Amsal 26:13 - Eipomek

¹³ ‘Ikin pil donamne ning ara, na like, kum donamne,’ tenebuka ululnye bira, ‘Yuk nang arye, pil dolbilyame, nyapnicak’ tenen, nyalule. “Kume, bai tam bana na like. Aik pum tam uk unamne. Deiyok ara, bai tam banyopura, bai tam ulamle weik yu kus, el si ara, singa arye yanuka opnilyak ati, bai tam kum binune. Tonda, ninye aik dobupa noutamak banyap bisik ara, weik yu singa kus arye, yanuka opnilyak ati, bai tam binuka pil kum donamne,” nyalule. Dipkoprop deiyok kum upmale bukni, talye nyaltakalule. Deiyok ara, anye birye, pil dona lik ati winilule.

Amsal 26:13 Referans Kwoze

Amsal 22:13

Pil aning-aning nirya dona ati, ‘Na like, urdemuk unamne,’ tenebuka ululnye bira, aik pum uk ulirye, talye nyalul yupu ara ani. Dipkoprop kum upmalibuk, ‘Pil kum donamne’ tenen, talye yupu nyalul ning ara, “Se, bai binyopura, bai mutuku tam pia yu weik ulul kuse atonun ning, el si ara singa kus arye, bai tam tikmalya arye bai tam banibuk, bisik noutam arye opnamnile,” nyabuka talye yupu uk nyalule. Aning atouk, “Se, ninye asik weik dolamikce, noutam bisik binyopura, malye nang arye, yu upliba opnikcak,” abuka, talye yupu uk nyalule.

Amsal 19:15

Lik-lik asa arye unyak nang, sik dam ara, wi talin ninguk yangaliba, mana uk unyake. Sikda pil teleb ubuka kum donyaka anya arye, ‘Maltakna uk unamabe’ tenen, talye-talye uk unyake. Aning atonun, ‘Aning winipnamne do, aning winipnamne do?’ tenen, lik kanye bobuka, unyak nang ara, obina ayana kinyaka anya arye, sikda din pataliba, imun kanye bobuka unamake.

Amsal 15:19

Ninye ton tuba-tuba, ‘Pil mikip arye dona ara na like,’ tenelirye, pil teleb ubuka kum dolulnye bira, el kam unamle talak nirya ara, patana uk uliba, imun kanye bobuka pia ikin weik unamle. Bukni, ninye ton diksukumuk ulirye, Allah el yupu uk kekebuka dobolbalulnye bira, pia telebuk unamle. Tonda, weik kanye imun ning ton, el damak pia kum yanganamle.

Amsal 6:6

Anggun pil dona lik ulamsil ninye ara, adiparyuk tulik arye pil donyak ning anyak dilbilulume. Winipmunce, ‘Sikda yata wiribuka pil donyak do?’ tenen kel biknamlulume. Tulik arye pia pi dobuka pil dolamak ning, kel bikmunyopura, pia weik kel nang unamlume.

Matius 25:25

“Winipsa ati, an areamnulum ara, weik yo bok tonok adeiamse touk, tonok yo bokuk tamubuka arepkine,” nyabuk.