Amsal 5:1 - Eipomek

¹ Na mapu anggunda, na yupu moubuka kekeplulume. Narye anggunti, ‘Aning ara telebe, aning ara malye’ tenen, pia weik kel bikna deiyok ning deice arye, minop talak dorapce, nyapdeiamsise yupu ara, pia moubuka kekepmunce, tenenamlulume. Moubuka tenena deiyok ning deice arye, nyapdeiamsise yupu ara, anggun amul deice arye, winibuka kekepmunce, anggun nirya moubuka tenenamlulume.

Amsal 5:1 Referans Kwoze

Amsal 22:17

Na nyapnusin yupu, moubuka amul kukeipmunce, kekenamlulume. Sik kel weik bikamik nang arye nyanyak yupu, pia moubuka kekenamlulume. Tonda, narye lipsisikuka peteresinye yupu nirya ara, moubuka kekepmunce, ‘Nun babye aninguk talibuka unamap’ tenen, pia pi dobuka pirinamlulume. Diksukum teleb kibuka una ati, peteresunun yupu moubuka kekepmunce, ayupu uk talibuka unamlulume.

Amsal 4:20

Aning ati ara, narye na mi anti nyapdeiamkise yupu ap, tonda, wenen yupu deice arye, anti nyamkise yupu ap, an amul deice arye kekepmince, kel bikinamlyame. Ara, ‘Na ni birye, yata mambul yupu nyapnunil do?’ tenen, moubuka kekepmince, tenenamlyame.

Amsal 2:1

Se, na mapu anggunda, narye nyanamsin yupu ara, anggun moubuka dolonamlulume. Winibuka dopropmunce, anggun kanye talima pum tam ara, ‘Aning ara wininamlulume, aning ara kum wininamlulume,’ nyabuka nyalinamsin yupu ara, pia moubuka kekenamlulume.

Wahyu 3:13

Ati, amul aupmasiliba, anyapmasin yupu ati, ‘Deiyok ani’ tenen, kekepmanto ululum ninye ara, Allah El Dib Kanye arye, anggun diba tenelulum ninye nirya ati nyasilye yupu ara, moubuka kekenamlulume.” Ninye Mi Koprop Atonunye birye, na Yohanes ati, nyapnuke.

Wahyu 2:17

“Aning ati ara, anggun amul aupsililiba, ‘Ayupu deiyok ani’ tenen, kekepmanto ululum ninye nirya ara, Allah El Dib Kanye arye, Allah diba tenenyak ninye nirya ati nyalul yupu ara, moubuka kekenamlulume. Malye winin ning nirya ati, ‘Nun like’ tenebikirye, malye kilamice ninye nirya ati ara, narye duknyamse kwaning, el si ara manna, bokuka arenamsine. Tonda anggun winiryuk si ati, tenebuka wipnirye, silye keil kurun ning deice seknyopura, aninye ati arepnamsine. Anggun winiryuk si ara, yuk ninye kum kel biknamake. Doprobica ninye aryuk, sik bidamang siuk kel biknamake. Ayupu nirya ara, Pergamus mutuku unyak diba tenena ninye ati nyapnamlyame,” nyapnuke. Ninye Mi Koprop Atonunye arye, na Yohanes ati nyapnuke.

Wahyu 2:11

Aning ati ara, anggun amul aupsililiba, ayupu kekepmanto ululum ninye nirya ara, Allah El Dib Kanye arye, Allah diba tenenyak ninye nirya ati nyalul yupu ara, moubuka kekenamlulume. Malye winin ning nirya ati, malye kibuka kinyak ninye nirya ara, ninye dipna like bitinye talak dipnamak ning ara, sik kum dipnamake. Malye winin ninye ila tuba tonap like bitinye dipnamak bukni, malye ning ati, ‘Nun like’ tenebuka, malye kilamice ninye ara kume. Kamuk unamake. Ayupu nirya ara, Semirna mutuku diba tenebuka unyak ninye ati nyapnamlyame. Ayupu nirya nyapnuke.

Yakobus 1:19

Na kayapu, nun du weit atonun ululum ninye, anggun nirya ati, na bico tenesunune. Anyapnusin yupu ara, moubuka kekeplulume. Ninye nirya ara, ninye arye yupu nyabikbuk, ‘Adip aryuk kekenamap’ tenen, kanye kintinilinamlulume. Bukni, yuk nang arye yupu nyanmace bukni, ‘Sik yupu yaniptapnirye, minopce na yupu uk nyapnune,’ tenena kume. Yupu nyapnumunye talak nirya ara, minopce moubuka tenepmunce, yupu moubuka nimalye aryuk nyanamlulume. Tonda, minopce yu pia una meme.

Markus 4:23

Aning ati ara, na peterepsinye yupu ara, talye amul deiceuk kum kekeltakanamlulume. Yata nang do nirya, na nyasinye yupu ‘Moubuka kel kiptinye’ tenen, pataplinye bira, pia na nyapmasin yupu, moubuka kekenululume.

Amsal 4:1

Se, amapo, anggun ni yapu arye nyasinyak yupu nirya ara, pia moubuka kekenamlulume. Winibuka umunce, anggun ni yapu arye nyanyak yupu nirya ara, moubuka kekepmunyopura, anggun kel bikna ning ara, pia weika arye kel bikinamlume.

Wahyu 3:6

Ati anggun amul aupmasiliba, anyapmasin yupu ati, ‘Deiyok ani’ tenen, kekepmanto ululum ninye nirya ara, Allah El Dib Kanye arye, anggun diba tenelulum ninye ati nyasilye yupu ara, moubuka kekenamlulume.” Ninye Mi Koprop Atonunye birye, na Yohanes ati, nyapnuke.

Wahyu 2:29

Ati, anggun amul aupmasiliba, anyapmasin yupu ati, ‘Deiyok ani’ tenen, kekepmanto ululum ninye ara, Allah El Dib Kanye arye, anggun diba tenelulum ninye ati nyasilye yupu ara, moubuka kekenamlulume. “Ayupu nirya ara, Tiatira mutuku unyakce, diba tenena ninye ati nyapnamlyame,” nyapnuke. Allah arye, na Yohanes ati nyapnuke.

Wahyu 2:7

Anggun amul wapsilyopura, ‘Ayupu deiyok ara ani’ tenen, kekepmanto ninye nirya ara, Allah El Dib Kanye arye, Allah diba tenenyak ninye nirya ati nyalul yupu ara, moubuka kekenamlulume. Ara, malye winin ning nirya ati, malye kibuka kinyak ninye nirya ati ara, na pia teleb ununa noutamak tikuk yo ati, “Teleb amolul yo duk ara anggunda dakuka diplulum,” nyapnamne. Ayo duk din ning ninye nirya ara, pia kamuk unamak anya arye, ayo el si ara, Kam Una Yo nyanyabe. “Ayupu nirya ara, Efesus mutuku diba tenebuka unyak ninye ati nyapnamlyame,” nyapnuke.

Matius 3:9

Tonda, anggunce, ‘Kume, nun deipkirik deiyoknye bira, Abraham usulula ati, Allah arye kum wenepnamsile,’ tenebuka kum nyapnamlulume. Aning ara, tenena kume. Allah arye, ‘Abraham el mapu na doproptinye’ tenen, pataptopura, talya ubuk keil arye bobuka, Abraham el mapu ton kintinipdeiptue.

Wahyu 3:22

Amul aupmasiliba, anyapmasin yupu ati, ‘Deiyok ani’ tenen, kekepmanto ululum ninye ara, Allah El Dib Kanye arye, anggun diba tenelulum ninye nirya ati nyasilye yupu ara, moubuka kekenamlulume, nyapsine.” Ninye Mi Koprop Atonunye birye, na Yohanes ati, nyapnuke. Anye birye nyapnuk touk, na Yohanes arye sekuka nyapsine.

Amsal 6:20

Se, na mapuo. Na anggun ni birye yata wirin ning do nirya ati, ‘Aning ara wininamlulume, aning ara kum wininamlulume,’ nyapdeiamsise yupu ara, luba kina pia meme. Tonda, anggun nin yapu arye, yata wirin ning do nirya ati, ‘Aning ara wininamlulume, aning ara kum wininamlulume,’ nyalilamsik yupu ara, kum yaniptapnamlulume.

Amsal 7:7

Dinmasiba, kam nang weik ulamika noutamak arye, walwalnye tonok unmokba eipse. Anye bira, dipkoprob pia walwalnye ulamuk. Elda, ‘Teleb winin ning ara ani, malye winin ning ara ani’ tenen, moubuka tenilena kumnye ati ara, diksukum ubuka, kum ulamuknye ulamukba, eipse.