Amsal 3:19 - Eipomek

¹⁹ Allah el pia weik kel deice arye, tukwak mutuku ap, tukwak mutuku noutamak ulul ning nirya ap, kwepdeibuk. Aning atonun, elce, ‘Aning telebe, aning ara malye’ tenen, moubuka tenelamuka deice arye, im deice ulul ning ap, im noutamak ulul ning nirya, kwepdeibuk.

Amsal 3:19 Referans Kwoze

Mazmur 104:24

Se, nun ni Allah Yahweh, ance pil dolyam ning aning-aning nirya ara, pia weik awinilyam ning ara, ninye arye kum nuktibye. Anda dipkoprob weik kel bikna deice arye, aning-aning nirya kwepdeiamsulume. Winibuka winipsulumba, tukwak mutuku noutamak nirya, ance kwepdeiamsulum ning, ayala-yala nirya weik aulule.

Yeremia 10:12

Allah el mikip weik deice arye, tukwak mutuku nirya kwepdeibuk. Allah el weik kel deice arye, tukwak mutuku ara, urasin teleb kipdeibuk. Tonda, el weik kel deice arye, tukwak mutuku nirya, teleb kipdeibukce, asukum kat kipdeibukba, asukumuk unamle. Kum long-long apnamle. Tonda, Allah arye, weik deiyok ning noutam nirya, weik kel bikamuknye birye, im alip tam ap, im noutam ulye ning nirya ap, kintinibuka, teleb kipdeibuk.

Yohanes 1:3

Yupu nyanyapnye, elce aning-aning nirya kwepdeibuk. Yata ning do nirya, Allah arye kwepdeibuk ning nirya ara, Yupu nyanyapnye, pil dobuk deice arye aning-aning nirya kwepdeibuk. Aulul ning yala-yala nirya ara, Yupu nyanyapnye, elcuk aning-aning nirya kwepdeibuk. Yuknye birye, tonok ning babye kum kwepdeibuke.

Yeremia 51:15

Allah Yahweh, el mikip weik deice arye, atukwak mutuku nirya kwepdeibuk. Allah el kel weik deice arye, atukwak mutuku ara, urasin teleb kibuka kwepdeibukba, asukumuk aulule. Tonda, el kel weik ap, aning-aning nirya nong noutam kel bikilula deice aryuk, im tam ton kwepdebukce, amsuna kitcamikca yokuka tokolilamak touk, pala kipdeibuk.

Mazmur 136:5

Atonun, elce aning-aning nirya kel weik bikilula deice arye, im ap, im tam ulul ning yuk-yuk ning nirya babye, elcuk kwepdeibuke. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyalin yupu deice arye nyapsuka ati, aning ara, pia kum bataknamsile. Anirya ara, nun nirya arye el tibuk si erebuka kina ati, ‘Naio nunce anti pia telebe,’ nyabuka nyanamabe.

Amsal 8:22

Minop talak Allah arye, aning-aning nirya min kum kwepdeiamuk talak ara, Allah Yahweh arye, ‘Kel pia weik bikna deiyoknye’ tenen, wepdeiamnuke. Ara, pia min yuma talak Allah arye, el taruk koproba arye talibuka, pil donamik ning nirya ara, tonok ning babye, min kum domuk talak arye, ‘Kel weik bikna deiyoknye unamle’ tenen, wepdeiamnuke.

Ayub 38:4

Ayub anda, tukwak mutuku, im sirya, mutuku sirya ap, tuku amu tam yangan keil ap nirya, kwelinmase talak ara, an asing koproba arye dinmalum do? Atalak ara, an dan mutuku ulamlum do? Ara, mutuku kwepdeipnuse ati, mutuku yangan keil deiyok koubuka deipsak ara, akunum kel bikaminyopura, laka nyapnamanilyame.