Amsal 9:16 - Eipomek

¹⁶ Akilapu arye, sik pia weik kel bikna deiyok ning, moubuka bita kel kum kinyakce, walwal tuba unyak nang ati, nyanyake. “Anggunda nun aik yamunyeba, nunce anggun patasilye ning arenamsiabe,” nyabuka yukulonyake. Aning atonun, ‘Teleb un ning ani, malye winin ning ani’ tenen, moubuka kum tenebikirye, teleb kibuka, kum wininyak nang ati ara, ayupu nyanyake.

Amsal 9:16 Referans Kwoze

Amsal 9:4

Yata ninye do nirya, tuba walwal asa unyak ninye ati, nyalule. “Anggunda pia weik kel bikna deiyok ning, min kum dololuluma ati ara, na dam yamunba, narye aning arenamsine,” nyalule. Aning atouk, ‘Teleb un ning ani, malye un ning ani’ tenen, moubuka tenina kumce, teleb asa arye kum unyak ninye ati ara, ayupu nyalule.

Amsal 6:32

Ninye ton sik kayapu domikce kilapu ap, neika malamice nang ara, pia walwal ninye unyak touk unyake. Yatanye birye do nirya, sikce yuk nang domikce kilapu neika mabice nang ara, sikce, sik bidamnye ati, ititildanyake.

Amsal 9:15

Ara, winibuka bunyak kilapu arye, outam asik dolamikak bisik banyak nang, sik yukulon ati kanye talima, lilon yupu weik nyanyake. Aninye kan-kan ara, teleb kibuka un ning aulul bukni, moubuka tenina kumce, ‘Nunce nun bidamanguk tenenyap ninguk, talye lukparabuka wininamabe,’ tenenyak nang ara, akilapu nyanyak yupu kekebikirye, sik talima lipdopliba, abisikuk dobolbanyake.

Amsal 9:3

Tonda, pia weik kwalya kwalina deiyok nang arye, ‘Ninye weik yakiba, neika din dipnamap’ tenen, sik amu tam pil don nang dopreibikiba, sik dana-dana tam unyak mutuku ninye nirya ati, yukulbanyake. Aning atouk, ‘Kel pia weik bikna deiyok ning ara, ninye nirya dopronamak’ tenen, akunum kintinip deipsuk. Ara, weika arye erebuka bukuk mutuku deice, welebuka tikmakirye, mutuku-mutuku outam unyak ninye kekena ati, pia weik yupu deice arye, “Anggun nirya yamunce, kwalipmace din dilyalulume,” nyabuka yukulamak touk, pia weik kel bikna deiyok ning arena deiyoknye birye, ninye nirya ati, “Anggunda yalulume,” nyalule.