Amsal 8:6 - Eipomek

⁶ Na nyanun yupu ara, moubuka kekenamlulume. Ara, talye ati kum nyapsine. Deiyok ara, narye nyasunun yupu ara, talye yupu kum nyaltakanun bukni, pia teleb yupu uk nyanuna ati ara, moubuka kekenamnululume. Narye nyasunun yupu nirya ara, pia diksukum kibuka winin ninguk nyanuna ati ara, anggun nirya arye, moubuka kekenamnululume.

Amsal 8:6 Referans Kwoze

Kolose 1:26

Allah arye nati, “Na yupu petereplyame,” nyapdeipnuk yupu ara, pia mambul yupu bukni, duknuna atonun yupu ara, ‘Deiyok anye’ tenen, kel kum kipmanto yupu nyapdeipnuke. Ara, Allah arye minop talak ulamik ninye nirya ati, ‘Moubuka kel kum kipnamak’ tenen, ayupu nong noutam ning duknupdeiamukba, ‘Deiyok anye,’ kum tenelamik. Bukni wini talak ara, Allah arye, ‘Aninye ara, na tenen ninye unamak’ tenen, wibuka deiyamsukba, elti, dib tenenyap ninye, el mapu ati, ayupu nong noutamak ara, akunum lakak nyalyopura, ‘Deiyok anye’ tenen, moubuka kekenyabe.

Amsal 23:16

Aning atonun, anggun si bam bol deice weik kel arye, pia teleb yupu nyalamunba, kekepnyopura, narye anggunti pia kanye delinamsine. Anggunce diksukum yupu uk nyapmunyeura, narye pia kanye delinamsine.

Amsal 4:2

Anyapmasina ara, talye ati kum nyapsine. Deiyok ara ani. Narye anggunti nyasinye yupu nirya ara, pia teleb yupu ati ara, anyasinye yupu ara anggunce talye kanye bobuka mangkau kina pia meme. Anggun kanye talima pum tam deibuka, teninauk unamlume.

Matius 13:35

Domon yupu deice aryuk peterenmok ning ara, Allah yupu laka nyananye, nabinye nyalamuk touk upnamuka ati, peterelamuk. Nabi Asap arye nyalamuk yupu ara, ani. ‘Allah arye, “Na peterenamne talak ara, domon yupu ap, winipmanto yupu ap adeice aryuk peterenamne. Allah arye aning-aning nirya kintinipdeibuk talak, aniryuk dipdongobuka anoutam talak nirya, Allah arye duknyamuk ning nirya ara, wini talak ara, laka kibuka nyanamne,” nyabuk.’ (Mazmur 78:2) Ayupu ara, Mazmur yupu noutamak, nabi Asap arye, nyalamuk.

Mazmur 49:3

Ara, ninye deiyok nang babye, talye amu tamuk unyak nang babye, kekepnululume! Tonda, anggun bona talin nang, ululum nang babye, anggun talye bona uto-toa talina kum nang babye, moubuka kekepnululume!