Amsal 4:26 - Eipomek

²⁶ Abanamince, min kum binapminye talak ara, ‘Nong bisikuk banune,’ tenebuka, an kanye talima pia moubuka tenenamlyame. Ance umince, moubuka tenemince, pil mikip arye piribuka donamlam ning nirya ara, nong upra banam kile. Tonda, sik malye unyak ninye arye unyak ning ara, ‘Na ton winiptinye,’ tenena kumce, an telebuk uminyopura, an wininalam ning nirya ara, pia telebuk unamkile.

Amsal 4:26 Referans Kwoze

Ibrani 12:13

‘Anggun nirya mikip arye diksukumuk unamlum’ tenen, domon yupu deice arye nyapnusine. Ara, ‘Sik teleb bisik talye luparabuka binamak’ tenen, anggun bisik ara, tuku palibuka teleb kipdeipmunyopura, sik yok mitik anun arye kwanyamle ninye ara, weik arye kum kwanipnamle bukni, kwetepmunyeba, lipsisikikirye yum uplyopura, diksukumuk banamake. Ati, Allah arye asilesilirye, wenebuka peteresilye talak nirya ara, melipdamunce, diksukumuk unamlulume.

Mazmur 37:23

Yata ninye do nirya, diksukum bisikuk banyak ninye ara, Allah arye aninye ati, melibuka kalikilule. Allah arye aninye ati melipliba, sik wininamak ning nirya ara, telebuk upliba, nong upnamle. Deiyok ara, Allah arye aninye pia moubuka talilirye, telebuk unamake.

Mazmur 119:5

Diba, na ni Allah, nara ance nyapdeiamsulum touk, pia moubuka wininirye, na kanye talima nirya, an deiceuk deipnirye, ance, “Aning ara, wininamlulume. Aning ara, pia kum wininamlulume. Teleb winina ara, ani,” nyapdeiamsulum touk, ‘Na ni koprop Allah arye, meliniliba, ayupu uk moubuka tenepnirye, aninguk melibuka, dobolbanamne’ tenen, morokunune.

2 Tesalonika 3:3

Sik anang ara, malye ulisinyak bukni, Allah elda, batakna kumce, el nyalul yupu nirya, dipkoprop sirya dakalulnye binya arye, ‘Isa Mutuku Dongonye arye, anggunti, malye kipsilyak’ tenen, anggun kanye talima, mikip kipdeipsilirye, moubuka kalikinamsile.

Hagai 1:5

Ura, anggun kayapu ati ton, anggunce tamubuka dipdemunce, kiklipdenamlulume. ‘Teleb usulul do? Malye usulul do?’ tenen, na Allah arye nyapsine.

Hagai 1:7

Ati ara, anggun winilulum ning nirya ati, anggunce tamubuka dipdemunce, kiklipdandelulume. ‘Teleb usulul do? Malye usulul do?’ tenen, na Allah arye nyapsine. Awinisulul ning ara, anggunce dilamunce, ‘E, nun unyap ning urasin ara, winisulule’ tenen, moubuka kel bikildalulum do? Aning ara, yata ning deice arye, malyeuk usulul do?

1 Tesalonika 3:13

Tonda, nun Deiyoknye Yesus ap, el im deice melina nang, malaikat ap, tukwak tamubuka yanamak talak noutamak bukni, anggun Tesalonika ninye ara, nun ni Allah dam tikilbinamlum talak ara, ‘Anggun malye winin ning tonok ning babye, kum uplye deice arye, pia diksukumuk wininamlulum’ tenen, Allah morosunune. Tonda, ‘Winibuka wininamak’ tenen, ‘Yesus arye anggun talima mikip kilililamsilya deice arye unamak’ tenen, Allah morosunune. Na Paulus arye nyapsine.

Efesus 5:17

Aning ati ara, kanye bona kumce, talye kanye bobuka walwal arye, kum wininamlum bukni, nun Deiyoknye birye, ‘Wininamake,’ tenesilye touk, aninguk moubuka kel biknin banamlume. Walwal asa arye, malye kum wininamlum ning ton nyapnusine.

Yehezkiel 18:28

Ara, urdem ati kum nyapsine. Deiyok ara, el malye winilamlye ning nirya bataklirye, dib teneplyopura, yuk talak babye, pia diksukumuk wininamle anya arye, anye bira, kum dipnamle. El malye winin ning batakuka, teleb winin ninguk, wininamle deice arye, kam pia unamle.

Mazmur 119:59

Na kam unirye banamne talak nirya ara, narye pil dobuka unamne ning nirya ara, pia moubuka tenelamsa deice arye, wininamne. Ara, na kam unamne talak nirya ara, ance, “Wininamlulume. Teleb winina ara, ani,” nyapdeiamsulum yupu moubuka tenepnirye, narye wininamne ning ati, moubuka tenena arye, telebuk unamne.

Amsal 5:21

Ayupu nirya ara, talye ati kum nyanmasine. Deiyok ara ani. Ara, tukwak mutuku-mutuku nirya unyak ninye ara, sikce wininyak ning nirya ara, nun ni koproba Allah Yahweh arye, elisulule. Elisilirye, ninye wininyak ning nirya ati, ‘Teleb ning ani, malye ning ani’ tenen, yupu lipsisikuka bokolisulule. Aning-aning nirya disulula anya arye, tonok ning babye kum batakalule.

Efesus 5:15

Aning-aning nirya ati ara, anggun Efesus mutuku ninye ara, walwal unyak nang atonun talye mankau kanye bobuka kum unamlume. Anggunda, ‘Walwal arye, malye winibibyak’ tenen, pia kanye moubuka umunce, weik kel nang arye, winilamak touk diksukumuk wininamlume.

Amsal 5:6

Akilapu ara, ‘Kam una ati, diksukum bisik ara ani’ tenen, moubuka tenina kumce, kwanim bisik balamak touk, sik akilapu ara, diksukum bisik bana kumce, kwanim bisikuk banyake. Wininyak kilapu ara, ‘Nunda kwanim bisik banyaba,’ kum tenebikirye, talye kanye bobuka banyake.

Mazmur 40:2

‘Na ni Allah, el si Yahweh, ‘Na ikin unilye ning ati, melipnamnil ca’ tenen, moropsirye, dinauk ulamsebuk, na moropse yupu kekepnuke. Allah atibuk, ‘Melipnilyame,’ nyabuka moropsiba, kekepnukce, akunum melipnuke.

1 Peterus 5:10

Winibuka umunye talak noutamak arye, ikin ning ton upsilyopura, Allah elce anggunti, teleb kipdeipsilirye, ‘Darapdongobuka unamak’ tenen, mikip arepsilyopura, pil pia palibuka dona ati deiyok ning arenamsile. Allah arye, ‘Sik ap, Yesus Kristus ap, kanye dukdongobuka unyaka deice arye, pia kam unamake. Teleb arye dirina kan-kan ak, na ap dukdongobuka neika unamap’ tenen, yukupsuke.

Amsal 4:25

Ati an asing ara, ‘Talye-talye dipra banune,’ kum tenenamlyame. An asing dana-dana dipra bana kumce, pung bisikuk diprebuka banamlyame. An urasin menekuka banmalye bisikuk, banamlame.

Amsal 15:21

Yata nang do nirya, tuba walwal uk unyak nang ara, ‘Aning ara wiriptibye’ tenen, tuba-tuba pataliba, yuk nang arye awal-wal ninguk upnin balamikiba, yuk ninye ikin uplyopura, aning eibikirye, kanye delinamake. Sik walwal ninguk patalye ninye ara, wininyaka deice arye, weik kanye imun un ning sik damak yanganamle. Bukni, ninye ton kanye moubuka tenipdekirye, ‘Teleb bisikuk dobolbanamabe,’ tenenyak nang ara, dipkoprob teleb ninguk talibuka unamake. Winipnin banamaka deice arye, sik kam unamak talak nirya ara, telebuk unamake. Sik pil donamak ning nirya babye, nong pia weik upnin banamle.

Amsal 21:29

Ninye ton dipkoprob ninguk winilulnye bira, ‘Teleb una ara ani, malye ning ara ani’ tenen, el wininamle ning nirya moubuka tenelya deice aryuk, aning nirya tenebuka kintinililule. Bukni, malye ninguk winilulnye bira, ‘Yuk ninye kel biknicak’ tenen, ilil pia kum kanye bobuka weik winiplirye, erepdanuka kwalilule. Dipkoprop el wininamle ning min kum tenepmale bukni, el urasin ara, ilil una kum kili sal wininyak touk kibuka, talye lukparabuka balule.

Amsal 23:19

Se, na yapu anggun nirya kekepnululume. Anggun kam unamlum talak nirya ara, ‘Nun unamap ning ara, winibuka weik kel bikna deice aryuk unamabe’ tenen, unamlume. Tonda, ‘Mangkau kanye arye, malye ubipyak’ tenen, anggun unamlum ning nirya ati ara, dipkoprob moubuka tenepmunce, malye ning nirya batakuka, teleb winin ninguk talibuka unamlume.