Amsal 6:9 - Eipomek

⁹ Ati ara, anggun babye aning atonunuk, wininamlulume. Pil dona walwal arye maltakna uk ululnye bira, pia amaplopnalam do? Amaplopmaminya ani, dan talak buknalam do?

Amsal 6:9 Referans Kwoze

Efesus 5:14

Yata ning do nirya, dirinarye aning deice deipliba, lak akuk ulule. Laka upliba, moubuka kel biktibirye, ‘Aning teleb ning, aning ara, malye ning’ tenen, bikinyabe. Aning ati ara, ayupu ton nyanyabe. “Amio, an diplumnye bira kam buklyame. Kristus el dirinarye, teleb kipdeipnamkile.”

Yeremia 4:14

Yerusalem mutuku nang ati nyabuk. Anggun talima noutam arye, malye un ning tenelulum ning nirya ara, adiparyuk bataknamlume. Winipmunyeba, narye anggun nirya ara, lyepropnamsine. Yata talak arye do, anggun talima noutam arye malye teneplulum kanye ara, pia delinamlum do?

Mazmur 94:8

Sikce winibuka nyanyak bukni, na aMazmur yupu sekenanye bira, ayupu nyapsine. “Tukwak nang kan-kan noutam ara, mitik tonun walwal nang unyak bukni, anggun amutuku ululum nang ara, pia wal-waluk ululume. Ati, narye nyapnusin yupu ara, moubuka kekepnamnulume! Anggun pia wal-waluk ululum nang nirya ara, dan talak arye, teleb yupu kekepmunce, etekdop nang ton unamlum do?

Roma 13:11

Yuk ninye nirya ati, kanye talima arepsiliba, melilanauk wininamlum talak noutam nirya ara, wini talak ikin usilye ning ara, pia tenenamlume. Ara, nun deiyok koubuka diba tenyamubu talak ara, Yesus arye lyebuka dolyanamsil talak ara, mitik dam uamuk bukni, wini talak ara, pia dam unmale ati, ninye arye sik mangkau kanye bobuka, malamaka atonun ululum ninye nirya ara, buklulume.

Amsal 1:22

Se, anggunda walwal ninye uk ululume. Kanye bona kumce, pia walwal deice aryuk umunye ning, pia malye weik ulamunye ning atibuk, kanye deibuka ululume. Yata talak tonap, amalye winin ning ati, kanye deibuka unamlum do? Anggun yep-yep alulum ninye ara, yata talak arye, yata karin arye tonap, talye kanye deibuka, yep-yep tuba nyanamlum do? Anggun kel bikna deiyok ning ati, ‘Nun like’ tenen, walwal kanye bobuka umunye ninye ara, yata talak karin arye tonap, walwal un ninguk winiltakanamlum do? Aning atonun, dan talak na nyasinye yupu ati, moubuka kekepmunce, kel biknamlum do?

Yohanes 1:6

Minop talak, Allah arye dopreibuknye, nun dam yayuke. Anye el si ara, Yohanes ulamuk.

Amsal 6:6

Anggun pil dona lik ulamsil ninye ara, adiparyuk tulik arye pil donyak ning anyak dilbilulume. Winipmunce, ‘Sikda yata wiribuka pil donyak do?’ tenen kel biknamlulume. Tulik arye pia pi dobuka pil dolamak ning, kel bikmunyopura, pia weik kel nang unamlume.

Amsal 6:8

Bukni, sik tulik ara, dou li talak arye, din ning bulupdobikirye sik aik binuka, delilbalamica ani, akunum mok cena li uplyopura, abinuka deiamikce din uk dibuka, aik koproba uk unyake. Tulik ara, sik din ning bulubuka, delin talak uplyopura, sikda bulubuka delinyake. Ara, ‘Nun dinyap ning kum uplye talak ara, kum bulupdeipnamap’ tenen, wininyake.

Amsal 6:10

El anye bira mapmalya ani bukliba, dikdik seplye talak ara nyalule, ‘Mapmanu bukni, ila tuba wi talipmanila ati, tonap tamubuka mapnune,’ teneplirye, taruk kisok ereiplirye malule.

Amsal 19:15

Lik-lik asa arye unyak nang, sik dam ara, wi talin ninguk yangaliba, mana uk unyake. Sikda pil teleb ubuka kum donyaka anya arye, ‘Maltakna uk unamabe’ tenen, talye-talye uk unyake. Aning atonun, ‘Aning winipnamne do, aning winipnamne do?’ tenen, lik kanye bobuka, unyak nang ara, obina ayana kinyaka anya arye, sikda din pataliba, imun kanye bobuka unamake.

Amsal 20:13

Yata nang do nirya, mikip arye pil dona kum, talye maltakna uk unyak nang ara, yuk talak sik talinyak ning kum upre baliba, sikda dipkoprob bona utotoa talina kum ninye uk unamake. Aning atonun, yata ninye do nirya, ‘Pil ara nun like,’ tenenyak ninye unyak touk kum unyakce, teleb kibuka pil mikip arye wa wina ap, yuk pil aning-aning nirya ap, dolamak nang ara, yuk talak sik pil dolamak ning nirya, dipkoprob nong uplirye, weik upliba, tuba-tuba libuka dinyakce, sik ap sik mapsilip nirya ap, sik kayapu yuk nang nirya ap, bokuka dinyake.

Amsal 26:14

‘Ikin pil kum donamne, na like’ tenen, aik pum tam uk ulirye, talye-talye uk balinye bira, winilule. Winipmanto ara, aik bublan tirikne ning, ensel arye domikca pakicopura, dangultolamle tonun, pil dona ati lik ululnye bira, el babye amsuna deice uk maplirye, dangultolule. Bukroplirye, pil kum dolbalule.

Penghotbah 4:5

Tonda, aning ton tenipsirye, bikse. Ara, ‘Aminyan talak yata wiripnamnil do?’ tenena kumce, sik pia walwal unyak nang ara, talye kanye bobuka, sik taruk kitibuka talipdakirye, pil pia kum donyake. Wininyaka deice arye, din patalamtua babye, aning tenena kumce, talye kanye bobikirye, talye tunim abuka bunyaka ati, aminyan talak ara, din patana deice arye dipnamakca! Aning ara, sik bidamnye arye, sik bidamang nang ati, olan ning atonun ulanyake.