Amsal 6:7 - Eipomek

⁷ Tulik ara, sik pil donyak bukni, sik deiyoknye ton kum ulule. Tonda, “Pil ara winibuka dopnuyabe,” nyananye ton kum ulule.

Amsal 6:7 Referans Kwoze

Ayub 38:39

Ayub ance, bai tam ulamle kam ning, el urasin ara, kus atonun ning, yu weik ning, el si singa kus nyalamak ning ara, el dina ati, yuk mitik bai tam kam ulul ning optumce, bobuka, yu singa kus kil ning damak, el din ning areptum do? Tonda, ance singa kus yim babye, el dina patalamle talak ara, din ning weik areptumba, bouptu do?

Amsal 30:27

Winilye ning ara, sul kwising ara, sik deiyoknye ton kum ulirye, “Winibuka unamlume,” nyabuka, yupu kum nyalul bukni, sik yuk aryuk bulubukabikirye, ninye yin talin nang lelebuka balamak touk, asul kwising babye, kum nukmanto bulubukabikirye, lelebuka banyake.

Amsal 6:8

Bukni, sik tulik ara, dou li talak arye, din ning bulupdobikirye sik aik binuka, delilbalamica ani, akunum mok cena li uplyopura, abinuka deiamikce din uk dibuka, aik koproba uk unyake. Tulik ara, sik din ning bulubuka, delin talak uplyopura, sikda bulubuka delinyake. Ara, ‘Nun dinyap ning kum uplye talak ara, kum bulupdeipnamap’ tenen, wininyake.