik ning ara, talye karin arye daksakukce, Raja Benhadad, el yin nang dua puluh tujuh ribu (27,000) nang ton, siknibukba dibik. Winibuk bukni, sik deiyoknye, Raja Benhadad bira, asukum arye batakukce, tonok aik pum noutam koprop, wekukce binuka dungnubuk.

2 Samuel 18:33

Etopia mutukunye birye, ayupu nyabukba, Raja Daud aning akunum kekebukopura, pia malye kanye bobukce, anyasik poka bublan alip tam welebukabukce, el alip aik biyukopura, pia weik arye engenmok. Engepnin banmok talak ara, nyanmok. “Se, se, na mi, Absalomo, na mi Absalomo. Se, na mi yata ati do? Teleb ning ara, an dipna kum bukni, na tonok ara, an nong pununa ati, na dipmatinye. Se, na mi Absalom, Absalomo,” nyabuka engenmok.

Hakim-Hakim 16:30

Ayo bitinye talipdongobuka tikukce, pikiptalepnuyuk talak ara, Simson birye nyabuk. “Wini talak na ap, Pilistin nang ap, neika dipnuyabe,” nyabuk. Nyabukce el mikip weika arye ayukumna yo dana-dana talipdongobuka pikiptalebukce, alip aik nirya daksakuka, anyaik noutamak unmek ninye nirya obukba dibik. Ara, alip aik sakukopura, anyaik weik pala keil nirya ap, anyaik aruma ap loksakukce, anyaik pum bisik wekmek ninye deice sakuka obuk. Sakuka obukba, amutuku ninye yupa weike, sik Pilistin nang ap, kilapu ap, sik ninye deiyok nang nirya ap, Simson ap, asukumuk teikuka oplobuk. Ati ara, Simson kam ulamuk talak ara, ninye weika arye olamuk bukni, el opdayuk talak ara, amutuku Pilistin ninye obuk ning ara, pia weika arye obukba, ninye weik dibik.

Kejadian 42:36

Winibikba, sik ni koproba Yakub birye sikti, nyabuk. “Anggunda, pia ikin kipdeipnulume. Na mapu Yusup ap, Simeon ap, wini talak kum unmaraka ara, deiyok anggun uka! Aninguk kum bukni, wini talak ara, na sirya deipse mi Benyamin, ‘El ton bobuka, Mesir mutuku bobinamabe,’ teninmalume. Se, aning-aning nirya ara, kanye malye upnile. Na pia ikin unulule!” nyabuka malye nyabuk.

Matius 7:27

Dobukopura, mok cebuka, yenya dobukce, weik mek deibukak dongobukce, anyaik dibukce loklobuk. Anyaik loklobukba, weik arye lelim nyabuk. Yesus arye nyabuk.

Ayub 1:18

Dumbarye anye bira, tuba yanuka sisikinmok buk, tonye ton, aminyan yayukce, nyabuk. “Naio an mapu ap, kilmapu ap nirya ara, sik du aik uk bulubuka wekmakce, kwaning ap, anggur mek ap, neika dinmake.

Ayub 1:20

Aning nirya akunum nyabikba, Ayub kekebukopura, el adiparyuk tikdobukce, weik imun kanye bopmuka ati, el cang baju ongopmok ning kwiribuka, kwiliklobuk. Tonda, el kisok potong lyeklobuk. Aning deiyok ara, ‘Yata deiyok ati, aikin kanye bon ning upmanil do?’ tenebukce, winibuk. Winibukopura, ‘Allah moropnun’ tenen, Ayub adiparyuk kanupdongobuka, gutam tuku dipdongobuka, Allah el si erebukce yupu nyabuk.